Hassan Abbas

Ulikuwa wakati wenye tafakuri nyingi leo Jumatatu, Julai 20, 2026, jijini Dar es Salaam nilipotembelea Makumbusho ya Taifa na kujionea usimikaji wa Ndege yetu aina ya Fokker F28-3000 (Charlie Charlie Mike), ndege ambayo ilitumiwa na marais wetu kuanzia mwaka 1978 ikiwa ni Awamu ya kwanza ya Baba wa Taifa, Mwalimu Julius Nyerere, mpaka mwaka 2018 katika Awamu ya Tano ya utawala wa nchi yetu chini ya Dkt. John Pombe Magufuli ilipohamishiwa katika majukumu mengine.

Ndege hii ambayo unaweza kuitembelea pale Makaumbusho ya Taifa, Dar es Salaam, sasa imehifadhiwa ili kuenzi mchango wake usiomithilika katika ukombozi wa Bara la Afrika, alama ya miaka 40 ya utekelezaji wa diplomasia yetu ya nchi ikisafiri kote duniani lakini ikiwa ni ushahidi na mwanga wa matumaini uliowaangazia viongozi wetu kila kona ya nchi hii na kufika mikoani katika kutekeleza majukumu yao ya kuwaletea wananchi maendeleo.

Fokker 28 ni alama ya sisi ni nani, tumetoka wapi, tunakwenda wapi; na ni alama ya Afrika, Tanzania na uongozi wetu. Karibu uone alipokuwa anakaa Mwalimu Nyerere, kiti cha maamuzi alichomrithisha Mzee Mwinyi Mkapa, Mzee Kikwete na baadaye Mzee Magufuli na namna viongozi wetu walivyofanya maamuzi mengi juu ya ndege hii ya matumaini.

Fokker 28 5H Ni urithi wetu! Ni Sisi!

• Share To:
• Twitter
• Reddit
• Line
• Snap