Instagram story viewer> @nosxintidu> Posts
Ana Sanches Miranda(@nosxintidu)'s profile avatar HD Profile

Ana Sanches Miranda

@nosxintidu

POSTS STORIES REELS TAGGED
Download All
BENVINDU NA PAJINA XINTIDU Txiga! Da bu "gosta" si bu gosta Sigi nha pajina si bu gosta Si uns di nhas XINTIDU toka-u N ta fika kontenti I klaru ki bu podi partilha-s ku bus familia i amigu Kuazi tudu nhas XINTIDU e skrebedu na verbus sen sujeitu N ta usa verbus sen sujeitu pamodi talves es e bus XINTIDU tanbi E ka nhas STORIA E ka nhas XINTIDU MAS DI-NOS NHA BIOGRAFIA N nasi na Ilha di Santiagu na munisipiu di San Migel na aldeia di Gongon Imigrason: ku 11 anu, nu imigra dia 6 di abril di 1985 pa Roterdon Nunka N skesi di undi N ben Nunka N skesi kes baziku di nhas genti Nha/Nhu da-m bensu Ruspetu pa gentis grandi 31 di agostu di 2019, N kria es pajina li Senpri N tenba txeu xintidu, mas N ka poba nada na papel N xinti-l N odja-l N OBSERVA N pasa-l N karega-l sozinhu N komesa ta skrebi testu ora ki N partilhaba letratu na Facebook N ta ba resebi riasons pozitivu na nhas testu ti txiga kel mumentu ki N purguntadu: pamodi ki bu ka ta kria un pajina? N komesa ta skrebi sima N ta papia, ki era nha baziku ki N prendi na Gongon/kaza N komesa ta ortografa ku alfabetu purtuges ki N prendi ku nha profesor Donda Txeu palabra komesa ta volta tanbi Palabras di nha dona i gentis di Gongon Palabras fundu, di fora,  mas DI-NOS N sa ta prendi ortografa ku alfabetu kabuverdianu ku sinhor Marciano Moreira, OBRIGADA! Nha amiga/familia Constantina Martins , OBRIGADA PA BU APOIU! NHOS KI SA TA SIGI NHA PAJINA, OBRIGADA! NHOS SA TA DA-M TUDU BES INERJIA DI SKREBI MAS @Ana Sanches Miranda Fotocredit Jessica Vaz da Costa by @nosxintidu
3
4 years ago
Download
XINTIDU DI MUDJER PURGUNTAS SEN RISPOSTAS Nhos ka odjaba-el na pasadu Nen ku rabu d'odju? Nhos ka obiba-el ta papia? Nhos daba-el atenson? Nhos obiba si txomada? Nhos tomaba mumentu di daba-el un spasu? PURGUNTAS SEN RISPOSTAS Nhos daba-el kel atenson P'e xintiba benvindu P'e xintiba agredesidu P'e xintiba desejadu P'e xintiba me meresidu? Nhos ka daba-el xansi? PURGUNTAS SEN RISPOSTAS Nhos ka daba-el un spasu na nhos meiu Nhos poba-el xinti indesejadu Indesejadu, e xintiba si bida interu PURGUNTAS SEN RISPOSTAS Sozinhu, e luta Sozinhu , e kai Sozinhu, e txora Sozinhu, e bai PURGUNTAS SEN RISPOSTAS Gosi, nhos fika ta fla Bu konxeba-el? Bu sabi pamodi? PURGUNTAS SEN RISPOSTAS @Ana Sanches Miranda by @nosxintidu
4
4 days ago
Download
RIFLETI XINTIDU N pasa na bu porta N konjela Nomi na porta Ka di-bo N djobi pa bu varanda Gana di txoma-u N djobi pa porta Gana di entra Tenpu sa ta kori N sa ta lenbra skada pa bu porta Na triseru andar Bu porta na ladu skerda Na nha xintidu, N entra Retu pa sala Txon azul Kurtina kor di oru Meza di vidru Banku azul Bu stilu Sima bo era N xinta Bu oferese-m bibida N fika so ta djobe-u Palabras ka sai di nha boka Na nha xintidu So, N ta fla-u PAPIA, NHA AMIGA RI, NHA AMIGA ANDA, NHA AMIGA XINTA NA NHA LADU BRASA-M SODADI BO KA BU LARGA-M MAS @Ana Sanches Miranda by @nosxintidu
0
a month ago
Download
XINTIDU DI MUDJER NHOS LABANTA, MUDJERIS Mudjeris Nhos labanta Nhos grita Nhos fazi nhos kaminhada Mudjeris, ka nhos nsoda, nau Nhos labanta Nhos djobi undi nhos sta Na komesu di subida Na meiu di subida Riba la Nhos dexa sinal na kaminhu Pa otu sigi? Mudjeris Ka nhos skesi ku kenha ki mundu ta kunpara-nhos MAI NATUREZA Ta karega Ta abandonadu Ta kebradu Ta resebi tudu na si kosta Pa kel tudu ki stragadu Si kurason ka xuxa So e ta rukupera E ta torna komesa da @Ana Sanches Miranda taken in Dakpark Rotterdam by @nosxintidu
0
2 months ago
Download
XINTIDU DI MUDJER Azagua Komesadu ku preparason sen serteza Idiosus ku mas speriensias ta komesa adiantadu Ta da konsedju pa kes ki ten interesi Dentu kaza, so ta fladu: nhos komesa ku kel boita Garafon, saku xeiu, simenti guardadu Txon tudu preparadu Data markadu Mo dja ka djuntadu Sen serteza Txon seku raganhadu Sol tudu dia altu Neba ka fazi txapeu na Sera Malageta Nxada na onbru Troxa na kabesa Bojia d’agu Bojia d’-i leti Kumida na malmita Txiga lugar Nxada na txon Guma ta bazi Koba txon Midju Bongolon Kongu Fijon Na bandola Ntudja Azagua Txuba kai Da kes ki nu podi ku el @Ana sanches Miranda by @nosxintidu
0
3 months ago
Download
XINTIDU DI MUDJER N VOLTA SIME N odja nha kabesa na spedju N volta sime N konsedjadu N volta sime N pensa na pasadu N volta sime N xinti dor N volta sime N kai bedju N volta sime Duranti bu staba li N volta pa skuridon Duranti bu stba li N sa ta sufri Duranti bu staba li Familia tramatizadu Duranti bu staba li Sirkulu ka ta kebra Si bu disparesi Lus ta sendi? Ten kaminhu? Ten liberdadi mental? @Ana Sanches Miranda 2-7-2026 by @nosxintidu
0
3 months ago
Download
XINTIDU DI MUDJER Dja N sabeba Dja N obiba Dja N xintiba Gosi, tudu klaru Odju abri-m Kurason fitxa Pasadu fika nha tras Tudu bira-m klaru @Ana Sanches Miranda by @nosxintidu
2
5 months ago
Download
XINTIDU MAI N OBI N OBI UN VOS FUNDU TA TXOMA-M N DIGIGI KABESA N FLA: PARSE-M NHA KABESA DJA MARIA N OBI-L N FIKA TA OBI-L TUDU DIA KEL DIA N FLA DJA N KUDI N OBI DJA BU TORNA SKESI DI MI BU KA TA LENBRA MA BU FIKABA DI DABA-MI ATENSON NOS DOS @Ana Sanches Miranda 2026 by @nosxintidu
1
5 months ago
Download
XINTIDU DI MUDJER NU TA KONSIGI Sedu, nhos konxi perda Mas nhos fika kalmu Sedu, nhos dispidi di nhos purmeru amor Tras di kunpanheru, nhos perdi tudu Supreendidu nhos fika Sen duvida, nhos kunpanha kel ki staba pertu nhos Duranti nhos jornada, nhos fika kalmu Undi nhos bai Undi nhos mandadu Undi nhos txomadu Kalmu, nhos fika Sinpatiku, Nhos mininus linpu Tudu trabadjador Mininus, ki zona konxi Na odjus di zona, mininus dretu Nhos ka fazedu perguntas Nhos manera di nabega na zona Zona sabi Konxedu pa familia dretu Nhos manera di sobrivive pamodi nhos rais korta sedu Nhos aguenta txeu situason, sen rasmunga Ku speransa ma tudu ta pasa Nhos xavi di sobriviver e di fika Kalmu Kaladu Silensiozu Suridenti Speransozu Nhos palabra, nu ta konsigi @Ana Sanches Miranda by @nosxintidu
1
7 months ago
Download
XINTIDU DI MUDJER PA UNDI? N odja-u ta djobi pa riba N odja-u ta djobi pa baxu N odja-u ta djobi pa ladu N djobi... pa undi Kuze? N ka odja Dedu pontadu pa undi? Direson pa undi? Leba-u pa undi? Gedachten van een vrouw Waarheen? Ik zie dat je omhoog kijkt Ik zie dat je omlaag kijkt Ik zie dat je opzij kijkt Ik kijk… waarheen? Wat? Ik zie het niet Waar wijst de vinger naartoe? Welke richting? Waar brengt het jou naar toe? @Ana Sanches Miranda by @nosxintidu
0
8 months ago
Download
SINPLISMENTI UN XINTIDU N sa ta buska pas Ma kuze ki ta ben dipos? Satisfason o vaziu? N teni sodadi di basiku Di inosensia Di sinplisidadi Izisti kel la li? Ik zoek rust Maar wat komt daarna? Tevredenheid of leegte? Ik verlang naar de basis, naar eenvoud en reinheid. Bestaat dat hier? @Ana Sanches Miranda by @nosxintidu
0
9 months ago
Download
RIFLETI XINTIDU 2025-->2026 Pa kenha ki manhan ka txiga Nhos lenbra-s na onti Nhos entra 2026 Ku nhos surisu abertu Petu pa frenti Onbrus retu Nhos leba-s na nhos lenbransa 💞 Voor wie de ochtend die niet komt Laten wij hen herinneren Wij gaan 2026 binnenstappen Met een open glimlach Met onze borsten vooruit Met onze schouders recht Dragen hen in jullie herinneringen 💞 @Ana Sanches Miranda by @nosxintidu
3
10 months ago
Download
×

Download all media on this page

Photos Videos
back to up