Instagram story viewer> @pcvishnunadh> Posts

PC Vishnunadh

@pcvishnunadh

112.4K

followers

3819

following

Minister for Tourism and Culture,
Government of Kerala.
Working President KPCC.

POSTS STORIES REELS

വിദ്യാഭ്യാസത്തെ ബഹുമാനിക്കുന്ന, വിദ്യാർത്ഥികളെ വിലമതിക്കുന്ന കുണ്ടറയിലെ ജനങ്ങളോടൊപ്പം ചേർന്ന് കഴിഞ്ഞ നാലുവർഷക്കാലമായി നടപ്പിലാക്കിവന്ന കണക്ട് കുണ്ടറ പദ്ധതി ഈ വരുന്ന നവംബർ 12ന് ഔദ്യോഗികമായി അഞ്ചാം ഘട്ടത്തിലേക്ക് പ്രവേശിക്കുകയാണ്.

വിദ്യാർത്ഥികളിലൂടെ സമൂഹത്തിന്റെ വളർച്ചയും, വികാസവും ലക്ഷ്യമിട്ടുകൊണ്ട് നടപ്പിലാക്കിവരുന്ന പദ്ധതിയുടെ ഓരോ ഘട്ടത്തിലും കുണ്ടറയിലെ ജനങ്ങൾ നൽകിവന്ന പിന്തുണ വളരെ വലുതാണ്. പദ്ധതിയുടെ തുടർച്ച ഉറപ്പാക്കുക എന്നത് തന്നെയാണ് ആ പിന്തുണക്ക് നൽകാവുന്ന ഏറ്റവും വലിയ വില.

ടി കെ എം ആർട്സ് & സയൻസ് കോളേജ് ഓഡിറ്റോറിയത്തിൽ വെച്ച് നടക്കുന്ന ഉദ്ഘാടന ചടങ്ങിനും പദ്ധതിയുടെ ഭാഗമായുള്ള മറ്റു പ്രവർത്തനങ്ങൾക്കും ഇനിയും നിങ്ങളേവരും നൽകി വന്നിരുന്ന പിന്തുണ പ്രതീക്ഷിക്കുന്നു... by @pcvishnunadh

പ്രസിഡന്റ്സ് ട്രോഫി വള്ളംകളിയുടെ സംഘാടനവുമായി ബന്ധപ്പെട്ട് കൊല്ലം കളക്ടറേറ്റിൽ ചേർന്ന വിപുലമായ ആലോചനാ യോഗം. by @pcvishnunadh

ഇന്ന് നിശാഗന്ധിയിൽ വിരിഞ്ഞത് ഏഴു പതിറ്റാണ്ടുകളുടെ കേരളീയ ജീവിതത്തിന്റെ വർണാഭമായൊരു ചരിത്രമായിരുന്നു; ഒരു ജനതയുടെ സ്വപ്നങ്ങളും അതിജീവനവും പ്രതീക്ഷകളും ഒരേ താളത്തിൽ സംഗമിച്ച ഐക്യത്തിന്റെ മഹോത്സവം. ഏഴു പതിറ്റാണ്ടുകൾക്കു മുമ്പ് ഭാഷയുടെ ഹൃദയബന്ധത്തിൽ പിറന്ന ഐക്യകേരളം, ഇന്ന് അറിവുകൊണ്ടും ആരോഗ്യരംഗത്തെ മുന്നേറ്റങ്ങൾകൊണ്ടും സാമൂഹിക നീതികൊണ്ടും മതനിരപേക്ഷതയുടെ മഹത്തായ പാരമ്പര്യംകൊണ്ടും ലോകത്തിനു മുന്നിൽ തനതായൊരു മാതൃകയായി നിലകൊള്ളുന്നു. പ്രളയത്തിലും മഹാമാരിയിലും ദുരന്തങ്ങളിലും കൈകോർത്തു പരസ്പരം താങ്ങായ മലയാളിയുടെ മനുഷ്യത്വവും സഹോദര്യവുമാണ് ഈ നാടിന്റെ യഥാർഥ സൗന്ദര്യം. ആ ചരിത്രവഴികളിൽ വെളിച്ചം പകർന്ന തലമുറകളെ ഹൃദയപൂർവം സ്മരിച്ച്, പൈതൃകത്തിന്റെ വേരുകൾ ആഴ്ത്തിപ്പിടിച്ചും പുതുകാലത്തിന്റെ ചിറകുകൾ വിരിച്ചും നമുക്ക് മുന്നേറാം. ഏഴു പതിറ്റാണ്ടുകളുടെ അഭിമാനവും അനുഭവസമ്പത്തും കരുത്താക്കി, കൂടുതൽ സമത്വവും സ്നേഹവും സമൃദ്ധിയും നിറഞ്ഞ ഒരു നവകേരളം വരുംതലമുറകൾക്കായി ചേർന്നൊരുക്കാം.

ചടങ്ങിൽ താര സാന്നിധ്യമായ ടോവിനോ തോമസിനും കലാപ്രതിഭകൾക്കും പ്രത്യേക നന്ദി...

നിശാഗന്ധിയിൽ ഇന്ന് തെളിഞ്ഞ ഈ ആഘോഷവെളിച്ചം, കേരളത്തിന്റെ നാളെയിലേക്കുള്ള പ്രത്യാശയുടെ ദീപ്തിയായി പടരട്ടെ. by @pcvishnunadh

Celebrating 70 years of Keralam.. Festival of Keralam @nishagandhi.auditorium by @pcvishnunadh

#ChaloDilli , ഈ സമര സുനാമിയിൽ ജനാധിപത്യവിരുദ്ധ കോട്ടകൾ നിലം പൊത്തും . by @pcvishnunadh

കേരളപ്പിറവി ദിനത്തിൽ, എഴുത്തച്ഛൻ പുരസ്കാരം പ്രഖ്യാപിച്ചതിന് പിന്നാലെ പ്രിയപ്പെട്ട മേതിലുമായ് ഫോണിൽ സംസാരിച്ചു; സന്തോഷം പങ്കിട്ടു.

കോഴിക്കോട് സംഘടിപ്പിക്കുന്ന ചടങ്ങിൽ അദ്ദേഹത്തിന് മലയാള സാഹിത്യത്തിലെ പരമോന്നത ബഹുമതി സമ്മാനിക്കും. by @pcvishnunadh

“കേരളം വളരുന്നു പശ്ചിമഘട്ടങ്ങളെ-
ക്കേറിയും കടന്നും ചെന്നന്യമാം രാജ്യങ്ങളില്‍

അറബിക്കടലിനും തന്‍ തിരക്കൈ കൊണ്ടതി-
ന്നതിരിട്ടൊതുക്കുവാനായതില്ലിന്നോളവും,
അറിവും സംസ്‌കാരവും മേല്‍ക്കുമേലൊഴുകുന്നോ-
രുറവിന്‍ നികേതമാണിസ്ഥലം പുരാതനം

ഇവിടെപ്പിറക്കുന്ന കാട്ടു പുല്ലിനുമുണ്ട്
ഭുവനം മയക്കുന്ന ചന്തവും സുഗന്ധവും,
ഇവിടെക്കിടക്കുന്ന കാട്ടുകല്ലിലുമുണ്ട്
വിവിധ സനാതന ചൈതന്യ പ്രതീകങ്ങള്‍! “

— മഹാകവി പാലാ നാരായണൻ നായർ

നമ്മുടെ അഭിമാന നികേതനമായ കേരളത്തിന് എഴുപതാം പിറന്നാൾ മധുരം ❤️ by @pcvishnunadh

'ഫെസ്റ്റിവൽ ഓഫ് കേരളം – മാറ്റത്തിന്റെ പുതുയുഗം.' കേരളത്തിന്റെ ഏഴ് പതിറ്റാണ്ടുകൾ നീളുന്ന ചരിത്രവും സാംസ്‌കാരിക പൈതൃകവും കലാപാരമ്പര്യവും ഒരേ വേദിയിൽ സംഗമിക്കുന്ന ആഘോഷം. അതിജീവനത്തിന്റെയും നവോത്ഥാനത്തിന്റെയും അറിവിന്റെയും സർഗാത്മകതയുടെയും കരുത്തിൽ ലോകത്തിന് മാതൃകയായ കേരളത്തിന്റെ യാത്രയെ സംഗീതത്തിന്റെയും നൃത്തത്തിന്റെയും നിറവിൽ അടയാളപ്പെടുത്തുകയാണ് ഈ മഹാസംഗമം. കേരളപ്പിറവി ദിനമായ നവംബർ ഒന്നിന് തിരുവനന്തപുരം നിശാഗന്ധി ഓഡിറ്റോറിയത്തിൽ അരങ്ങേറുന്ന ആഘോഷത്തിൽ ചലച്ചിത്രതാരം ടൊവിനോ തോമസ് മുഖ്യാതിഥിയായിരിക്കും. മലയാളസംഗീതത്തിന്റെ ഏഴ് പതിറ്റാണ്ടുകളിലൂടെയുള്ള ഭാവസഞ്ചാരവും ശാസ്ത്രീയ നൃത്തത്തിന്റെ സൗന്ദര്യവും ഒരേ വേദിയിൽ ആസ്വാദകരിലേക്ക് പകരുന്ന കലാവിരുന്നുകൂടിയാണിത്.

വൈകിട്ട് ആറു മുതൽ എട്ടു വരെ മലയാളസംഗീതത്തിന്റെ ഏഴ് പതിറ്റാണ്ടുകളെ അനശ്വര ഗാനങ്ങളിലൂടെ കോർത്തിണക്കുന്ന 'ഗാനാഞ്ജലി – കേരളത്തിന്റെ ആത്മാവിനുള്ള സംഗീതാർച്ചന' അരങ്ങേറും. എട്ടു മുതൽ ഒൻപതു വരെ സുമ വർമ്മയുടെ നേതൃത്വത്തിൽ 'ഭാവത്രയം' എന്ന ശാസ്ത്രീയ നൃത്താവിഷ്‌കാരം വേദിയിലെത്തും. കാലത്തിന്റെ മാറ്റങ്ങൾക്കൊപ്പം വളരുകയും തലമുറകളുടെ ഹൃദയങ്ങളിൽ ഇടംനേടുകയും ചെയ്ത കേരളത്തിന്റെ കലാസാംസ്‌കാരിക പാരമ്പര്യത്തിന് ആദരമർപ്പിക്കുന്ന ഈ സായാഹ്നം, നമ്മുടെ നാടിന്റെ ആത്മാവും അഭിമാനവും ഒരുമിച്ച് അനുഭവിച്ചറിയാനുള്ള അപൂർവ അവസരമായിരിക്കും. ഈ ആഘോഷത്തിന്റെ ഭാഗമാകാൻ ഏവരെയും ഹൃദയപൂർവം ക്ഷണിക്കുന്നു. by @pcvishnunadh

നല്ല സിനിമയെ സ്നേഹിക്കുന്നവർക്ക് കാത്തിരിപ്പിന്റെ ഇടവേളകൾ കുറച്ച്, സ്ക്രീനിന് മുന്നിൽ പരമാവധി സമയം ചെലവഴിക്കാനാകുന്ന ചലച്ചിത്രോത്സവമായിരിക്കും 31-ാമത് കേരളം രാജ്യാന്തര ചലച്ചിത്രമേള (IFFK). രാവിലെ ഏഴിന് ആദ്യ പ്രദർശനം ആരംഭിക്കും. രാത്രി വൈകിയും സിനിമകൾ പ്രദർശിപ്പിക്കും. ടാഗോർ തിയേറ്ററിൽ 24 മണിക്കൂറും പ്രദർശനം ഒരുക്കും. ദീർഘനേരം കാത്തുനിന്നിട്ടും സിനിമ കാണാനാകാതെ മടങ്ങേണ്ടിവരുന്ന സാഹചര്യം ഒഴിവാക്കി, ഓരോ സിനിമാസ്വാദകനും തങ്ങളുടെ സൗകര്യത്തിനനുസരിച്ച് ചിത്രങ്ങൾ തിരഞ്ഞെടുക്കാനും ആസ്വദിക്കാനും കഴിയുന്ന രീതിയിലാണ് ഇത്തവണത്തെ ക്രമീകരണങ്ങൾ.

ഉള്ളടക്കത്തിന്റെ മികവുകൊണ്ടും സംഘാടനത്തിലെ സവിശേഷതകൊണ്ടും ജനപങ്കാളിത്തത്തിന്റെ കരുത്തുകൊണ്ടും ലോകശ്രദ്ധ നേടിയ ഐഎഫ്എഫ്കെയുടെ ജനകീയ മുഖം അതേ കരുത്തോടെ, കാന്തിയോടെ നിലനിർത്തും. തിരുവനന്തപുരം തന്നെയായിരിക്കും മേളയുടെ സ്ഥിരം വേദി. വിദേശ ചലച്ചിത്ര പ്രതിനിധികൾക്ക് കേരളത്തിന്റെ വിനോദസഞ്ചാര വൈവിധ്യം പരിചയപ്പെടുത്താൻ ടൂറിസം വകുപ്പ് പ്രത്യേക പദ്ധതി ആവിഷ്കരിച്ചിട്ടുണ്ട്. മാനവീയം വീഥിയിലെ സാംസ്‌കാരിക പരിപാടികൾക്കൊപ്പം കനകക്കുന്നിൽ ആറു ദിവസങ്ങളിലായി അനുഷ്ഠാനകലകളുടെ അവതരണവും അരങ്ങേറും. സാംസ്‌കാരിക വകുപ്പിന് കീഴിലുള്ള അക്കാദമികളുടെ പങ്കാളിത്തത്തോടെ സിനിമയും കലയും സംസ്കാരവും വിനോദസഞ്ചാരവും കൈകോർക്കുന്ന മഹോത്സവമായി ഇത്തവണത്തെ ഐഎഫ്എഫ്കെ മാറും.

ചലച്ചിത്രമേളയുടെ സ്വാഗതസംഘം രൂപീകരണയോഗം അഭൂതപൂർവമായ പങ്കാളിത്തത്തോടെ നടന്നു.

ഇനി കാത്തിരിപ്പിന്റെ നാളുകൾ... by @pcvishnunadh

താളമേളങ്ങളുടെ ആവേശവും വർണവൈവിധ്യമാർന്ന കോലങ്ങളുടെ വിസ്മയവും അനുഷ്ഠാനങ്ങളുടെ പവിത്രതയും ഒത്തുചേരുന്ന കേരളത്തിന്റെ തനതായ കലാരൂപമാണ് പടയണി. പ്രകൃതിയോടും വിശ്വാസങ്ങളോടും ഗ്രാമീണ ജീവിതത്തോടും ഇഴചേർന്ന ഈ അനുഷ്ഠാനകലയിൽ ഐതിഹ്യങ്ങളും പുരാവൃത്തങ്ങളും നിറഞ്ഞാടുന്നു. ഭദ്രകാളിയും ദാരികനും തമ്മിലുള്ള ഐതിഹാസിക പോരാട്ടത്തിന്റെ ഓർമകളെ കോലങ്ങളിലൂടെയും പാട്ടുകളിലൂടെയും താളങ്ങളിലൂടെയും അരങ്ങിലെത്തിക്കുന്ന പടയണി, കാഴ്ചയുടെ വിസ്മയത്തിനപ്പുറം കേരളത്തിന്റെ സമ്പന്നമായ ജനകീയ കലാപാരമ്പര്യത്തിന്റെ അടയാളം കൂടിയാണ്.

ഈ പൈതൃകകലയുടെ സൗന്ദര്യവും ഊർജവും കൊല്ലത്തും ആസ്വദിക്കാം. കൊല്ലം ശ്രീനാരായണ സാംസ്‌കാരിക സമുച്ചയത്തിൽ ഇന്ന് വൈകിട്ട് ഏഴിന് പടയണി അരങ്ങേറും. സമുച്ചയത്തിലെ മംഗനിയാർ സെലിബ്രേഷൻ സ്ക്വയറിൽ ഫോക്‌ലോർ അക്കാദമിയുടെ സഹകരണത്തോടെയാണ് അവതരണം. സമുച്ചയത്തെ എല്ലാ മാസവും കലാ-സാംസ്‌കാരിക പരിപാടികളാൽ സജീവമാക്കുമെന്ന പ്രഖ്യാപനത്തിന്റെ തുടർച്ചയാണിത്.

ഇന്ത്യയുടെ വൈവിധ്യമാർന്ന സംഗീതധാരകളെ ഒരേ വേദിയിൽ കോർത്തിണക്കിയ അഞ്ചുദിവസത്തെ അഷ്ടമുടി വാട്ടർ ഗേറ്റ് മ്യൂസിക് ഫെസ്റ്റിവലിനു പിന്നാലെയാണ് പടയണിയും എത്തുന്നത്. by @pcvishnunadh

എന്നും എപ്പോഴും ആത്മധൈര്യമായി കൂടെയുണ്ട്...

പ്രിയപ്പെട്ട ഉമ്മൻചാണ്ടി സാറിന്
പിറന്നാൾ ദിനത്തിൽ ഹൃദയാഞ്ജലികൾ ... by @pcvishnunadh

ഉരുക്കിനെ വെടിയുണ്ടകൾക്ക് തകർക്കാം; ഉരുക്കിൽ തീർത്ത ചരിത്രത്തെ തകർക്കാനാവില്ല!

ലോകം അവരെ ഉരുക്കുവനിതയെന്ന് വിളിച്ചത് ഭംഗിവാക്കായല്ല. 1971-ൽ പാകിസ്ഥാന്റെ സൈനികാധിപത്യത്തിന് മുന്നിൽ ഇന്ത്യയുടെ കരുത്തും ഇച്ഛാശക്തിയും ലോകത്തിന് ബോധ്യപ്പെടുത്തിയ നേതൃത്വം; ലോകശക്തികളുടെ സമ്മർദങ്ങൾക്കു മുന്നിൽ ശിരസ്സു കുനിക്കാത്ത ഭരണാധികാരി; മതേതര ഇന്ത്യയുടെ കാവലാൾ; ആധുനിക ഇന്ത്യയുടെ ഊർജ സ്രോതസ്സ്

“എന്റെ ഓരോ തുള്ളി രക്തവും ഇന്ത്യയെ ശക്തിപ്പെടുത്തും” എന്ന അവസാന പ്രഖ്യാപനത്തിന് പിറ്റേന്ന് സ്വന്തം രക്തംകൊണ്ട് ചരിത്രത്തിൽ ഒപ്പിട്ട ഇന്ദിരാജി...

വെടിയുണ്ടകൾക്ക് ഒരു ശരീരം വീഴ്ത്താനായി; പക്ഷേ രാഷ്ട്രീയ തീക്ഷണമായ
ഒരു കാലഘട്ടത്തിന്റെ
പോരാളിയെ മായ്ക്കാനാവില്ല. രക്തസാക്ഷിത്വത്തിന്റെ നിത്യതയിൽ ഇന്നും എന്നും ഇന്ത്യയ്ക്ക് കരുത്തായ ഓർമ്മകൾക്ക് മുന്നിൽ പ്രണാമം... by @pcvishnunadh