S.A.W.S.A.N

يمكن أحلى شي بالحياة… إنك ترجع لمكان بتحس فيه إنك ما تغيّرت، وإنك مهما كبرت، ومهما أخدتك الدنيا بعيد… في ناس بيضل وجودها هو الأمان. 🤍

كل سنة منستنى هالشهر، منستنى هاللّمّة، هالضحكات، القعدات الطويلة، والحكي اللي ما بيخلص…
لأنها مو مجرد جمعة عيلة، هي اللحظة اللي بتحس فيها إنك رجعت لمكانك، رجعت لناسِك، رجعت للشي اللي بيشبهك.

يمكن كل واحد فينا أخدتو الحياة بطريق، ويمكن المسافات فرّقتنا أكتر مما كنا نتمنى…
بس لما نجتمع، بتحس إنو ما غبنا عن بعض ولا يوم.

العيلة هي الحب اللي ما بدو تفسير، والوفا اللي ما بتغيّرو السنين، والأمان اللي مهما كبرنا… منضل نرجعلو. 🤍

ويمكن الصور الحلوة ما بتكون حلوة لأن كل الوجوه فيها…
بتكون حلوة لأن كل الوجوه اللي منحبها، حتى الغايبة منها، عايشة بقلبنا

اخي @hazemxparfois
صارلنا سنين ما عم نشوفك، بس والله ما مرّت لحظة حسّينا فيها إنك بعيد عنّا… دايماً منحسك معنا، بضحكتنا، بحكياتنا، وبكل جمعة ناقصها وجودك. ❤️

و امي :
يمكن ما كنتِ معنا بهاليوم، بس إنتِ من الناس اللي وجودها ما بينقاس بالمكان… إنتِ معنا بكل شي، ووجودك بقلبنا أكبر من أي شي💕