Instagram story viewer> @cloudybyfatima> Posts

Fatima

@cloudybyfatima

undefined

POSTS STORIES REELS TAGGED

Download All

⁨ أهلا بيكم بمساحتي الخاصة 🤍✨
إذا هاي أول مرة تمر هنا، أني فاطمة.. طالبة طب وصانعة محتوى🩺☁️

هذا الحساب هو مساحتي الدافية اللي أدمج بيها بين عالمي الأكاديمي بالطب، وبين شغفي وبحثي المستقل بعالم العناية بالبشرة والجمال، وكذلك يومياتي وكل هذا بلمسات بصرية هادئة تشبه الغيوم اللي أحبها 🌤️.

شنو راح تشوفون هنا؟

شرح وتوعية طبية: ريلزات نبسط بيها مواضيع طبية مهمة ونشرحها بطريقة واعية وقريبة للكل 🩺💡.

معلومات وحلول للبشرة: توعية حقيقية وحلول لمشاكل العناية بالبشرة مبنية على بحث ودراسة مستقلة، حتى نعرف شنو نختار لجلدنا صح 🧴.

تقييمات صريحة ويوميات: ريفيوهات حقيقية وموضوعية للمنتجات، ويا مقتطفات من حياتي اليومية ودراستي بالجامعة.⭐️

سوالف ودراسة: نصائح ومناقشات تفيد الطلاب حتى نتشارك رحلة الدراسة سوة.📚

هنا نخلط بين الوعي، العلم، والجمال.. وإذا هالمحتوى يهمج ويناسبج، تابعيني وخلي نتشارك هالرحلة سوة 🤍
.
.
.
.
.
#طالبة_طب #عناية #معلومات #ugc #follow⁩ by @cloudybyfatima

46

6

20 hours ago

⁨ ⁨ شنو الفرق الطبي بين "تكيس المبايض" و"أكياس المبايض"؟

من أكثر المواضيع الطبية اللي يصير بيها خلط وجدل بالعيادات والمستشفيات. هواي بنات عبالهم المصطلحين لمرض واحد، بس الحقيقة العلمية تختلف تماماً، والتشخيص الدقيق يغير خطة العلاج كلها. لهذا السبب، الموضوع جداً مهم ولازم نفهمه صح وبشكل علمي:

1. متلازمة تكيس المبايض (PCOS)
حالياً تغير اسمها عالمياً إلى "متلازمة الأيض والتكاثر" (Reproductive Metabolic Syndrome). ليش؟ لأن الاسم القديم يغش المريض عباله المشكلة بس بالمبيض، بينما هي بالحقيقة اضطراب هرموني وأيضي (Metabolic) يشمل أنظمة الجسم بالكامل.

الآلية الطبية: طبياً، ماكو أكياس حقيقية. اللي يصير هو خلل بالهرمونات يمنع البويضات من النمو والنضوج للوصول للحجم المطلوب كافي لعملية الإباضة. بالنتيجة، هالبويضات تبقى محبوسة داخل حويصلات صغيرة جداً (أقل من 10 ملم) وتترتب بفحص السونار بشكل يشبه "عقد اللؤلؤ".

الأعراض: لأنها مشكلة عامة بالجسم، أعراضها تكون واضحة ومؤثرة، مثل: مقاومة الإنسولين، صعوبة بنزول الوزن (تجمع الدهون بمنطقة البطن)، ظهور حب شباب عنيد، نمو شعر زايد وخشن بالجسم (Hirsutism) بسبب ارتفاع الهرمونات الذكرية، وخربطة أو انقطاع بالدورة الشهرية.

العلاج الأساسي: خط الدفاع الأول والأساسي هو تعديل نمط الحياة (Lifestyle Modification)؛ يعني تنظيم التغذية العلاجية، الرياضة، ونزول الوزن ، بالإضافة للعلاجات الدوائية اللي يحددها الطبيب حسب كل حالة.

2. أكياس المبايض (Ovarian Cysts)

الآلية الطبية: هنا المشكلة تختلف حسب النوع؛ الأكياس الوظيفية سببها خلل هرموني مؤقت بالتبويض، أما الأكياس العضوية فتكون مشكلة تشريحية وموضعية بالمبيض نفسه مابيها علاقة بهرمونات الجسم. هي عبارة عن كيس حقيقي (حويصلة ممتلئة بسائل، دم، أو نسيج) ينمو فوك المبيض أو بداخله، ويكون حجمه جبير وواضح بالسونار (غالباً يعبر الـ 2 سم وممكن يوصل لأرقام أكبر)

الأعراض: أعراضه تكون موضعية بسبب حجم الكيس وضغطه، مثل: ألم حاد ومفاجئ أو ثقل بجهة وحدة من الحوض، ألم وية الحركة، وأحياناً ما يسبب أي أعراض وينكشف بالصدفة أثناء فحص السونار الروتيني

العلاج الأساسي: أغلب هالأكياس تكون حميدة ووظيفية (Functional Cysts)، وتختفي وتذوب وحدها خلال دورتين أو ثلاثة بدون أي علاج، والطبيبة تكتفي بمراقبتها الدورية بالسونار

أما الأنواع العضوية فنتابع حجمها، ونلجأ للتدخل الجراحي فقط إذا كبر الحجم بشكل مفرط أو صار خطر مثل التواء المبيض (Ovarian Torsion).

جنتي تعرفين هاي المعلومة؟
.
.
.
.
.
#معلومات #توعية #طالبة_طب #explore⁩ by @cloudybyfatima

188

3

4 days ago

شفتوا لو بعدكم؟
اقيمة 1000/10 للأمانه حيل حلو وماحسيت بالوقت رغم اول مرة اشوف هيج نوع افلام❤️‍🔥
.
.
.
.
.
#the_odyssey #cinema #movie #follow #explore by @cloudybyfatima

37

0

5 days ago

⁨ ⁨ ⁨ مجربيهن قبل؟ وشنو رأيكم؟
بنوتات كل المنتجات موجودة بوندر ‪‪‪@wonder.hiya‬‬‬
او اذا تحبون تطلبون منتجات مورا مباشرة منا @mura.iq
.
.
.
.
#عناية #review #منتجات #ugc #explore⁩⁩⁩ by @cloudybyfatima

19

0

9 days ago

⁨ ⁨ منو بينا ما صايرة وياها هالحالة؟ تخلصين روتينج وتخلين واقي الشمس، وتجين توزعي لو تخلين الفاونديشن، وفجأة! وجهچ يبدي يتقشر ويطلع فتافيت وكرات صغيرة❗️

هالمشكلة اسمها (Pilling) او التكتل وعلمياً، هذا مو معناه إن المنتج خربان أو بشرتچ رافضته، السالفة وما بيها إن الطبقات اللي حطيتيها ميرهمن سوة!

📌تعالي اسولفلج ليش تصير هالمشكلة بـ 3 أسباب بسيطة، وشلون نحلها نهائياً:

1. حرب "المي والسيليكون" (حرب المكونات):
هذا أشهر سبب! منتجات العناية نوعين؛ اكو أساسها مائي واكو أساسها سيليكوني.
المائي (Water-based): يجي خفيف مثل الجل أو اللوشن السائل، والبشرة تشربه بسرعة.
السيليكوني (Silicone-based): يجي قوامه كريمي وناعم، ومن توزعيه ينطيچ ملمس مخملي وحريري (مثل البرايمر).

المشكلة وين؟ المي والسيليكون ميتفقون، مثل المي والزيت! إذا حطيتي مرطب مائي، وفوكا واقي شمس سيليكوني ثگيل بدون متنتظرين.. راح يتصارعون على بشرتچ ويفصلون وتطلع هالفتافيت.

2. الاستعجال (وركض ركض الصبح):
بشرتچ تحتاج وقت حتى تمتص السيروم أو المرطب. من تخلين المرطب وفووووراً وراه واقي الشمس وبشرتچ بعدهه رطبة ولزجة، المواد راح تختلط وتتجمع ع السطح بطريقة غلط، وبس تفركيها تتقشر.

3. الزايد كالنقصان (كثرة المنتجات):
إذا روتينچ الصبح بيه 3 سيرومات ومرطب ثقيل وفوگاها واقي شمس.. بشرتچ حرفياً راح تگولچ "كافي"! الكمية الزايدة راح تضل ع السطح وتتكتل لأن البشرة ماكدرت تمتصها كلها.⁩

💡 الحلول السحرية (شلون نخلص منها؟)

1. احترمي "وقت الانتظار"⏱️:
أهم حل! بين السيروم والمرطب والواقي، انتظري من 2 إلى 5 دقايق. وجهج لازم تحسي نشف تماماً وما بي أي لزوجة يالة تخلين الخطوة اللي بعدها.

2. وحدي قاعدة المنتجات: حاولي تخلين روتينچ الصبح متناسق. الأسهل هو اختيار مرطب وواقي شمس قاعدتهم مائية وخفيفة (Oil-free / Gel)، لان البشرة تمتصها تماماً ومستحيل تتكتل.

3. بسطي روتينچ الصبح: قللي عدد السيرومات والكريمات الثگيلة قبل الواقي.

4. طريقة التوزيع الصح: لتفركين وجهچ بقوة. وزعي الواقي أو الفاونديشن بطريقة الطبطبة (Patting) أو المسح الخفيف وباتجاه واحد حتى متفركين الطبقات الجوة وتفصليها.

5. قشري بشرتچ بانتظام:استخدمي مقشر كيميائي لطيف مرة أو مرتين بالأسبوع، لأن تراكم الجلد الميت يمنع البشرة تمتص الكريمات، فتتجمع ع السطح وتتكتل.

اذا استفاديتي من الريل لتنسين تدزي لصديقتج الي تعاني من هالحالة وشاركيني بالتعليقات شتحبين نشرح بالريل الجاي؟👇
.
.
.
.
.
#عناية #بشرة #ugc #follow #explore⁩ by @cloudybyfatima

24

2

10 days ago

ترند يخليك تهوجس وفخور ومشتاق بنفس الوقت✨🤍
متأكدة فطومة الصغيرة حيل سعيدة باللي وصلتلة هسة🥹🤍
.
.
.
.
.
.
#ترند #طالبة_طب #ugc #follow #explore by @cloudybyfatima

135

6

11 days ago

⁨ ⁨ ⁨ بالتعليقات شنو نوع واقي الشمس مالتچ ويسبب white cast تخلين واقي الشمس وتطلعين، وبالمراية تشوفين وجهچ ابيض بطريقة غريبة وكأنو مفصول عن رقبتج!!
هالمشكلة اسمها الطبقة البيضاء (White Cast). وتعالي نفهمها علمياً بطريقة كلش بسيطة وبدون دوخة:

📌 ليش تتكون وشنو السبب العلمي؟

المسؤول الأول عن هالسالفة هي الواقيات الفيزيائية (Mineral). هاي الواقيات تحتوي على معادن طبيعية اسمهم أكسيد الزنك وثاني أكسيد التيتانيوم.
علمياً، هالمواد طبيعتها عبارة عن بودرة بيضاء ناصعة وثقيلة، ووظيفتها متدخل جوة الجلد، بل تگعد على سطح البشرة مثل "المراية" حتى تعكس أشعة الشمس مثل ماحجينا باول ريل بالسلسلة. فمن تضرب إضاءة الفلاش بوجهچ، تنعكس فوراً وتطلع هالطبقة البيضة القوية بالصور.

الصدمة وين؟ حتى بعض الواقيات الكيميائية الحديثة (الهجينة) اللي بيها فلاتر متطورة مثل (Tinosorb M)، جزيئاتها چبيرة وتشتغل بطريقة مزدوجة (تمتص وتعكس)، ولهذا السبب هم تترك أثر أبيض خفيف ورة متنشف.

💡 زين.. شلون نحلها بدون منوگع بمشكلة "الأكسدة"؟

بالحقيقة هواي بنات يلتجأون للواقي الملون (Tintid) حتة يخلصون من هاي المشكلة بس بالريل السابق حجينا انو الواقيات الملونة توگعنا بمشكلة ثانية الي هية تأكسد البشرة.
لعد شنو الحل؟

1. الخيار الأضمن (الواقيات الكيميائية الشفافة): إذا بشرتچ مو حساسة، اختاري واقي كيميائي نقي يكون قوامه "جل" أو سائل شفاف تماماً. واقري العلبة لازم تكون مكتوب عليها كلمات مثل (Invisible / Clear / No White Cast). هذا ينشف شفاف 100%، فلا يسبب طبقة بيضة ولا يتأكسد!

2. إذا تحبين الواقي الملون (Tinted): الواقي الملون فعلاً يحل مشكلة البياض، بس حتى تتجنبين أكسدته لازم تختارين براند طبي معروف ومستقر كيميائياً، وتثبتيه بلمسة بودرة شفافة حتى تحميه من زيوت وجهچ بس يبقى الأفضل تبتعدين عن هالنوع.

3. دوري على تقنية النانو (Nano / Micronized): إذا بشرتچ حساسة ومجبورة ع الواقي الفيزيائي، اشتري نوع مكتوب عليه Micronized أو Nano. هاي التقنية تكسر جزيئات الزنك البيضاء وتخليها صغيرة كلش، فبالتالي تتوزع بسهولة ومتترك أثر أبيض قوي.

4. قاعدة التوزيع الصح: لتخلين كمية چبيرة وتفركيها بقوة. رطبي بشرتچ زين قبلها، وخلي الواقي على شكل نقاط صغيرة، ودمجيه بطريقة "الطبطبة" وبإتجاه واحد، وانتظريه 10 دقايق لحد ميستقر ويمتصه الجلد تماماً يالة تحكمين عليه.

شاركي الفيديو وية صديقتچ اللي دائماً تشتكي من هالمشكلة، واكتبيلي لو لا؟ 👇
.
.
.
.
.
#معلومات #واقي_شمس #طالبة_طب #ugc #explore⁩⁩ by @cloudybyfatima

29

2

13 days ago

Friday randoms⭐️💓
.
.
.
.
#randoms #تصوير #روتين #جمعة #explor by @cloudybyfatima

23

2

15 days ago

⁨ ⁨ ⁨ ⁨ ⁨ تطلعين من البيت وجهچ صافي ويجنن، وورة ساعتين تباوعين بالمراية تلگين بشرتچ گلب لونها برتقالي، أو صارت غامقة وباهتة عبالك تعبانة!
الأغلبية من البنات عبالهم هالمشكلة دتصير بس من ورة الفاونديشن أو المكياج.. وينسون تماماً إن واقي الشمس مالتهم ممكن يكون هو المشكلة والسبب الرئيسي!

هالمشكلة اسمها "الأكسدة".. وبالمختصر المفيد: واقي الشمس يتفاعل وية الجو أو وية زيوت وجهچ الطبيعية ويتغير لونه، بالضبط مثل التفاحة من تگصيها وتعوفيها بالهوا وتصير سودة.

📌 ليش يصير هذا الشي؟

بشرتچ دهنية وتفرز زيوت: من تفرز بشرتچ دهون زايدة، هاي الدهون تختلط وية مكونات الواقي وتغير كيميائيته، فيگلب لونه (وهالشي يصير هواية وية البنات اللي بشرتهم دهنية أو مختلطة).

واقي الشمس الملون (Tinted): الواقي اللي بيه لون فاونديشن يحتوي على مادة اسمها "أكسيد الحديد"، هاي المادة إذا چانت تركيبتها مو كلش مستقرة، بس يلوحها الهواء والشمس تتأكسد وتگلب على لون برتقالي أو بني.

الاستعجال بالخطوات: من تحطين واقي الشمس فوراً ورة المرطب وهمة ثنينهم بعدهم رطبين على الوجه، المواد راح تتداخل وتتفاعل وتتأكسد بسرعة.

💡 شنو الحل؟

1. سيروم فيتامين C الصبح: خليه دائماً بـ روتينچ قبل الواقي. فيتامين سي هو "مضاد أكسدة" قوي، يعني راح يصير مثل الدرع الحارس، يمتص الأكسدة من الجو ويمنعها توصل للواقي أو لزيوت وجهچ.

2. لتستعجلين! (قاعدة الوقت): من تغسلين وتخلين مرطبچ،⁩ انتظريه ينشف تماماً وتمتصه البشرة، وعود بعدين خلي واقي الشمس. ونفس الشي ورة متحطين الواقي، انتظريه فترة (5-10 دقائق) يالة تحطين المنتجات الباقية.

3. لمسة بودرة شفافة (لوس بودر): ورة مينشف الواقي تماماً على وجهچ، مشي فرشة بيها شوية بودرة شفافة على الأماكن اللي تفرز دهون (مثل الخشم والجبهة). البودرة راح تمتص الزيت فوراً قبل ميلوح الواقي ويخربه.

4. اختاري واقي مكتوب عليه (Matte أو Oil-Control): إذا بشرتچ دهنية، ابتعدي عن الواقيات الكريمية الثقيلة، واختاري قوام يكون "جل" أو سائل مطفي يسيطر على الدهون طول اليوم.

صايرة وياج هالمشكلة قبل؟ وجنتي تدرين انو الواقي ممكن يكون السبب؟ 👇
.
.
.
.
.
#معلومات #واقي_شمس #طالبة_طب #ugc #explore⁩⁩⁩⁩ by @cloudybyfatima

151

6

15 days ago

⁨ ⁨ شلون تفرقين بين واقي الشمس الفيزيائي والكيميائي من تردين تشترين؟ ☀️🧴

بكل بساطة راح تكلبين علبة المنتج وتقرين المكونات:

📌الفيزيائي
راح تلكين مكتوب:
Zinc Oxide (أكسيد الزنك)
او Titanium Dioxide (ثاني أكسيد التيتانيوم)
او ثنيناتهم

📌الكيميائي
راح تلكين مكتوب اسماء معقدة مثل :
- Avobenzone
- Octinoxate
- Oxybenzone
- Homosalate
- Octisalate
وغيرها

📌 ممكن تلكين انواع بيهة المكونات ثنينهن يعني شنو؟ هذا النوع يصير مدموج كيميائي وفيزيائي يسموا النوع الهجين (Hybrid)

اذا تردين تعرفين يانوع يناسب بشرتج شوفي اخر ريل وبوست ناشرتهم🫶🏻

ولتنسين تتابعيني لمعلومات تفيد بشرتج اكثر🤍
.
.
.
.
.
#عناية #واقي_شمس #طالبة_طب #ugc #follow⁩⁩ by @cloudybyfatima

16

2

17 days ago

⁨ الاجواء المفضلة🧸
.
.
.
.
.
#قهوة #تصوير #follow #explore⁩ by @cloudybyfatima

102

6

19 days ago

⁨ ⁨ ⁨ ⁨ مراية 🪞؟ لو اسفنجة 🧽 ؟
هذا هوة باختصار الفرق بين واقي الشمس الفيزيائي والكيميائي!
كطالبة طب مهتمة بالعناية لخصتلج الآلية مال عملهم بثواني👩🏻‍⚕️🤍
📌 التفاصيل كاملة شارحتهة الج بآخر بوست بالحساب روحي شوفي وتعالي كتبيلي عرفتي بشرتج شتحتاج؟

وبالريل الجاي اشرحلج شلون تميزين بينهن من تشترين🫶🏻🫶🏻
.
.
.
.
#عناية #واقي_شمس #طالبة_طب #ugc #follow⁩⁩⁩⁩ by @cloudybyfatima

37

0

20 days ago