Instagram story viewer> @michelle.lolo> Posts

萬悅・MICHELE

@michelle.lolo

1.5K

followers

961

following

200歲藝術少女假日是兼職小師奶
•
ᴜᴘ ᴄᴏᴍɪɴɢ ᴡᴏʀᴋ:
ME AMO @me_amo_project 戲劇、展覽
•
ᴠɪꜱᴜᴀʟ ᴡᴏʀᴋꜱ :
@image.of.self_jpg ✨ @only_human_being 🌊

POSTS STORIES REELS TAGGED

【200歲藝術少女の成長日記 - 解開心結篇】

2017年，DSE中文有條作文題目叫「自此之後，我終於解開了心結...」我果陣寫極都寫唔到合格嘅文章，因為我係好認真對待「心結」呢一回事，可以係短短嘅800字裡面就解開心結，對我黎講係完全唔合理。

我呢啲固執藝術少女，心結又點會少，由18歲係歐洲學畫嗰陣開始儲，到入演藝學院讀咗4年書，到啱啱做第一份全職... 儲埋儲埋咗好多心結，然後慢慢拆解，慢慢同自己和解... 我都幾肯定我嘅經歷係好精彩，好多動聽故事嘅，而800字真係表達唔到曬呢！Am I a joke to you? （笑）

個半月之後，我就25歲了，我一直對呢個數字有一種警覺性，因為一個成年人嘅shape係如何，係好視乎於佢18-24歲呢個階段嘅吸收同經歷係如何，25歲嘅時候，biologically, 個腦囟終於生埋，人會變得冇咁大膽去做事，或者冇咁大膽去面對自己。18歲開始，我就一直反思，我想成為一個點樣嘅人。

24歲嘅尾段，我就好似我嘅職業狀態—自由身演員/藝術工作者咁，自由自在。我唔再被曾經嘅執著限制，唔再被其他人嘅目光限制，我只會自由自在咁向前跑。

I’m free, so I play.

感謝自由自在嘅我，幫我聯繫咗 @yau_ty_
THIS SOUL IS AMAZING , CONTACT HER FOR WORK
多謝你記錄低而家呢個狀態嘅我

In frame : @craezii_kuy , Me
Photographer : @yau_ty_ by @michelle.lolo

254

7

a year ago

Schatzi taken in Germany by @michelle.lolo

160

3

a month ago

《胭脂扣 — a mile stone of the year》

計計埋埋，我學咗五個學期嘅鋼管舞，姐係差唔多學咗一年，除咗有show係身，或者唔係香港嘅話，我都真係keep住學咗一年，好癲啊，我係一個唔鍾意運動嘅人，竟然比我入咗呢個坑。早兩日，好朋友安婷讚我叻，堅持一年嘅學習絕對唔容易，我話，我鍾意pole嘅原因係佢係好實在嘅「多勞多得」項目，有練習就會做到，唔練就邊個都幫你唔到。係呢個咁多變幻嘅世界，有樣嘢係生命中係咁絕對，對於我呢啲頭腦需要簡單一點嘅人，真係好有療癒性。

呢一年嚟，每次上八星期嘅課堂嘅輪迴就係，望住老師跳得好靚，到望住啲同學跳得好靚，到望住自己跟極都跟唔到，前後左右分唔清，到自己book場練習，到聊同學一齊練習，到第八個禮拜嘅時候，奇蹟會隨著腎上腺素升高來臨，跳緊嘅時候諗住：某個位好似炒咗喎，但返到屋企睇片嘅時候就諗：喂，有啲料到喎，又幾好睇喎！可以再報下一班上..... 個坑就係咁嚟架啦。

八個星期之前，我睇到pole craft 出咗呢隻舞，我一見到就知道一定要報，隻舞編得好靚！儘管我係冇學過著Heels跳，本身亦都冇學Heels嘅打算，要跳隻相對複雜嘅，唔係bb班嘅舞，其實個難度都幾高，但係隻舞編得好靚！！加埋旗袍、hip hop cross 中國舞（我細個跳中國舞）、胭脂扣套電影、胭脂扣首歌...等等嘅元素，我好認真咁對待呢個興趣班，認真到on show咁濟，因為隻舞真係編得好靚！！！坑... 就係咁，越入越深。

亦係咁，我今年認識咗一啲一齊學pole嘅好同伴，好老師。呢到嘅氣氛真係好好，大家互相鼓勵，互相學習。好感恩遇到你哋！ @lwssss 係我自我懷疑嘅時候，超級鼓勵我。 @bigearstory 介紹好多好嘢比我，一齊練invert, spot 對方 @keikei.dance @kiki961111 左邊一個琪琪同右邊一個琪琪夾住我係中間，一齊團練嘅感覺好有成功感！同埋呢個學期嘅老師 @craftwirl_ ，世上有唔同版本嘅《胭脂扣》 cover, 我偏偏最鍾意嘅係Jo老師唱（嚟比我哋mark舞）嘅嗰個live版本，會係某啲重點位置自帶減束效果嘅版本，簡直係世界級，勁有安全感，老師真係好貼心，照顧得大家好好，感恩可以係pole craft 完結之前遇到你。

最後嘅圖片，我邀請咗佢哋睇我跳舞，見證我嘅成長，亦邀請佢哋跳上支pole試下個感覺，呢兩個可愛嘅人兒，次次都唔捨得同你哋講bye bye by @michelle.lolo

132

5

3 months ago

在忙碌和充滿張力嘅日常生活中你會點樣愛自己？💛✨

策展、繪畫及戲劇導師盧萬悅（Michele）：
我會當自己係自己嘅情人咁呵護、照顧、愛錫。我會寫情信比自己，係信裡面，我會寫讚賞嘅說話、感恩嘅說話，並且承諾自己：「我會比最好嘅你，你想要嘅，我都會爭取比你，我會持續地愛你。」

戲劇導師林煒婷(Waiting)：
飲一杯喜歡的飲料、吃一份美味的蛋糕、穿一套漂亮的衣服、曬一曬溫暖的陽光⋯⋯
學習善待自己多一點，聆聽內心的需要，享受每天與自己的相處時光。

戲劇導師謝慧思(Sze)：
我會將自己放係太陽底下～將自己身上嘅霉菌曬走，將個人曬到暖笠笠，然後係出汗之前，將自己放番係樹陰或者有冷氣嘅地方。

——————————————————————————
Me Amo 「我愛我」自畫自演藝術計劃現正招募參加者！💖

18歲以上，曾經或正受焦慮或抑鬱狀況困擾而願意分享個人故事嘅你，只要對創作、探索自我有興趣，無需任何經驗，快啲嚟報名啦！

焦慮或抑鬱是我們在城市生活常會經歷的心靈狀態，有時會慢慢過去，有時需要更多的幫助，但我們在意識中總把這些經歷歸類成負面，希望可以從記憶中抹除，就容易忽略了這些經歷正正是構成「我」的一部份，難以從生命中切割。《Me Amo 「我愛我」自畫自演藝術計劃》透過繪畫和戲劇兩種不同的藝術媒介，讓參加者在一個舒適和安全的空間中創作，抒發、探索每個人自我的內在，把焦慮或抑鬱化成與人分享的故事，用作品為自己打氣，慶祝學會更愛自己！

計劃詳情*：
⭐️第一階段 - 工作坊及創作階段：2026年6月10日至7月22日
⭐️第二階段 - 作品展出展覽及演出：2026年7月24至8月4日
*詳細工作坊及演出時間請參看報名表格

報名：https://forms.gle/i52bSP9YHPK2TqSU9 (Link in Bio)

費用：免費
（參加者需接受面試及在獲取錄後繳交港幣$600按金，出席率達70%者可於活動完結後取回按金）

截止報名日期：2026年5月13日（晚上11時59分）
面試日期：2026年5月21至23日
參加名單公佈日期：2026年5月28日

Photo credit : @yauuuty by @michelle.lolo

121

0

5 months ago

Me Amo 導師簡介 ⭐️

盧萬悅（Michele) 畢業於香港演藝學院戲劇學院，主修表演。入讀前曾赴歐洲交流學習繪畫，由此展開她的視覺藝術旅程。在學期間獲 JK & Ingrid Lee Foundation「創意項目基金」，創辦及策劃《ME AMO（我愛我）擁抱獨我展能計劃》。她熱衷於表演、視覺藝術、欣賞世界、感受生命。

2023至2025年為「一條褲製作」駐團演員，現為自由身藝術工作者，積極投入劇場教育，於中小學擔任戲劇導師。近年亦參與 Art Central 藝術博覽會的社區團導賞工作。

——————————————————————————
Me Amo 「我愛我」自畫自演藝術計劃現正招募參加者！💖

18歲以上，曾經或正受焦慮或抑鬱狀況困擾而願意分享個人故事嘅你，只要對創作、探索自我有興趣，無需任何經驗，快啲嚟報名啦！

焦慮或抑鬱是我們在城市生活常會經歷的心靈狀態，有時會慢慢過去，有時需要更多的幫助，但我們在意識中總把這些經歷歸類成負面，希望可以從記憶中抹除，就容易忽略了這些經歷正正是構成「我」的一部份，難以從生命中切割。《Me Amo 「我愛我」自畫自演藝術計劃》透過繪畫和戲劇兩種不同的藝術媒介，讓參加者在一個舒適和安全的空間中創作，抒發、探索每個人自我的內在，把焦慮或抑鬱化成與人分享的故事，用作品為自己打氣，慶祝學會更愛自己！

計劃詳情*：
⭐️第一階段 - 工作坊及創作階段：2026年6月10日至7月22日
⭐️第二階段 - 作品展出展覽及演出：2026年7月24至8月4日
*詳細工作坊及演出時間請參看報名表格

報名：https://forms.gle/i52bSP9YHPK2TqSU9 (Link in Bio)

費用：免費
（參加者需接受面試及在獲取錄後繳交港幣$600按金，出席率達70%者可於活動完結後取回按金）

截止報名日期：2026年5月13日（晚上11時59分）
面試日期：2026年5月21至23日
參加名單公佈日期：2026年5月28日

Photo credit : @yauuuty by @michelle.lolo

251

1

6 months ago

培正DRAMA NIGHT

自由身工作的第一年，今年三月到四月，馬不停蹄地做完一個工作，就接下一份工作。原來會忙碌到，連自己做咗嘅工作內容係乜都會唔記得，不過我清楚，做緊嘅時候，係非常當下嘅，咁就足夠了。

一定要多謝我強大嘅大佬 @pearlmi_tam 兼好友好姊妹嘅邀請，做佢嘅編劇同埋導演助理，比機會我coach 英文台詞、比機會我寫劇本、比我揀自己鍾意嘅歌比學生唱... 最重要係比機會我認識培正中學（何文田演藝學院）呢個大家庭。培正戲劇啲威水史，我讀中學個陣已經聽唔少，細個我會幻想，如果我係培正讀書就可以接觸好多嘅戲劇，真係好正。後來我亦有諗過，如果當年揀大學，我唔選擇戲劇，我就應該係讀語文，讀英文，好大機會係入學校教書。

冇諗過係我第一年作為自由身工作者，竟然可以以戲劇導師嘅身份參與培正drama night，入學校教戲劇，都算係圓到唔同成長階段嘅夢想。

係The R3wind Remedy 裡面，有一句台詞我特別喜歡：
When was anything in our teens actually ‘perfect’? There’s no perfect outfit, or perfect message. You just do what your gut tells you to!

冇記錯呢句台詞係我寫嘅。我想比呢班青少年知道，成長嘅過程當中，冇嘢係完美。只能夠係將來回望過去嘅時候，先見到所有嘅掙扎都係完美地出現係生命之中。

面對住同學仔嘅感謝，平時感性，懂得接住其他人情緒嘅我，竟然害羞，唔夠膽去盡情take佢哋嘅讚賞。我淨係識呆呆地望住你哋可愛青春嘅臉容，然後微笑，好多嘢想同你地講，但係又有好多嘢想留比你哋自己領會，因為你哋都係好優秀，覺悟性好高嘅人兒，我係你哋身上見到無限可能性。

慶功個日，我將你哋嘅心意（卡）都放晒入心（口個袋）。你哋嘅心意，老師收到晒，只係怕醜咗啲啫。我想比你哋知道，除咗教你哋戲劇同用英語表達之外，我好想可以認識你哋每人多啲，可以同你哋每一位都傾下計，不過時間有限，好多時候都要忙著追趕進度。開初排練嘅時候，大家見我成日望住電腦唔理你哋，其實我係埋頭苦幹咁做緊編劇工作，一路諗究竟點樣可以比每位同學都有發光發亮嘅時刻。

完成呢份教學工作後，我腦海裡面，不停浮現出我人生裡面，遇過嘅所有藝術、戲劇導師。儘管我學習藝術嘅路裡面，遇到好多嘅挫折、不解、心結，有繼續緊密聯絡嘅老師，亦有我覺得唔明白自己嘅老師... 而家唔知邊度嚟嘅一份力量，或者可能係一種最近獲得嘅成熟，我衷心地感恩遇過你哋每一位。

多謝舞台，多謝劇場。 by @michelle.lolo

309

13

6 months ago

Art Central MAR 2026
呢兩年我都有係Art Central工作，負責幫community tour 寫稿、安排tour route同埋帶啲對視覺藝術唔多認識嘅大眾/NGOs 進入呢個藝術世界。除咗每日認真打扮，我好認真帶隊架（我會話打扮係工作嘅一部分），因為我好想可以做到藝術同大眾之間嘅橋樑，我深信藝術唔係high-end東西，只要有高質嘅導賞，享受藝術唔需要有門檻。

今年有朋友參與咗我嘅導賞團（呢個朋友嘅要求都高架），佢嘅feedback係 so proud of you，然後仲draft咗個email 大讚導賞團嘅質素好高，深入淺出，幽默風趣，令人想留低，用新嘅角度再接觸藝術。

除咗微笑同埋講多謝之外，我心裡充滿住感恩，多謝我嘅畫畫師傅，教識我點樣睇嘢，欣賞世界萬物。同埋多謝胡老細溫柔嘅鞭策，做咗3次一條褲嘅表演講，對解釋同表達概念類型嘅東西更有條理同信心。

工作照credit : Eric Hong by @michelle.lolo

262

8

6 months ago

《北平黑夜A Brutal Beautiful Death》 Mar 20-21.2026

《北平黑夜》係我係演藝學院畢業之後，第一個要自己唱晒一首完整嘅歌嘅演出，說實話，我唔係唱歌跳舞類型嘅演員，成個戲，我最緊張就係結尾嘅solo. @micahsandt 真係超級才子，由year 1 認識佢，到我啱啱係一條褲入職做《金童子》嘅幕後，望住佢one man show，到而家能夠正式同佢合作，唱出佢為我嘅vocal range 寫嘅歌，仲要係一首帶有Jazz味道嘅歌，the song fits my voice like a glove... What more can I ask for?

我嘅角色Pamela 呢個鬼妹仔，係由一個Gay Man + Middle aged man 寫出嚟嘅Teenage girl （呢單嘢係我個腦裡面係幾好笑）。可以係一個戲裡面，做反叛嘅鬼妹仔、做俄羅斯妓女、有得係台上演繹英式英語，甚至帶俄羅斯口音嘅英語... 咁多好玩嘅元素，again, what more can I ask for?

能夠做演員真係好幸福，能夠同舞台做好朋友真係好幸福，幸福感滿滿，演出自然就會「十分可人」。

我知有乜嘢可以ask for 了，ask for 《北平黑夜》做full production.

Photo credit: Jeff Cheng by @michelle.lolo

211

4

6 months ago

【 200歲藝術少女の成長日記 - Talent is a myth 】

每逢10月到12月就係校際朗誦節嘅賽期，各學校、興趣班都忙碌住特訓一班有潛質嘅學生。係開始教學之前，我都會同負責老師/家長溝通，對話之中，我都會聽到類似說話：「佢哋都好叻架，呢個妹就好掂嘅，另一個就...」我知道佢哋有想比我一個心理準備嘅意思，所以用「好掂」、「好叻」、「有才華」類似字眼去概括學生嘅能力。

呢啲字眼，係學生面前我避得就避，尤其對年紀越輕嘅學生，因為我覺得才華(talent) 去到一個階段就會變成傳說，我唔想佢哋嘅成長被一個空泛嘅「叻」困住。本身我想用bullshit 去形容talent, 但係我改口，因為有啲係3歲已經識講7個語言嘅細路，無可否認係talented.

關於being talented, 我有三個印象深刻對話。

第一：有位前輩講過，對佢黎講talented呢個形容只適合24歲或以下嘅人，之後擁有嘅都係由努力去換返黎。

第二：一位劍橋英文系出身嘅同輩朋友（呢個背景夠talented啦掛）嘅分享，佢好糾結於talent呢個字，細個有好多人讚過佢talented, 但係佢認為自己只係不勞而獲。

第三：每次有人讚我係talented嘅時候，其實我都冇乜感覺，我知道自己好係邊度，唔會因為唔熟悉嘅人比一個空泛嘅讚賞而感到特別開心。（要好認識我嘅人讚我，我先會放係心）

So what really is talent?

我覺得talent係一個恩典，一份禮物，唔洗特別用力爭取就可以自然擁有，甚至發揮嘅東西。唔知點解，而家好多時候，我地認為嘅talent都係skill based嘅，即係唱歌、跳舞、語言、計數等等，但係以上所有對我黎講都屬於後天努力，好好學習就會學到，譬如你日日都計數，數學再差嘅終有一日會計啱數。如果呢啲skill based 嘢等於talent , 咁我覺得，talent 只係個傳說。

我做藝術創作工作嘅，當然有接收過大家嘅讚賞，你嘅畫好靚，你係台上好有吸引力... （多謝咗大家嘅賞識先）我更覺得，我真正talented嘅係，我對於世界嘅開放態度、敢用創意解決問題、對人嘅態度 giving the benefit of the doubt. 呢啲係無人可以攞走嘅自我肯定，真正屬於我嘅talent.

尤其係呢個充斥住比較意識嘅世界，人要識得清楚描述到自己嘅優點係乜嘢，噉樣嘅有效self talk先可以穩固自己嘅價值，而唔會因為「其他人都做到，所以我呢啲技能不值一提」（係自卑定係真humble, 只有自己知），如果人定義自己嘅優點係咁抽象，咁我哋嘅價值會好容易被外在環境嘅轉變而動搖，好容易聽其他人講兩句之後，就會覺得自己嘅”talent”唔及其他人。

Come on. Talent本身呢隻字都已經好精警啦，仲可以分tier 架咩？所以我唔相信「啊邊個比第二個唔夠talented」嘅廢話，我會話，只係大家叻嘅位置唔同，我地一齊努力去發掘唔同種類嘅優點吧。

比起淨係重視個天比咗幾多talent自己，更加重要嘅係，我哋點樣認識、運用同埋發揮自己嘅talent。我相信所有人都有talent, 但係唔係嗰個都識用，好弔詭，咁美好嘅事情竟然冇說明書清楚表明點樣運用。

或者識得發揮自己talent嘅人，先係最talented嘅人。所以我哋要繼續加油，繼續練功，好好認識自己，發揮自己。認清咗自己才能嘅質地，咁先會好好地被看見，機會自然就會陸續有來。

後記：我想藉此恭喜我嘅學生，係我眼中，佢哋全部都係出色嘅孩子，係一班陌生人面前表達自己本身就需要龐大勇氣。另外，今年有學生攞冠軍，我覺得呢個妹妹talented 嘅位係唔只係英文好，更係勇於嘗試。（同埋每堂都肯同我鬥無聊。）To have the courage to be fun and silly in a rule abiding world is her biggest talent.

萬老師都會繼續加油，呢兩年做coaching都有學生攞獎，有業績固然開心，但係我更想證明愉快學習同攞獎攞好成績係冇衝突嘅。 by @michelle.lolo

144

1

10 months ago

川久保玲大戰山本耀司

(圖: Tag咗自己嘅畫畫account, 有唔少朋友都係無意發現呢個可愛小帳號，然後再話返比我知，咁我真係唔多update, 而家借個機會分享下佢。）

近排每逢星期日，教完中產bb班之後大概早上11點到，我就會同媽媽行廣東道，逛名店。純粹行下，睇下奢侈品係咩回事，兩母女滔滔討論，時裝世界真精彩。我地覺得，好多人鍾意買名牌，但係好多人唔識著名牌，Chanel, BV, Prada 攬晒上身，盡將設計師貫注入衣著嘅靈魂都吸走晒，品牌就停留於彰顯財富同地位嘅層次。

我唔係讀fashion, 亦冇相關工作經驗，只係睇過《穿Prada的惡魔》同埋同一位著山本耀司嘅人一齊過一陣，以下只屬隨心分享。

1991 年，軟硬天師出咗一首歌叫做《川保久玲大戰山本耀司》，歌詞寫得好絕，精警地形容物質主義嘅威力，一個唔小心就會變得呆呆痴痴。我所理解呆呆痴痴係失去對審美嘅判斷，我相信每一個品牌嘅存在本身會賦予住設計大師嘅精神，將品牌著上身就等於承認大師嘅信念、意識形態係自己身體嘅延伸。如果穿著者真心認同品牌嘅精神，無論任何人提出評價，都唔應該改變穿著者嘅衣著打扮，唔會動搖佢對品牌嘅忠誠度。

講到喜歡嘅品牌，最近我望住川久保玲嘅大作Comme Des Garçons 望到怦然心動（唔係講緊佢用嚟爭取資金嘅副線PLAY / CDG，而係佢嘅主線）我唔特別喜愛日本文化，日本人嘅過份客氣讓我感到不適，係我印象中大大扣分。儘管如此，有兩位日本藝術家我係非常欣賞，一位係草間彌生，另外係川久保玲。兩位都係二戰後嘅產物，係80年代開始成名，性格內斂但視野廣闊，作品極具前瞻性，投入商業世界時依然毋忘初衷。

二戰後，好多創作人對於「傳統」嘅概念有重新嘅睇法，挑戰框架、反叛、自由、平等、愛都係當期嘅重點字眼。

70-80年代，川久保玲連同當時男友山本耀司，用「反時尚」嘅前衛概念，首次將黑色帶入時裝界，顛覆傳統，更引嚟一班粉絲，佢哋叫自己做 The Crows ，即烏鴉。

川久保玲嘅美學 - For something to be beautiful, it doesn’t have to be pretty. 對比起山本耀司嘅流水式設計，我覺得玲姐嘅角度更加引人入勝。雖然兩人都相信，女性唔應該用服裝去取悅男性，反對貼身、賣弄性感嘅設計。但係川久保玲嘅作品裡面，「我要做自己，我只會取悅自己」嘅氣勢更加強烈，我覺得著山本耀司嘅感覺係「衣服令穿著者覺得自信」，而著川久保玲嘅感覺係「因為我已經很自信，所以我可以征服這衣服」。

我想像，川久保玲同山本耀司係眾多派別中，兩人美學理念難得地一致，遠見同野心一樣咁大，能夠搵到對方，一齊開公司，一齊成長、成名... 道理上，兩人應該係靈魂伴侶。但歸根究底，兩人嘅理念完全唔同，由同源異流變成同床異夢，最終結束長達8年嘅關係（姊弟戀，玲姐大啲啲），又完全可以理解。

冇咩結論，只係最近買嘅Comme Des Garçons就快到貨，感覺興奮，希望自己如同品牌名稱，(as a girl) just like the boys… 奔放自如、只取悅自己。

後記：原來山本耀司同Pina Bausch 勁close，時裝界crossover表演界咁大件事，點解我而家先知？ by @michelle.lolo

3

0

a year ago

【 200歲藝術少女の成長日記 - 中文有限公司】

(圖一：25歲第一天，係倫敦Tate Modern獨自影了一張Polariod , 再配上一幅自畫像，我珍愛現階段嘅自己。圖二：2018年中文閱讀理解模擬試卷，文章：張中行《自嘲》。）

係劇團做全職嘅時候，我有個花名叫「中文有限公司」，雖則我DSE總分有level 4, 但係我嘅中文能力同我個花名一樣，名副其實。

由細到大，我嘅語感、語境觸覺都係被英語壟斷，細細個捉住啲外籍老師講唔停嘅，就係我，Grammar and tenses 係小菜一碟。反而中國語文就學到亂七八糟。母語對我嚟講只限制於日常溝通，用中文抒情實在太有難度。唔好講抒自己嘅情，連睇其他人抒情我都覺得好有難度，我真心唔理解點解人可以係一件簡單事情上內耗蹉跎，表面又裝作冇事，表裡不一。換轉係我就已經寫咗幾篇letter of complaint 清楚表明不滿。

話係咁講，我心底裡面非常羨慕中文好嘅人。作為一位母語係中文嘅香港藝術人，咁豐富嘅文學、藝術同歷史就好似一場免費嘅文化盛宴送到眼前，飢餓嘅我偏偏無法進食，好無奈嘅遺憾。我接受唔到自己中文能力咁弱，儘管社會冇怪責過我，英文好實在係大晒。遇到有學養、有文采嘅人，尤其可以解答到我呢個被大英帝國思維荼毒住嘅腦袋對中文嘅不解同迷思，我覺得佢哋識發光，忍唔住想接近佢哋，學用佢哋嘅角度睇世界，係佢哋身上搵到破解盲點嘅秘方。

我諗，我同中文真係冇乜緣份，我同中文好嘅人都冇乜緣份。曾經認識一啲人，甚至有成為過好親嘅人，係我眼中佢哋係巨人，閃閃發亮，可惜可以係佢哋身上學習到更多之前，段關係就先不了了之。

係無緣亦或不願，一線之差，再深究都無補於事。咁大個人，用興趣名義搵中文補習，我坦白會丟臉，未過到ego呢一關。前一排執屋，搵到準備考2018年文憑試嘅閱讀理解文章同模擬試卷，我做咗一件破天荒嘅事：我重新睇過所有留落嚟嘅白話文文章，睇試題，做筆記。

過程中有迷茫，遇上好多陌生生字，Deep Seek成為我唯一嘅知心好友。望住一份初中語文基礎知識成語手冊，裡面嘅成語編排得密密麻麻，我諗起有個我嘅補習學生，高中生，要完成simple past tense 嘅造句，已經足以令佢心力交瘁。每次我都照樣溫柔地鼓勵佢，要面對一個冇信心嘅語言係好唔容易，生命中有啲嘢，盡過力就係贏。我會講得出口，因為我係佢身上見到自己。

逃避咗成個高小、中學、大學，我竟然會係入職場後，獨自重新面對自己最怕、最冇信心嘅一個範疇，用上25年嘅人生閱歷去做一次終極嘅閱讀理解。好朋友問我點解要咁做，的確，睇完中文未必進步，但係至少我對自己嘅恐懼同埋童年認識多咗，現身說法擁抱自己，就係成就嘅一種。 by @michelle.lolo

3

7

a year ago

【200歲藝術少女の成長日記 - Loved Nerd 】
(圖：Klimt & Egon Schiele 嘅作品。細個鍾意Klimt金色嘅運用，而家更加鍾意Schiele 對於個體之間嘅距離，線條運用好曖昧，令到畫中角色關係肉體同精神上嘅聯繫非常緊密，每個擁抱都係熱情而有力，so delicately intimate. ）

嚟一個勁nerd嘅flex

今年係歐洲，我總共行咗四十四間美術館兼博物館。兩個月，十個國家，四十四間博物館。超級大、大、中、小型嘅都有，有自己一個行嘅，亦有啲係歷史系細佬陪我行嘅。

除咗入劇場睇劇，我真係好鍾意行博物館，文史哲透過實物呈現係眼前，大量知識湧入腦袋，勁爽皮。（講咁耐，其實我好奇有冇其他熱愛行博物館嘅朋友仔👋🏻）

嚟多一個爆nerd 嘅分享

有一日同細佬講起封爵，佢講笑話而家被受封為爵士嘅門檻低得離譜，所以佢都要做爵士（交代返，佢係對名譽不感興趣嘅人）。我提議一個快捷方式，就係直接改名，係個名前面加個「Sir」落去，亦順便加埋其他title，一次過做埋Dr. 、Prime Minister 、沙皇...

所以細佬個全名就係 Tsar Sir Dr. Lo 細佬 the first (留意返，係冇the second 嘅）
可惜以上所有title 都唔係用正常途徑得到，佢嘅合法title 依然係Mr.

所以嚴格嚟講，佢個名應該係：
MR. Tsar Sir Dr. Lo 細佬 the first （no second)

我哋笑咗好耐，大笑後苦笑，不得不承認，我哋係niche到爆炸嘅nerds.

My companion, I hug you like a I’m in a Schiele painting! taken in Vienna, Austria by @michelle.lolo

209

3

a year ago