Instagram story viewer> @zhankashuly> Tagged

Жанат Жаңқашұлы

@zhankashuly

2.2K

followers

1358

following

✍🏻Қазақстан Жазушылар одағының
Қарағанды облыстық филалының төрағасы.

POSTS STORIES REELS TAGGED

ҚАСЫМ АМАНЖОЛОВТЫҢ 115 ЖЫЛДЫҒЫНА АРНАЛҒАН РЕСПУБЛИКАЛЫҚ МҮШӘЙРА ЖЕҢІМПАЗДАРЫ МАРАПАТТАЛДЫ

Қарағанды қаласында дауылпаз ақын Қасым Аманжоловтың туғанына 115 жыл толуына орай «Дүниеге келер әлі талай Қасым…» атты республикалық ақындар мүшәйрасы өтті.
Жыр додасының мақсаты - Қасым мұрасын ұлықтау, ұлттық поэзияны дәріптеу және жас ақындардың шығармашылығына қолдау көрсету.
Іс-шара аясында марқұм ақын Қайрат Асқаровтың кітабының тұсаукесері өтіп, оның әдеби мұрасы мен шығармашылығына тағзым жасалды.

Мүшәйра қорытындысы бойынша жеңімпаздар:

* I орын - Мирас Асан
* II орын - Мәрлен Ғилымхан
* III орын - Нұржан Кәдірәлі
* Арнайы жүлде - Төлеген Меллат (Дәулет Ырысбайұлы атындағы арнайы жүлде)
* Арнайы жүлде - Сезім Мергенбай (Қайрат Асқаров атындағы арнайы жүлде)

Қазылар алқасының төрағасы - Бауыржан Жақып, халықаралық «Алаш» әдеби сыйлығының лауреаты, республикалық «Қазақ әдебиеті» газетінің бас редакторы.
Қазылар алқасының мүшелері:
* Серік Ақсұңқарұлы - Абай атындағы Мемлекеттік сыйлықтың лауреаты;
* Светқали Нұржан - Абай атындағы Мемлекеттік сыйлықтың лауреаты;
* Ғалым Жайлыбай - Абай атындағы Мемлекеттік сыйлықтың лауреаты;
* Жанарбек Әшімжан - Қазақстанның еңбек сіңірген қайраткері.

Қасым жыры - қазақ рухының үні. Ақын мұрасын ұлықтап, жыр бәйгесінде топ жарған қаламгерлерге шығармашылық табыс тілейміз!

92

5

«ДҮНИЕГЕ КЕЛЕР ӘЛІ ТАЛАЙ ҚАСЫМ…»

2026 жылғы 9 қазанда Қарағанды қаласында қазақ поэзиясының көрнекті өкілі, дауылпаз ақын Қасым Аманжоловтың туғанына 115 жыл толуына орай «Дүниеге келер әлі талай Қасым…» атты республикалық мүшәйра өтті.

📍 Е.А. Бөкетов атындағы Қарағанды ұлттық зерттеу университетінің Студенттер сарайында ұйымдастырылған жыр додасы – ақынның шығармашылық мұрасын ұлықтауға, ұлттық әдебиетке деген құрметті арттыруға және ақындық өнерді дәріптеуге бағытталды.

Қорытынды бойынша үздік деп танылған қатысушылар арнайы марапаттарға ие болды.

Мүшәйра жүлдегерлері:
🥇 I орын – Мирас Асан;
🥈 II орын – Мәрлен Ғилымхан;
🥉 III орын – Нұржан Қадірәлі.

51

3

«ЖАРЫҚ» жыр жинағы жарық көрді.✨
Нұрасыл Аманжол мен Нұрдәулет Бақытұлының «ЖАРЫҚ» атты шағын жыр жинағы жарық көрді.
Қос ақынның жүрек түкпіріндегі ой-толғамдары мен жырлары топтастырылған бұл кітап оқырманға не ұсынбақ?
Жинаққа көз жүгіртсек, ақындардың жастықтың жалынды үміті мен сезім сырынан бастап, өмірдің мәні мен иірімдеріне дейін қалам тербегенін байқаймыз. Сонымен қатар ұлт, рух, тарих тақырыптарына да үн қосып, өлең өрісін кеңейте түскен.
Қос ақынның қаламы ұштала берсін! «ЖАРЫҚтың» оқырманы көп болғай!

Кітаптың мазмұны мен шығармашылық мақсатына тоқталған Нұрасыл Аманжол алғашқы туындысының жарық көруіне қатысты да өз ойын бөлісті:
«Жарық» – жыр жинағы. Нұрдаулет досым екеуіміздің алғашқы кітабымыз. Оның ішінде жүректен шыққан жырларымыз, көңілге түйген ойларымыз, өмірден алған әсерлеріміз бен сезімдеріміз тоғысты. Бұл кітап – екі ақынның шығармашылық жолындағы алғашқы қадамы, оқырманға ұсынған ішкі әлемінің бір бөлшегі. Әр өлеңнің астарында өзіміз көрген өмір, сезінген сезім, айтылмай қалған сыр бар.

Бұл жинақ “Жас жазушылар мен ақындарды қолдау жөніндегі жобаларды іске асыру” мемлекеттік әлеуметтік тапсырысы аясында, Қарағанды облысының мәдениет, архивтер және құжаттама басқармасының,
Ақын ағамыз Жанат Жаңқашұлының қолдауымен шығып отыр.

Алдымызда әлі талай ізденісті қажет ететін дүние бар.
Бүгінгі күн - ертеңге тарих,ертеңгі күнді білім мен ізденіске арнасақ дейміз.

102

20

Ақындарым

57

3

Бүгін Абай хакімнің туған күні Қарағандыда үлкен айтулы тарихи уақиғаның куәсі болдық. Қаламыздың төрінен Бауыржан Момышұлы атындағы кітапхананың ашылуы, әсіресе сол ауданда тұратын тұрғындарға ерекеше қуаныш болды. Қанша көк тіреген зәулім үйлер салынып жатқанмен, солардың арасында білім мен даналықтың сәулесін шашып тұратын КІТАПХАНАНЫҢ орны бөлек. Салтанатты ашылу рәсіміне келген тұрғындар да қуаныштарын жасыра алған жоқ, әсіресе балалардың рухани дамуына бұл кітапхананың берері мол.
Осындай игілікті істі жүзеге азыруда, қаламыздың рухани дамуына ерекше үлес қосып жатқан қала әкімі Мейрам Қожықовқа, оның орынбасары Ләззат Төкенқызына алғысымызды білдіреміз. Орталықтандырылған кітапханалар жүйесінің тамырына қан жүгірткен, жаңа тынысын ашқан Қадыр Ашкенұлы бастаған кітапханашылардың еңбегіне дән ризамыз.
Қаламыз рухани һәм мәдени даму үстінде, біз қуаныштымыз.
Абай хакім айтқандай “Артық білім кітапта” екенін ұмытпайық.

99

1

⠀⠀⠀⠀
Қарағандыыыы! Бұйырса, 9 тамыз орталық саябақта өзгеше жыр кешін беріп, өлең оқимыз❤️

Жалынды жастық шағымызға куә ерке шаһарды ән мен жырға бөлемекпіз🌸

Өлеңсүйер оқырманды асыға күтеміз😍

597

61

«Айбоз» ұлттық сыйлығының иегері, Қазақстан Жазушылар одағы Қарағанды облыстық филиалының төрағасы Жанат Жаңқашұлы Ақтамберді Сарыұлының 350 жылдығына арналған республикалық мүшәйрада бас жүлде – автокөлік жеңіп алды.

Абай облысы, Аягөз ауданында өткен «Ерлікті, елдікті жырлаған – Ақтамберді» атты жыр додасы даңқты жыраудың батырлық болмысын, елдік мұраты мен рухани мұрасын дәріптеуге арналды. Елдің әр өңірінен жолданған 160 туындының арасынан Жанат Жаңқашұлының «Күбір» атты өлеңі үздік танылып, бас жүлдеге ие болды.

Темір тұлпарды тақымына басқан ақынды жеңісімен құттықтаймыз!

109

15

🏆 «Ерлікті – елдікті жырлаған Ақтамберді» атты республикалық жыр мүшәйрасының Бас жүлдесін Қарағанды облысының ақыны Жанат Жаңқашұлы иеленді.

Барлық жеңімпаздар мен жүлдегерлерді құттықтаймыз! Ақтамберді жыраудың рухани мұрасын ұлықтауға арналған игі бастамалар жалғасып, ұлттық поэзияның мерейі арта берсін!

259

12

Сүйінші хабар!

Аягөз қаласында Ақтамберді Сарыұлының 350 жылдық мерейтойы аясында өткен «Ерлік пен елдікті жырлаған Ақтамберді» республикалық жыр мүшәйрасында ауылдасымыз Жанат Жанқашұлы бас жүлдені жеңіп алып, автокөлік иегері атанды!

Бұл – туған жеріміздің мерейін өсірген, ауылымыздың абыройын асқақтатқан зор жетістік. @zhankashuly Жанат Жанқашұлының айтулы жеңісімен шын жүректен құттықтаймыз!

Шабытыңыз шалқып, шығармашылық жолыңыз әрдайым жемісті болсын! Алар асуларыңыз көбейіп, қазақ поэзиясының биік белестерін бағындыра беруіңізге тілектеспіз!

Құтты болсын! 👏🇰🇿

47

6

✨✍️📚 ЖАНАТ ЖАҢҚАШҰЛЫ - ЖЫР МҮШӘЙРАСЫНЫҢ ЖЕҢІМПАЗЫ!

✨✍️📚 АБАЙ облысы, АЯГӨЗДЕ өтіп жатқан АҚТАМБЕРДІ жыраудың 350 жылдығына арналған республикалық жыр мүшәйрасында жерлесіміз, ақын ЖАНАТ ЖАҢҚАШҰЛЫ топ жарып, 🚘 темір тұлпар иегері атанды.
✨✍️📚 ЖАНАТ ЖАҢҚАШҰЛЫ - ҚАРҚАРАЛЫ ауданы, ҚАСЫМ ауылы, САРЫОБАЛЫДАН шыққан мұзбалақ ақын, республикалық «АЙБОЗ» ұлттық әдеби сыйлығының иегері.
🎊✍️📚 Жерлесіміздің жүлдесі құтты болсын, ағайын!

136

57

Ақтоғай ауданының мәдениет және тілдерді дамыту бөлімінің ұйымдастыруымен «Жарнама – тіл тазалығының көрінісі» атты аудандық байқау өтті.
Байқаудың мақсаты – мемлекеттік тілдің жарнама мен көрнекі ақпараттарда сауатты қолданылуын насихаттау, тіл мәдениетін арттыру және кәсіпкерлік нысандардағы қазақ тілінің қолданыс аясын кеңейту.
Байқау барысында қатысушылар өздерінің өнімдері мен ас мәзірлерін ұсынып, олардың мемлекеттік тіл талаптарына сәйкестігі, сауаттылығы және көркем безендірілуі бойынша бағаланды.
Байқау қорытындысы бойынша:
🥇 І орын – Г. Алданазарова
🥈 ІІ орын – А. Мұқанова
🥉 ІІІ орын – Б. Смақова
Жеңімпаздар дипломдармен және арнайы сыйлықтармен марапатталды.
Барлық қатысушыларға белсенділік танытып, мемлекеттік тілдің мәртебесін арттыруға қосқан үлестері үшін алғыс білдіреміз.
🇰🇿 Тіл тазалығы – ұлт мәдениетінің айнасы.

7

0

❗️ «Сауатты жарнама – сапалы қызмет» әлеуметтік жобасы аясында жұмыс тобының мүшесі Бектас Бақытұлы Университет және Мұқанов көшелерінде орналасқан кәсіпкерлік нысандарын аралап, мониторинг жұмыстарын жүргізді.

63

1