Instagram story viewer> @speakupegacademy> Posts

Speak Up Academy

@speakupegacademy

5.6K

followers

5

following

Empowering through education and training.
A branch of @speakup.00, committed to fostering growth for youth and supporting victims of violence.

POSTS STORIES REELS

📧 Support@speakupeg.com by @speakupegacademy

من ورشة انهارده في منشية ناصر، اللي عملناها لمجموعة من الأمهات عن الأمان الرقمي بالتعاون مع مؤسسة "مساحة أكون" by @speakupegacademy

فيديو الدفعة التالتة من تدريب العنف التكنولوجي القائم على النوع الاجتماعي ❤️❤️

التدريب بيكون أونلاين لمدة ٣ أسابيع والدفعة التالتة كان فيها مشاركات من مصر واليمن والجزائر والأردن ولبنان والسودان وسوريا.

تابعونا عشان هنفتح التقديم للدفعة قريب! 💫

شكراً لإسراء على الفيديو الخطير ده، ولكل الستـات اللي شاركت فيه. ❤️ by @speakupegacademy

What if it happened offline — would we still call it “normal”? 💭

Behind the Screen, It explores how behaviours like monitoring, constant pressure, digital surveillance, exposing private information and threats can look very different when we take them out from behind the screen.

This project may have started in a training room, but the conversation shouldn’t end there.

Sometimes all it takes is looking at something differently and asking one little question…

But why? 🤔

#BehindTheScreen #TFGBV #WomensRights #DigitalSafety #SpeakUpAcademy by @speakupegacademy

انهارده كانت نهاية الدفعة التالتة من التدريب اللي عملناه عن "العنف القائم على النوع الاجتماعي عن طريق التكنولوجيا" المعروف بـ العنف الرقمي..

التدريب كان عبارة عن ٦ محاضرات على مدار شهر وكان مشاركات من جنسيات مختلفة زي اليمن والجزائر وسوريا ولبنان والسودان والأردن، وده خلى النقاشات والأفكار خلال التدريب تكون ملهمة جداً وبتخلينا كلنا نتعلم حاجات جديدة.

فخورين ومبسوطين بالمجموعة الجديدة، وشكر خاص كالعادة لمدربتنا الخطيرة اللي قدرت تطلع التدريب بالشكل العبقري ده. ❤️

هنشارك معاكم قريب تفاصيل التقديم للدفعة الجديدة من التدريب! by @speakupegacademy

⁨ عملت الفيديو ده كجزء من Speak Up TFGBV Workshop علشان يبقى دليل سريع وعملي لأي بنت ممكن تتعرض لابتزاز إلكتروني.

معايا صورك… لو ما عملتيش اللي هقولك عليه هنشرهم.
لو الرسالة دي وصلتك، تعرفي تعملي إيه؟

لو حد بيبتزك أونلاين، أول 24 ساعة ممكن تفرق جدًا.
ما تمسحيش الدليل، أمّني حساباتك، ما تدفعيش تحت الضغط، وما تواجهيش الموضوع لوحدك.

الابتزاز بيعتمد على الخوف والاستعجال… لكن وجود خطة واضحة بيرجعلك جزء من السيطرة.

احفظي الدليل • أمّني حساباتك • اطلبي المساعدة

ولو محتاجة دعم، تقدري تلجأي لـ Speak Up Helpline.

#الابتزاز_الإلكتروني #العنف_الإلكتروني #العنف_الرقمي #العنف_القائم_على_النوع_الاجتماعي #الأمان_الرقمي حماية_النساء سلامتك_الرقمية التوعية_الرقمية ابتزاز CyberBlackmail OnlineBlackmail DigitalSafety OnlineSafety TFGBV TechnologyFacilitatedViolence GenderBasedViolence SpeakUp SpeakUpEgypt WomenSafety StopOnlineAbuse⁩ by @speakupegacademy

دفعة الفنانات! ❤️

بما أننا فتحنا التقديم للدفعة الجديدة.. دي شوية من آراء الدفعة التانية عن التدريب. شكراً لـ أسماء على الفيديو الخطير، ولكل الستـات اللي شاركت فيه ❤️❤️ by @speakupegacademy

تقدروا تقدموا دلوقتي للدفعة التالتة من التدريب 🎉

تدريب لمدة 3 أسابيع مع سبيك أب عن العنف الرقمي القائم على النوع الإجتماعي والأدوات المتاحة لمواجهته

خلال التدريب هنتكلم عن:
- العنف التكنولوجي القائم على النوع الاجتماعي (TFGBV): تعريفه، أنواعه، وبيظهر إزاي أونلاين
- الإطار القانوني والإجتماعي لجرائم العنف الرقمي في مصر وآليات الإبلاغ، بما فيها مباحث الإنترنت
- الأدوات المتاحة لمواجهة العنف الإلكتروني، ومن ضمنها Speak Up Helpline وطريقة تقديم البلاغات
- إزاي نستخدم الإنترنت بأمان ونحمي حساباتنا وبياناتنا

التدريب مناسب للطلبة والخريجين/ات والمهتمين/ات بالعمل المجتمعي، الحقوق الرقمية، والإعلام.

للتسجيل: اكتبوا تدريب أو training في الكومنتات، وهنتواصل معاكم عن طريق الإيميل

* كل التدريبات هتكون أونلاين، ولازم السن يكون أكبر من ١٨ سنة. by @speakupegacademy

انهارده كنا مع مجموعة من النشاط الطلابي في الجامعة الألمانية بالقاهرة "أثر"،في منشية ناصر وقدمنا ورشة "أنا بأمان" اللي اتكلمنا فيها مع الأمهات عن حماية الأطفال من التحـرش وازاي نبني بيئة آمنة تساعدهم يحكوا ويطلبوا المساعدة.

شكراً للأمهات اللي حضرت عشان توعي وتحمي ولادها، وشكراً للبنـات والشباب الخطيرة في نشاط أثر اللي بيروحوا منشية ناصر بشكل دوري عشان يعلموا الأطفال والأمهات هناك القراءة والكتابة وبيقدمولهم الدعم في حاجات تانية كتير. by @speakupegacademy

📌 لو بتستخدموا الإنترنت بشكل يومي، سواء للشغل أو الدراسة أو التواصل، فالورشة دي ليكم..

ورشة "الأمان الرقمي 101" هتساعدكم تتعرفوا على أساسيات الأمان الرقمي، وتحافظوا على حساباتكم وبياناتكم الشخصية، وتتعاملوا بشكل آمن مع التهديدات والمخاطر الرقمية.

📅 التاريخ: الأحد 26 يوليو
🕖 الوقت: 7:00 مساءً بتوقيت القاهرة
🌐 المنصة: أونلاين على زووم

الورشة مجانية وهتكون أونلاين لمدة ساعتين.

✨ هنتعلم إيه خلال الورشة؟

- أساسيات الأمان الرقمي وليه مهم.
- إزاي تحمي حساباتك بكلمات مرور قوية والتحقق بخطوتين.
- إزاي تكتشف محاولات التصيد والاحتيال الإلكتروني وتتجنبها.
- حماية الخصوصية والبيانات الشخصية على الإنترنت.
- خطوات عملية للتعامل مع اختراق الحسابات أو التهديدات الرقمية.
- فقرة مفتوحة للأسئلة.

📩 لو مهتمين تحضروا اكتبوا كلمة Workshop أو ورشة في الكومنتات وهيوصلكم لينك التسجيل، أو هتلاقوا اللينك في الستوريز.

مستنين تشاركونا! ❤️ by @speakupegacademy

زي انهارده من ٦ سنين، سبيك أب بدأت من بوست على فيسبوك.

ما كناش متخيلين وقتها إن آلاف الأشخاص هيقرروا يحكوا قصصهم، وإن أصوات اتسكتت سنين هتلاقي مساحة آمنة تتكلم فيها.

على مدار الـ ٦ سنين اللي فاتوا، اتغيرت حاجات كتير.
حملات، قضايا، تشريعات، شراكات، ولادنا الجداد: سبيك أب هيلب لاين وسبيك أب أكاديمي، آلاف الضحايا اللي لقوا دعم، وملايين وصلتلهم رسايلنا في مصر ودول تانية كتير.

كل قصة حكيتوها، وكل بوست شاركتوه، وكل شخص طلب المساعدة، وكل حد شارك كلمة أو دعم أو تطوع، وكل سـت من فريقنا الصغير اللي بيكبر كل يوم.. كانوا جزء من الرحلة دي.

النهارده بنكمل ٦ سنين.. وبنبدأ السنة السابعة واحنا بنحاول نعمل نفس الحاجه اللي بدأنا عشانها: إننا نحارب العُنـف، ونقف جنب الضحايا، ونحاول نعمل تغيير حقيقي -حتى لو بسيط- للأحسن في حياة غيرنا.

شكرًا لكل شخص كان جزء من الرحلة دي.. ومتحمسين نكملها معاكم! ❤️❤️ by @speakupegacademy

من أكتر الحاجات اللي بنحبها هي الورش اللي بتتعمل للأطفـال عشان بنشوف قد ايه بتفرق معاهم، وعشان المعلومات اللي بنقدمها بتكون ضرورية جداً لسنهم.

اليومين اللي فاتوا عملنا ورشة لطلاب ابتدائي عن الأمان الرقمي، وبعد الورشة كتبولنا اللذاذة دي 🥹❤️❤️❤️ by @speakupegacademy