Fatima

⁨ ⁨ منو بينا ما صايرة وياها هالحالة؟ تخلصين روتينج وتخلين واقي الشمس، وتجين توزعي لو تخلين الفاونديشن، وفجأة! وجهچ يبدي يتقشر ويطلع فتافيت وكرات صغيرة❗️

هالمشكلة اسمها (Pilling) او التكتل وعلمياً، هذا مو معناه إن المنتج خربان أو بشرتچ رافضته، السالفة وما بيها إن الطبقات اللي حطيتيها ميرهمن سوة!

📌تعالي اسولفلج ليش تصير هالمشكلة بـ 3 أسباب بسيطة، وشلون نحلها نهائياً:

1. حرب "المي والسيليكون" (حرب المكونات):
هذا أشهر سبب! منتجات العناية نوعين؛ اكو أساسها مائي واكو أساسها سيليكوني.
المائي (Water-based): يجي خفيف مثل الجل أو اللوشن السائل، والبشرة تشربه بسرعة.
السيليكوني (Silicone-based): يجي قوامه كريمي وناعم، ومن توزعيه ينطيچ ملمس مخملي وحريري (مثل البرايمر).

المشكلة وين؟ المي والسيليكون ميتفقون، مثل المي والزيت! إذا حطيتي مرطب مائي، وفوكا واقي شمس سيليكوني ثگيل بدون متنتظرين.. راح يتصارعون على بشرتچ ويفصلون وتطلع هالفتافيت.

2. الاستعجال (وركض ركض الصبح):
بشرتچ تحتاج وقت حتى تمتص السيروم أو المرطب. من تخلين المرطب وفووووراً وراه واقي الشمس وبشرتچ بعدهه رطبة ولزجة، المواد راح تختلط وتتجمع ع السطح بطريقة غلط، وبس تفركيها تتقشر.

3. الزايد كالنقصان (كثرة المنتجات):
إذا روتينچ الصبح بيه 3 سيرومات ومرطب ثقيل وفوگاها واقي شمس.. بشرتچ حرفياً راح تگولچ "كافي"! الكمية الزايدة راح تضل ع السطح وتتكتل لأن البشرة ماكدرت تمتصها كلها.⁩

💡 الحلول السحرية (شلون نخلص منها؟)

1. احترمي "وقت الانتظار"⏱️:
أهم حل! بين السيروم والمرطب والواقي، انتظري من 2 إلى 5 دقايق. وجهج لازم تحسي نشف تماماً وما بي أي لزوجة يالة تخلين الخطوة اللي بعدها.

2. وحدي قاعدة المنتجات: حاولي تخلين روتينچ الصبح متناسق. الأسهل هو اختيار مرطب وواقي شمس قاعدتهم مائية وخفيفة (Oil-free / Gel)، لان البشرة تمتصها تماماً ومستحيل تتكتل.

3. بسطي روتينچ الصبح: قللي عدد السيرومات والكريمات الثگيلة قبل الواقي.

4. طريقة التوزيع الصح: لتفركين وجهچ بقوة. وزعي الواقي أو الفاونديشن بطريقة الطبطبة (Patting) أو المسح الخفيف وباتجاه واحد حتى متفركين الطبقات الجوة وتفصليها.

5. قشري بشرتچ بانتظام:استخدمي مقشر كيميائي لطيف مرة أو مرتين بالأسبوع، لأن تراكم الجلد الميت يمنع البشرة تمتص الكريمات، فتتجمع ع السطح وتتكتل.

اذا استفاديتي من الريل لتنسين تدزي لصديقتج الي تعاني من هالحالة وشاركيني بالتعليقات شتحبين نشرح بالريل الجاي؟👇
.
.
.
.
.
#عناية #بشرة #ugc #follow #explore⁩

• Share To:
• Twitter
• Reddit
• Line
• Snap