Instagram story viewer> @sayyidalbukhari> Posts
Sayyid Ibrahim Khaleel Bukhari(@sayyidalbukhari)'s profile avatar HD Profile

Sayyid Ibrahim Khaleel Bukhari

@sayyidalbukhari

131.1K
followers
5
following
Sayyid Ibraheemul Khaleel Al Bukhari
POSTS STORIES REELS
ചെറിയ വീഴ്ച; വലിയ "വില'! | ROOHULLA VAKKUKAL | #EP 177 by @sayyidalbukhari
യു.എ.ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാശിദ് അൽ മക്തൂമിന്റെ സാരഥ്യത്തിലുള്ള ‘മുഹമ്മദ് ബിൻ റാശിദ് അൽ മക്തൂം ഗ്ലോബൽ ഇനിഷ്യേറ്റീവ്സ്’ സംഘടിപ്പിച്ച പത്താമത് അറബ് റീഡിംഗ് ചലഞ്ചിൽ അറബ് ഇതര രാജ്യങ്ങളുടെ വിഭാഗത്തിൽ (ജാലിയാത്ത്) മൂന്നാം സ്ഥാനം കരസ്ഥമാക്കി മഅ്ദിൻ അക്കാദമി വിദ്യാർത്ഥി മുഹമ്മദ് ശഹൻഷാഹ് അന്താരാഷ്ട്ര വേദിയിൽ രാജ്യത്തിന്റെ യശസ്സുയർത്തിയിരിക്കുന്നു, അൽ ഹംദുലില്ലാഹ്. അമേരിക്ക, ജർമനി, തുർക്കി, റഷ്യ, ഫിൻലന്റ്, സ്കോട്ട്ലന്റ്, സ്വിറ്റ്സ്വർലന്റ് തുടങ്ങി ലോകത്താകമാനമുള്ള 60 രാജ്യങ്ങളിൽ നിന്നായി 1,38,426 വിദ്യാലയങ്ങളിലെ നാല് കോടിയിലധികം (40,286,428) വിദ്യാർത്ഥികൾ മാറ്റുരച്ച ലോകത്തെ ഏറ്റവും വലിയ വായനാ മത്സരമാണിത്. 11 ദശലക്ഷം യു.എ.ഇ ദിർഹത്തിന്റെ (ഏകദേശം 25 കോടിയോളം ഇന്ത്യൻ രൂപ) പുരസ്കാരങ്ങൾ നൽകപ്പെടുന്ന ഈ വിജ്ഞാനോത്സവത്തിൽ, ന്യൂസിലാൻഡും മലേഷ്യയും ഉൾപ്പെടെയുള്ള ലോകരാഷ്ട്രങ്ങളിലെ പ്രതിഭകളോട് കിടപിടിച്ചാണ് ഇന്ത്യയെ പ്രതിനിധീകരിച്ച് നമ്മുടെ ശഹൻഷാഹ് ഈ തിളക്കമാർന്ന നേട്ടം സ്വന്തമാക്കിയത്. ദുബായ് വേൾഡ് ട്രേഡ് സെന്ററിൽ നടന്ന പ്രൗഢഗംഭീരമായ ഗ്രാൻഡ് ഫിനാലെയിൽ വെച്ച് സ്വന്തമാക്കിയ ഈ വിജയം മഅ്ദിൻ കുടുംബത്തിന് മാത്രമല്ല, രാജ്യത്തിനും കേരളത്തിനും പ്രത്യേകിച്ച് നമ്മുടെ നാടിനാകെയും അഭിമാനമാണ്. ഭാഷകളുടെയും അറിവിന്റെയും വിശാല ലോകത്തേക്ക് വിദ്യാർത്ഥികളെ കൈപിടിച്ചുയർത്താൻ മഅ്ദിൻ നടത്തുന്ന അക്കാദമിക് പരിശ്രമങ്ങൾക്കുള്ള അംഗീകാരം കൂടിയാണിത്.അക്ഷരങ്ങളെയും പുസ്തകങ്ങളെയും ഹൃദയത്തോട് ചേർത്തുവെച്ച് ആഗോളവേദിയിൽ ശ്രദ്ധേയമായ വിജയം കുറിച്ച മഅ്ദിൻ അറബിക്ക് വില്ലേജ് വിദ്യാർത്ഥി പ്രിയമുഹമ്മദ് ശഹൻഷാഹിനും, ഇതിന് പിന്നിൽ പ്രവർത്തിച്ച അധ്യാപകർക്കും രക്ഷിതാക്കൾക്കും ഹൃദയം നിറഞ്ഞ അഭിനന്ദനങ്ങളും പ്രാർത്ഥനകളും നേരുന്നു. അറിവിന്റെ വെളിച്ചം പരത്തി ഇനിയും ഉന്നതങ്ങളിലേക്ക് മുന്നേറാൻ സർവ്വശക്തൻ അനുഗ്രഹിക്കട്ടെ. Sayyid Ibraheemul Khaleel Al Bukhari by @sayyidalbukhari
ഇന്നലെ രാത്രി മേൽമുറി ചാരിറ്റബിൾ സൊസൈറ്റിയുടെ ബിരിയാണി ചലഞ്ചിനായി ഭക്ഷണം ഒരുക്കുന്ന പന്തൽ സന്ദർശിച്ചു. കൂട്ടായ്മയിൽ ബറക്കത്തുണ്ടെന്നൊരു നബിവചനമുണ്ട്. ഒറ്റക്കിരുന്ന് ചെയ്യുന്നതിനേക്കാൾ മാനസികവും ശാരീരികവുമായ ഉല്ലാസവും ആശ്വാസവുമെല്ലാം നാം കൂട്ടം ചേർന്ന് ചെയ്യുമ്പോൾ ലഭിക്കും. ​ഇന്നലെ നൂറ്റിയിരുപത് അടുപ്പുകൾ പുകഞ്ഞിരുന്നു അവിടെ. ഒന്നിന് ഞാനും തിരികൊളുത്തി. നൂറുകണക്കിന് പ്രിയപ്പെട്ട നാട്ടുകാർ കൂടെയുണ്ടായിരുന്നു. ഈ മനുഷ്യരെ എനിക്കും എന്നെ അവർക്കുമറിയാം. കാരണം കഴിഞ്ഞ നാലുപതിറ്റാണ്ടിലേറെയായി ഞാനിവിടെയുണ്ട്. നാൽപതിനായിരം പേർക്കുള്ള ഭക്ഷണമാണവിടെ ഒരുക്കുന്നത്. വൈവിധ്യപൂർണ്ണമായ വിഭവങ്ങളായിരിക്കും ഓരോ വിട്ടിലും ഓരോ ദിവസത്തിലെയും സുപ്രകൾ. എന്നാൽ ഇന്ന് ഈ നാട്ടിലും പ്രദേശങ്ങളിലുമുള്ള, ജാതി-മത ഭേദമന്യയുള്ള വീടുകളിലും മഅ്ദിൻ സ്ഥാപനങ്ങളിലെ വിദ്യാർത്ഥികളുമെല്ലാം ഈ ബിരിയാണി ചാലഞ്ചിന്റെ ഭാഗമായി ഒരേ ഭക്ഷണം കഴിക്കും. പ്രദേശത്തെ നിർധനരും നിസ്സഹായരുമായ മനുഷ്യരോടൊപ്പം ചേർന്നുനിൽക്കാനുള്ള ശ്രമങ്ങളുടെ ഭാഗമായാണ് ഈ പദ്ധതി. ഒരു പദ്ധതി പൂർത്തിയാക്കുമ്പോൾ നമുക്ക് വലിയ ആശ്വാസമുണ്ടാവും; എന്നാൽ അതിൽ സ്വന്തമായി ഒരു നേട്ടവുമില്ലാതിരിക്കുകയും മറ്റുള്ളവരുടെ ആവശ്യങ്ങൾക്ക് വേണ്ടിയാവുകയും ചെയ്യുമ്പോൾ അതിലടങ്ങിയിരിക്കുന്ന ആത്മസംതൃപ്തിയുടെ മൂല്യം അളക്കാനാവില്ല. ഏതുപോലെയെന്നാൽ, ഹോട്ടലിൽ കയറി നാം വിഭവസമൃദ്ധമായി കഴിക്കുമ്പോൾ ലഭിക്കുന്ന ആസ്വാദനത്തേക്കാൾ ഹൃദ്യവും അവിസ്മരണീയവുമായിരിക്കും ദാഹിച്ചവശനായി വന്ന ഒരാൾക്ക് നാം വാങ്ങി നൽകിയ ഒരു കുപ്പി പച്ചവെള്ളം. ​മറ്റാർക്കോ വേണ്ടി സമയവും ഊർജവും സമ്പത്തുമെല്ലാം ചെലവഴിച്ച്, തങ്ങളുടെ സാന്നിധ്യം കൊണ്ടെങ്കിലും ഈ മഹത്തായ സംരംഭത്തോട് ചേർന്നുനിൽക്കുന്ന മനുഷ്യരെല്ലാം കാണിക്കുന്നത് നമ്മുടെ ഉള്ളിലെ മഹത്തായ ആ മാനവികതയുടെ ആർദ്രതയാണ്. ഈ മഹത്തായ പദ്ധതിക്ക് നേതൃത്വം നൽകുന്ന പ്രസിഡന്റ് നാണത്ത് കുഞ്ഞിമുഹമ്മദ്, സെക്രട്ടറി നൗഷാദ് കപ്പൂർ, ജോയിന്റ് സെക്രട്ടറിമാരായ അക്ബർ മച്ചിങ്ങൽ, മജീദ് പി.പി., വൈസ് പ്രസിഡന്റുമാരായ നാണത്ത് ഹംസ, മൂസ പി.എം., കോർഡിനേറ്റർ ഷാഫി പുളിക്കത്തൊടി, അക്കൗണ്ടന്റ് മുസ്തഫ എൻ. തുടങ്ങി കമ്മിറ്റി അംഗങ്ങളും അല്ലാത്തവരുമായ മുഴുവൻ പ്രവർത്തകരും പദ്ധതിയുടെ ഭാഗമായ സാധാരണ മനുഷ്യരുമെല്ലാം പ്രശംസയർഹിക്കുന്നു. അല്ലാഹു ഈ സത്കർമത്തെ നമ്മിൽ നിന്നും സ്വീകരിക്കട്ടെ. Sayyid Ibraheemul Khaleel Al Bukhari by @sayyidalbukhari
هيا بنا(٩):السيد إبراهيم الخليل البخاري - الوقت نعمة عظيمة وأمانة ثمينة by @sayyidalbukhari
ഉമ്മ വിടപറഞ്ഞിട്ട് നാളെ നാല്പത് തികയുകയാണ്. കഴിഞ്ഞ ദിവസമാണ് യാദൃച്ഛികമായി ദുബൈ ഭരണാധികാരി ശൈഖ് മുഹമ്മദ് ബിൻ റാശിദ് ആൽ മക്തൂമിന്റെ പുതിയ പുസ്തകമായ ‘ലെറ്റേഴ്സി’നെക്കുറിച്ചുള്ള ഒരു വാർത്ത ശ്രദ്ധയിൽപ്പെട്ടത്. “ജീവിതം പലതും പഠിപ്പിച്ചു, പക്ഷേ മാതാവില്ലാതെ ജീവിക്കാൻ പഠിപ്പിച്ചില്ല” എന്നതായിരുന്നു ആ വാർത്തയുടെ തലക്കെട്ട്. ഒറ്റനോട്ടത്തിൽത്തന്നെ ആ വരികൾ എന്റെ കണ്ണുകളെ ഈറനണിയിച്ചു; ഉമ്മയുടെ പ്രകാശപൂർണ്ണമായ മുഖം മനസ്സിൽ തെളിഞ്ഞുനിന്നു. ആ വാചകത്തിന്റെ ആഴം ഓരോ വായനക്കാരനും ഓരോ തരത്തിലായിരിക്കാം അനുഭവിച്ചിട്ടുണ്ടാവുക. എന്നാൽ, ഉമ്മയുടെ വേർപാടിലൂടെ കടന്നുപോകുന്ന ഒരാളുടെ ഹൃദയത്തെ ആഴത്തിൽ മുറിവേൽപ്പിക്കാൻ മാത്രം തീക്ഷ്ണമായിരുന്നു ആ അക്ഷരങ്ങൾ. ഉമ്മയുടെ ഓർമ്മകൾ കോർത്തിണക്കിയ സ്മരണിക നാളെ പ്രകാശനം ചെയ്യപ്പെടുകയാണ്; ‘സ്വബൂറിന്റെ സുൽത്വാന’ എന്നാണ് പേര്. “സ്വബൂറിനാണ് സുൽത്താൻ പട്ടം” എന്ന് ഉമ്മ എപ്പോഴും ഓർമ്മിപ്പിക്കാറുണ്ടായിരുന്നു; അത് ഉമ്മ സ്വന്തം ജീവിതത്തിൽ പൂർണ്ണമായി പകർത്തിക്കാണിച്ചുതരികയും ചെയ്തു. അതുകൊണ്ടുതന്നെ, ഉമ്മയുടെ ത്യാഗപൂർണ്ണമായ ജീവിതത്തിന് അനുയോജ്യമായ പേരും ഇതുതന്നെയായിരിക്കും. കേവലമൊരു വ്യക്തിസ്മരണകളുടെ സമാഹാരത്തിനപ്പുറം, കടലുണ്ടിയിലെ ബുഖാരി സാദാത്തുക്കളുടെ ധന്യമായ ചരിത്രത്തിലേക്കുള്ള ഒരു കവാടം കൂടിയാണ് ഈ പുസ്തകം. ഉമ്മയുടെ പിതാവും വലിയ പണ്ഡിതനുമായിരുന്ന സയ്യിദ് ഹാഫിസ് ശാഹുൽ ഹമീദ് അൽ ബുഖാരി തങ്ങളുടെയും അവരുടെ മുൻഗാമികളുടെയും, ഒപ്പം ഞങ്ങളുടെ പിതാവ് സയ്യിദ് അഹ്മദുൽ ബുഖാരി തങ്ങളുടെയുമെല്ലാം ആത്മീയ-സാമൂഹിക ജീവിതങ്ങളിലേക്ക് ഉമ്മയിലൂടെയുള്ള ഒരു എത്തിനോട്ടം കൂടിയാണിത്. അതുകൊണ്ടുതന്നെ ഇതൊരു ഓർമ്മപ്പുസ്തകം എന്നതിലുപരി, ഒരു ചരിത്രരേഖയായി വരുംതലമുറകൾക്ക് മുന്നിൽ നിലകൊള്ളും. ഒരു വിശ്വാസിയെ സംബന്ധിച്ചിടത്തോളം മാതാപിതാക്കളുടെ വേർപാട് അന്ത്യമല്ല; മറിച്ച്, അവർ കൊളുത്തിവെച്ച ഈമാനിന്റെയും ഇഹ്സാനിന്റെയും വെളിച്ചം മുന്നോട്ടു കൊണ്ടുപോകാനുള്ള ഉത്തരവാദിത്തത്തിന്റെ തുടക്കമാണ്. അവരുടെ ജീവിതം ഒരു തുറന്ന ഏടായി ഇവിടെ ബാക്കിയാവുന്നു. ഉമ്മ ബാക്കിവെച്ച ആത്മീയ പൈതൃകം നെഞ്ചേറ്റാനും, ആ സുകൃതങ്ങൾ സദഖത്തുൻ ജാരിയയായി പരലോകത്ത് അവർക്ക് തുണയാകാനും ഇത് കാരണമാവട്ടെ. അല്ലാഹു ഉമ്മയുടെ ഖബ്‌റിടം വിശാലമാക്കുകയും പദവികൾ ഉയർത്തി ജന്നത്തുൽ ഫിർദൗസിൽ ഉന്നതസ്ഥാനം നൽകി അനുഗ്രഹിക്കുകയും ചെയ്യട്ടെ, ആമീൻ. Sayyid Ibraheemul Khaleel Al Bukhari by @sayyidalbukhari
മരണത്തിന്റെ 40-ാം ദിനം | ROOHULLA VAKKUKAL | #EP 176 by @sayyidalbukhari
ജീവിതമാവുക, എസ് എസ് എഫില്‍ അണിചേരുക | Friday Speech | Ma'din Grand Masjid by @sayyidalbukhari
ഓർമകളുടെ 'കണക്കുപുസ്തകം' | ROOHULLA VAKKUKAL | #EP 175 by @sayyidalbukhari
هيا بنا(٨):السيد إبراهيم الخليل البخاري - احذروا اللسان، فإنه سلاحٌ ذو حدَّين..! by @sayyidalbukhari
October 10 | കേരള മുസ്‌ലിം ജമാഅത്ത് സ്ഥാപക ദിനം © 𝙆𝙚𝙧𝙖𝙡𝙖 𝙈𝙪𝙨𝙡𝙞𝙢 𝙅𝙖𝙢𝙖'𝙖𝙩𝙝 by @sayyidalbukhari
എസ്എസ്എഫ് മെമ്പർഷിപ്പ് ദിനമാണിന്ന്. ‘ജീവിതമാകുക’ എന്നതാണ് പ്രമേയം. ഇന്ന് രാവിലെ നമ്മൾ സുബ്ഹ് നിസ്കരിച്ചത് ഉടമയോടുള്ള വിധേയത്വവും നന്ദിപ്രകടനവുമാണ്; പള്ളിയിലെത്തിയപ്പോൾ തൊട്ടടുത്ത ആളോട് പുഞ്ചിരിച്ചുകൊണ്ട് സലാം പറഞ്ഞത് ഉള്ളിലെ ആർദ്രതയാണ്; ഖുർആൻ പാരായണം ചെയ്തത് ആത്മാവിന്റെ തെളിച്ചമാണ്; പള്ളിയുടെ മൂലയിലിരിക്കുന്ന പാവപ്പെട്ടൊരാൾക്ക് ആരുമറിയാതെ നാം കൊടുത്ത ധർമം അപരസ്നേഹമാണ്; വീട്ടിലേക്ക് തിരിക്കുമ്പോൾ വഴിയിലേക്ക് ചാഞ്ഞുനിൽക്കുന്ന തെങ്ങിൽനിന്ന് വീണ ഓലമടൽ റോഡരികിലേക്ക് ഒതുക്കിവെച്ചത് നമ്മുടെ സാമൂഹികബോധമാണ്. ഇങ്ങനെ ഓരോ ഇടങ്ങളിലും അർഥപൂർണമായി ജീവിക്കാൻ സാധിക്കുക എന്നത് വലിയ ഭാഗ്യമാണ്. ഈ പ്രമേയത്തെ ജീവിതത്തിൽ പകർത്തി മുന്നോട്ടുപോകാൻ ഓർമപ്പെടുത്തുന്നത് വലിയൊരു ദൗത്യമാണ്. അല്ലാഹു സ്വീകരിക്കട്ടെ, ആമീൻ. Sayyid Ibraheemul Khaleel Al Bukhari by @sayyidalbukhari
"മക്കൾക്കായ് ജീവിച്ച ഉമ്മ" | ROOHULLA VAKKUKAL | #EP 174 by @sayyidalbukhari

Download All

Save the photos and videos currently loaded on this page.

0Photos
0Videos
Ready to download 0 / 0

Keep this tab open until your download is ready.
back to up