Instagram story viewer> @speakup.00> Posts

Speak Up اتكلم/ي

@speakup.00

507.1K

followers

248

following

A feminist initiative to support victims of violence in all its forms.
⚠️ Backup account: @speakup.01
➡️ @speakup_helpline
➡️ @speakupegacademy

POSTS STORIES REELS

بنتمنى ده يكون شارح الخطوات بشكل أفضل، ولو لسه عندكم مشكلة تقدروا تتواصلوا معانا! ❤️

ابعتوا لواحد من الأكونتات دي رسالة بنوع الموبايل والمنطقة عشان تاخدوا esim مجانية:
@mobebars
@marwanabdelmawla_
@doaa_gawish
@n_abubakr
@mirna_elhelbawi
@superwomen.official
@obada.lifestyle
@razanaobeidat
@whatif.emansobhy
@amrelshbrawii

#ConnectingGaza by @speakup.00

English below
لكل اللي الموجودين في #RedBullSoundClash انهارده:

١. احنا موجودين عند الـ station، عشان لو حد احتاج أي مساعدة.
٢. أفراد التأمين هيكونوا منتشرين في كل الأماكن تقدروا تتواصلوا مع أقرب حد ليكم لو حصل مشكلة.
٣. هيكون فيه مجموعة من المتطوعين عند الـ station عشان يقدموا الدعم النفسي لأي حد اتعرض للتحـرش ويساعدوه يبلغ أو يعرف ازاي ياخد إجراءات قانونية.
٤. لو حد قرر ياخد إجراء قانوني هنساعده يتواصل مع محامي متطوع بعد المحضر عشان يتابع معاه الإجراءات.
٥. وجودنا مش بديل لوجود أفراد التأمين اللي موجودين ولا لأفراد الشرطة اللي موجودين برا المكان، وأي شخص هيتعدي على غيره هيتم التعامل معاه من الجهتين.
٦. احنا مش جهة إبلاغ رسمية ودورنا بيقتصر على مساعدة ودعم الضحايا في انهم ياخدوا الإجراءات اللازمة بنفسهم عشان الجهات المختصة تقوم بالتحقيق، لكن ما بينفعش ناخد الإجراء القانوني بنفسنا.
٧. بنفكركم أن لمس شخص تاني بيعتبر جريمة هتـك عـرض مش تحـرش ودي عقوبتها بتوصل ل١٥ سنة.

متحمسين اننا هنقابلكم، وبنتمنى أن اليوم يعدي من غير أي حوادث تحـرش وكل الناس تنبسط من غير ما حد يضايق التاني. ❤️

For everyone attending today

1. Our station will be located outside the venue tomorrow, in case anyone needs any assistance.
2. Security personnel will be present in all areas, and you can reach out to the nearest person in case of any problems.
3. There will be a group of volunteers at the station to provide psychological support for anyone who has experienced harassment and to help them report or understand the legal procedures.
4. If anyone decides to take legal action, we will assist them in contacting a volunteer lawyer after filing the report so that they can follow up with the procedures.
5. Our presence does not replace the security personnel or the police outside the venue, and anyone who violates the law will be dealt with by both parties.
6. We are not an official reporting party, and our role is limited to helping and supporting the victims in taking the necessary actions themselves so that the relevant authorities can investigate.
7. We want to remind you that touching someone else is considered a crime of sexual assault, not harassment, and its punishment can reach up to 15 years. by @speakup.00

مبسوطين اننا موجودين في @grunfete انهارده وحابين نفكركم بنقط سريعة ❤️❤️❤️

١. احنا موجودين عند الـ tent اللي عليها اسمنا، عشان لو حد احتاج أي مساعدة.
٢. أفراد التأمين هيكونوا منتشرين في كل الأماكن تقدروا تتواصلوا مع أقرب حد ليكم لو حصل مشكلة وهتلاقوهم لابسين vest.
٣. هيكون فيه مجموعة من المتطوعين عند الـ tent عشان يقدموا الدعم النفسي لأي حد اتعرض للتحـرش ويساعدوه يبلغ أو يعرف ازاي ياخد إجراءات قانونية.
٤. لو حد قرر ياخد إجراء قانوني معانا محامي متطوع هيساعده يعمل محضر ويكمل معاه الإجراءات.
٥. وجودنا مش بديل لوجود أفراد التأمين اللي موجودين ولا لأفراد الشرطة اللي موجودين برا المكان، وأي شخص هيتعدي على غيره هيتم التعامل معاه من الجهتين.
٦. احنا مش جهة إبلاغ رسمية ودورنا بيقتصر على مساعدة ودعم الضحايا في انهم ياخدوا الإجراءات اللازمة بنفسهم عشان الجهات المختصة تقوم بالتحقيق، لكن ما بينفعش ناخد الإجراء القانوني بنفسنا.
٧. بنفكركم أن لمس شخص تاني بيعتبر جريمة هتـك عـرض مش تحـرش ودي عقوبتها بتوصل ل١٥ سنة.

متحمسين اننا هنقابلكم، وبنتمنى أن اليوم يعدي من غير أي حوادث تحـرش وكل الناس تنبسط من غير ما حد يضايق التاني. ❤️

شكراً لكل المتطوعين اللي خدوا من وقتهم انهارده ونزلوا عشان يساعدوا غيرهم

@ememadd
@youssefehab37
@yassmin15513

#PartlySafely by @speakup.00

محتوى صـادم ⚠️

آية، ست عندها ٣٧ سنة، اتجوزت في شهر سبتمبر اللي فات، وبعد أقل من شهرين من جوازها، جوزها طعـنها.

وبحسب التحريات والتفاصيل اللي نشرتها الصحف، الزوج المتهم، البالغ من العمر ٣٦ سنة وبيشتغل عامل في صيدلية، أقر بارتكاب الجريمة، وبرر فعلته بأنه "حلم أن مراته بتخونه".

بحسب شهادة والدها، دي ما كانتش أول مرة، وكان فيه اعتداء سابق ومحاولة قـ.ـتل بسبب أنه "حلم انها بتكلم حد"، سابت بعدها البيت، لكن الزوج اعتذر ورجعت البيت مرة تانية.

لحد امتى الستـات هتفضل تدفع حياتها لأسباب عبثية؟ وبغض النظر عن أخلاق آية اللي كل الناس بتأكدها وقد ايه هي محترمة.. امتى الرجـالة هتفهم أن الشك أو الغيرة أو حتى الخيانة الفعلية عمرهم ما كانوا مبرر للاعتداء على إنسانة أو قـ.ـتلها؟

تم القبض على المجـرم وبنتمنى ياخد عقابه في أقرب وقت. by @speakup.00

أخي الكريم تقدر تاخد رأيك عن أي حاجه تخص أجسـام الستـات لأقرب سلة زبالة.. خاصـةً في الكلام عن التحـرش والإغتصـاب والختـان! by @speakup.00

هل عمركوا سمعتوا عن مصطلح "غرزة الزوج"؟ by @speakup.00

في سنّ المراهقة، جسم البنـات بيبدأ يتغير، ومع التغير للأسف بيبدأ مع ده تعليقات وسلوكيات غير مقبولة.

تعليقات زي: كبرتي وبقيتي عروسة.. احنا لازم نجيبلك عريس.. احلويتي وجسمك بقى ملفت.

وتعليقات تانيه كتير، ممكن تتقال بنية سليمة لكن كلها بتندرج تحت التحـرش حتى لو اتقالت بهزار.

وكتير طبعاً بيبقى بيعمل ده بنية مش سليمة مع نظرات سخيفة لجسم البنـت

البنـات في المرحلة دي بيكونوا محتاجين أمان ودعم، مش نظرات سخيفة وتعليقات مش مريحة على جسمهم اللي بيتغير.. خاصةً من دوايرهم القريبة.

ف لو لقيتوا حد بيبص على جسم بناتكم بشكل غريب أو مش مريح (خاصة من العيلة)
ما تتكسفوش تقفوا ضده وما تقبلوش الموضوع يعدي
عشان السكوت هيعلم البنـات إن الإحساس بعدم الأمان طبيعي… وهو مش طبيعي.

كمان مهم نفكر الأهالي اللي عندهم بنـات في السن ده (وفي أي سن)
أن من حق البنـات تحط حدود لجسمها.
لو مش مرتاحة تحضن حد بعد ما كبرت شويه، أو تبوس حد، أو تقرب من شخص معيّن، ده حقها الكامل.

ما ينفعش نجبرها تعمل ده تحت مسمى: معلش ده عمك أو ما ينفعش تكسري بخاطر اللي قدامك.. عشان ده هيعلمهم أن حدود جسمهم مش مهمة وانهم يكبروا وهما بيضحوا براحتهم عشان يرضوا غيرهم

حماية البنات بتبدأ من البيت، من كلامنا ومن تصرّفاتنا اليومية.
وجسمهم عمره ما كان المشكلة، المشكلة في سلوكيات الناس ونظراتهم. by @speakup.00

مش لازم تشوف أثر الأذى علشان يكون موجود.
ومش لازم تفهم طريقة شخص في التعامل مع تجربته علشان تحترمها.
لو عايزين تساعدوا حد متضرر اسألوهم ازاي تقدمولهم الدعم من غير أحكام أو وصم.
#شيزلونج اتكلم..هنساعدك by @speakup.00

لسه لحد دلوقتي فيه آلاف الأسر بتعمل ختـان لبناتها بسبب الخرافات دي!

لو تعرفوا حد هيتعـرض للختـان ما تترددوش تبلغوا نجـدة الطفل بشمل سري ومن غير بياناتكم على رقـمهم 16000. by @speakup.00

ماذا لو اتعرضتي للابتزاز الإلكتروني؟! متخافيش احنا معاكي❤️ وكل الخطوات في الفيديو ده مع @speakup.00 ❤️ by @speakup.00

من ورشة انهارده في منشية ناصر، اللي عملناها لمجموعة من الأمهات عن الأمان الرقمي بالتعاون مع مؤسسة "مساحة أكون" by @speakup.00

فيديو الدفعة التالتة من تدريب العنف التكنولوجي القائم على النوع الاجتماعي ❤️❤️

التدريب بيكون أونلاين لمدة ٣ أسابيع والدفعة التالتة كان فيها مشاركات من مصر واليمن والجزائر والأردن ولبنان والسودان وسوريا.

تابعونا عشان هنفتح التقديم للدفعة قريب! 💫

شكراً لإسراء على الفيديو الخطير ده، ولكل الستـات اللي شاركت فيه. ❤️ by @speakup.00