Instagram story viewer> @tanapa_updates> Posts

Tanapa Updates (TANAPA)

@tanapa_updates

98.4K

followers

52

following

The Official Page for Tanzania National Parks (TANAPA) News and Updates.
Corporate Tourism Page @tanzaniaparks
Digital Brand Mascot #swalatina

POSTS STORIES REELS

Shirika la Hifadhi za Taifa Tanzania (TANAPA) limezindua mradi wa umeme katika Hifadhi ya Taifa Mto Ugalla, hatua inayolenga kuchochea maendeleo ya utalii, uhifadhi, uwekezaji na jamii zinazozunguka hifadhi hiyo.

Mradi huo ulizinduliwa jana Novemba 02, 2026 na Kamishna wa Uhifadhi TANAPA, Massana Mwishawa ambapo unatarajiwa kuboresha huduma kwa watalii, mazingira ya kazi kwa watumishi, kufungua fursa za uwekezaji na kuchochea shughuli za kiuchumi kwa wananchi wanaoishi pembezoni mwa hifadhi. by @tanapa_updates

Shirika la Hifadhi za Taifa Tanzania (TANAPA) jana Novemba 02, 2026 limezindua mradi wa umeme katika Hifadhi ya Taifa Mto Ugalla hatua muhimu inayolenga kuboresha na kuimarisha huduma za utalii katika hifadhi hiyo, pamoja na kuchochea fursa za uwekezaji, hatua itakayowezesha kufungua fursa mpya za kiuchumi na kuendeleza uimarishaji wa mazingira wezeshi kwa ukuaji wa shughuli za uhifadhi, utalii na maendeleo ya jamii.

#UzinduziMradiwaUmeme #HifadhiyaTaifaMtoUgalla #tanapaupdates #UhifadhiUtaliinaUwekezaji by @tanapa_updates

DC MONDULI AHIMIZA WANANCHI KUSHIRIKIANA NA TANAPA KATIKA UHIFADHI

Mkuu wa Wilaya ya Monduli, Mhe. Gloriana Julius Kimath, amesema uwezeshaji wa wanawake wa Selela kupitia mizinga ya nyuki utachochea uchumi wa familia na jamii, huku akisisitiza umuhimu wa ushirikiano na TANAPA katika kulinda rasilimali za hifadhi.

“Anayekutendea mema, mlipeni mema kwa kushirikiana naye.”
[02/11, 11:03] Jacob TNP: DC MONDULI AHIMIZA WANANCHI KUSHIRIKIANA NA TANAPA KATIKA UHIFADHI

Mkuu wa Wilaya ya Monduli, Mhe. Gloriana Julius Kimath, amesema uwezeshaji wa wanawake wa Selela kupitia mizinga ya nyuki utachochea uchumi wa familia na jamii, huku akisisitiza umuhimu wa ushirikiano na TANAPA katika kulinda rasilimali za hifadhi.

“Anayekutendea mema, mlipeni mema kwa kushirikiana naye.” by @tanapa_updates

TANAPA YAWEKA HISTORIA UGALLA: MRADI WA UMEME WA SHILINGI MILIONI 380.2 KUCHOCHEA MAENDELEO YA JAMII NA UTALII UGALLA

Shirika la Hifadhi za Taifa Tanzania (TANAPA) leo Novemba 02, 2026 limezindua mradi wa umeme katika Hifadhi ya Taifa Mto Ugalla uliogharimu kiasi cha shilingi milioni 380.2 za kitanzania, mradi utakaochochea maendeleo ya utalii, uhifadhi, uwekezaji pamoja na maendeleo kwa jamii zinazozunguka hifadhi hiyo.

Mradi huo umezinduliwa na Kamishna wa Uhifadhi TANAPA Massana Mwishawa ambapo alibainisha kuwa, mradi huo wa umeme unatarajiwa kuwa chachu ya maendeleo kwa wananchi wa kijiji cha Uyumbu kinachopakana na hifadhi, sambamba na kuboresha utoaji wa huduma kwa watalii na kuboresha maisha ya watumishi kwa kupata nishati ya umeme.

Akizungumza katika Uzinduzi huo Kamishna Mwishawa alisema "mradi huu umelenga kuchochea shughuli za utalii na kuwavutia wawekezaji kuwekeza hifadhini kwa kuwasogezea na kuwarahisishia upatikanaji wa nishati ya umeme pamoja na kuwa chachu ya jamii kuanzisha shughuli mbalimbali za uzalishaji zinazotokana na matumizi ya umeme na kujitengenezenea kipato".

Aidha, Mkuu wa Kanda ya Magharibi TANAPA, Kamishna Msaidizi Mwandamizi wa Uhifadhi Godwell Meng’ataki alisisitiza upatikanaji wa umeme unatarajia kufungua fursa mpya za kiuchumi kwa wananchi pamoja na kuchochea shughuli za maendeleo.

Naye, Mkuu wa Hifadhi ya Taifa Mto Ugalla, Kamishna Msaidizi wa Uhifadhi Moronda Moronda ametoa shukrani kwa TANAPA kwa kufadhili na kutekeleza mradi wa kimkakati wa usambazaji wa umeme wenye thamani ya Shilingi milioni 380.2.

Mradi huo umehusisha uwekaji wa nguzo 96 za zege pamoja na transfoma moja yenye uwezo wa KVA 100 zitakazowezesha upatikanaji wa umeme na kuimarisha mifumo ya uendeshaji na ufanisi wa shughuli mbalimbali na ndani ya hifadhi.

TANAPA inaendelea kutekeleza dhamira yake ya kuunganisha uhifadhi na maendeleo ya jamii kwa kuwekeza katika miradi ya kimkakati yenye manufaa ya muda mrefu. by @tanapa_updates

*TANAPA YANG’ARA KATIKA TUZO ZA UHIFADHI AFRIKA MASHARIKI 2026! 🏆🔥*

Shirika la Hifadhi za Taifa Tanzania (TANAPA) limeendelea kung’ara katika sekta ya Uhifadhi kwa kutwaa tuzo mbili katika hafla ya utoaji wa Tuzo za Ubora wa Uhifadhi Afrika Mashariki (East Africa Conservation Excellence Awards – EACEA), iliyofanyika tarehe 31 Oktoba 2026 katika Hoteli ya Serena, Dar es Salaam.

TANAPA imetunukiwa tuzo ya “Outstanding National Parks Conservation Company of the Year 2026”, huku Hifadhi ya Taifa Ruaha ikitunukiwa tuzo ya “Excellence in Wildlife Conservation and Protected Area Management – National Park of the Year 2026”.

Tuzo hizi zinaakisi dhamira ya TANAPA katika kusimamia Hifadhi za Taifa, kuendeleza Uhifadhi wa Maliasili na kukuza Utalii endelevu.

#TANAPA #RuahaNationalPark #EACEA2026 #Conservation #TanzaniaUnforgettable by @tanapa_updates

TANAPA WINS TWO EAST AFRICA REGIONAL AWARDS FOR OUTSTANDING CONSERVATION WORK

Tanzania National Parks (TANAPA) has won two prestigious honours at the East Africa Conservation Excellence Awards 2026, recognising its outstanding contribution to wildlife protection, biodiversity conservation and environmental sustainability.

TANAPA received the Outstanding National Parks Conservation Company of the Year Award, while Ruaha National Park won the Excellence in Wildlife Conservation and Protected Area Management – National Park Award 2026. The awards were presented at Serena Hotel, Dar es Salaam, on Saturday, October 31, 2026.

The Guest of Honour, Mohamed R. Ally, Director of Business Support Services, representing Dr. Andrew M. Komba, CEO of the National Food Reserve Agency (NFRA), commended TANAPA for its conservation leadership and efforts to protect endangered species and biodiversity despite growing challenges.

He also highlighted Ruaha National Park’s contribution to food security through the protection of vital water sources that support irrigation, rainfall and agricultural production.

Receiving the awards on behalf of TANAPA Conservation Commissioner Massana Mwishawa, Ruaha National Park Commanding Officer, Assistant Conservation Commissioner Emmanuel Moirana, said the recognition would motivate TANAPA to strengthen conservation efforts and ensure natural resources continue contributing to economic growth, environmental sustainability and food security.

Tanzania has 21 National Parks, including world-renowned destinations such as Serengeti, Nyerere, Ruaha, Tarangire and Mount Kilimanjaro. These protected areas conserve vital ecosystems, protect wildlife and contribute to tourism, employment, investment and the national economy.

The awards followed an evaluation by the East Africa Conservation Excellence Awards Committee, recognising organisations advancing conservation, biodiversity protection, climate action and sustainable development. They also celebrate the dedication of TANAPA staff, government institutions, local communities and development partners in safeguarding Tanzania’s natural heritage for present and future generations. by @tanapa_updates

TANAPA yatoa semina kutu kwa maafisa usafirishaji (Tax driver - JNIA) kuhusu nafasi yao katika kuitangaza Tanzania kimataifa, kutoa taarifa sahihi za vivutio vya utalii na kuwahudumia wageni kwa ukarimu wa Kitanzania.

#tanapaupdates #tourismawareness #tanzaniadrivers #tanzaniaparks #customercare by @tanapa_updates

TANAPA YABAINISHA: KILA MTALII ANAYEWASILI JNIA NI FURSA YA KUITANGAZA TANZANIA KIMATAIFA

Shirika la Hifadhi za Taifa Tanzania (TANAPA) limebainisha kuwa kila mtalii anayewasili katika Uwanja wa Ndege wa Kimataifa wa Julius Nyerere (JNIA), jijini Dar es Salaam, ni fursa muhimu ya kuitangaza Tanzania kimataifa. Madereva wa magari ya abiria na watalii wametajwa kuwa mabalozi wa pili wa nchi kwa wageni wanaoingia nchini, kupitia mapokezi, nidhamu, uaminifu na ubora wa huduma wanazowapatia.

Akizungumza Oktoba 30, 2026, katika semina iliyofanyika Terminal 3 JNIA, Kamishna Msaidizi wa Uhifadhi Fredrick Malisa, kwa niaba ya Kamishna wa Uhifadhi wa TANAPA, alisema madereva wana nafasi muhimu ya kutoa taarifa sahihi kuhusu vivutio vya utalii, kuwashauri wageni maeneo ya kutembelea na kujenga taswira chanya ya Tanzania. Aliwahimiza kuzingatia ukarimu, heshima na kujifunza kuhusu utajiri wa vivutio vya asili, utamaduni na historia ya nchi.

Naye, Kamishna Msaidizi wa Uhifadhi na Mkuu wa Ofisi Kiunganishi ya TANAPA Dar es Salaam, Neema Mollel, alisema uhifadhi na utalii vinategemeana, huku utalii endelevu ukitegemea uhifadhi wa wanyamapori, misitu, mito na mazingira. Aliongeza kuwa utalii ni chanzo cha ajira, mapato na fursa za biashara, hivyo huduma bora kwa watalii huchochea kurejea kwa wageni na kuitangaza Tanzania kwa wengine.

Kwa upande wake, Kamishna Msaidizi wa Polisi Joseph Mwakabonga, Mkuu wa Operesheni Makao Makuu ya Trafiki Tanzania, aliwataka madereva kuzingatia sheria na kanuni za usalama barabarani, ikiwemo kuepuka matumizi ya simu wanapoendesha magari ili kulinda maisha ya watalii na watumiaji wengine wa barabara.

Katibu wa Maafisa Usafirishaji Terminal 2 JNIA, Patrick Mwaulambo, alishukuru kwa semina hiyo na kuahidi kuwa sehemu ya kulinda rasilimali za Taifa, kutoa taarifa sahihi kuhusu uhifadhi, vivutio vya utalii na fursa za uwekezaji, pamoja na kuwaelimisha watalii kuthamini urithi wa asili wa Tanzania.

Semina hiyo ilihusisha pia wadau kutoka Jeshi la Polisi Kitengo cha Usalama Barabarani, Bodi ya Utalii Tanzania (TTB), Makumbusho ya Taifa, Chuo cha Utalii Tanzania, watoa huduma wa JNIA na Kampuni ya Utalii ya Mtembezi. by @tanapa_updates

Kamishna wa Uhifadhi, Shirika la Hifadhi za Taifa Tanzania (TANAPA), Massana Gibril Mwishawa, ameshiriki kampeni ya kitaifa ya “Vote Now” inayohamasisha Watanzania kupigia kura Nchi ya Tanzania na vivutio vya utalii vya Tanzania vinavyowania Tuzo za Utalii Duniani (World Travel Awards) 2026.

Vivutio vinavyowania tuzo hizo ni:

*Tanzania* - World’s Leading Tourist Destination 2026.

*Serengeti National Park*- World’s Leading National Park 2026.

*Mount Kilimanjaro* – World’s Leading Tourist Attraction 2026

*Kitulo National Park* – World’s Leading Honeymoon Destination 2026

Unaweza kupiga kura kupitia tovuti ya World Travel Awards www.worldtravelawards.com/vote au kupitia TANAPA Go App kwenye kipengele cha promotions.

Tuungane kupigia kura vivutio vyetu, tuitangaze Tanzania Duniani!! 🇹🇿

#WorldTravelAwards2026 #TanapaGoApp
#Serengeti #MountKilimanjaro #Kitulo Tourism TANAPA by @tanapa_updates

Naibu Katibu Mkuu wa Wizara ya Maliasili na Utalii, Bw. Nkoba Mabula, ameielekeza Menejimenti ya Hifadhi ya Taifa Serengeti kufanya maandalizi ya kukabiliana na mvua za El Niño, ikiwemo kuongeza alama za tahadhari, kufufua mitambo kama greda, kuongezea nguvu timu ya uokoaji, pamoja na kuimarisha utayari wa kikosi cha Zimamoto, ndege, magari ya wagonjwa, ndege nyuki (drones) kwa ajili ya doria na huduma za dharura.

Aliyasema hayo katika ziara ya kikazi ya siku mbili, jana Oktoba 28 na leo Oktoba 29, 2026, katika Hifadhi ya Taifa ya Serengeti kwa lengo la kukagua miundombinu ya utalii, mifumo ya kiikolojia na usalama wa wageni.
Katika ziara hiyo, Bw. Mabula alikagua barabara, mabwawa, madaraja, zahanati, mifumo na vifaa vya mawasiliano ya dharura (control room) na uokozi.

Akihitimisha ziara hiyo, Bw. Mabula aliipongeza Menejimenti ya Hifadhi kwa juhudi zinazoendelea za kuhifadhi wanyamapori na matumizi ya teknolojia za kisasa katika kukabiliana na ujangili. Aidha, alisisitiza umuhimu wa kuimarisha usalama na utayari wa miundombinu, hususan katika kipindi cha msimu wa mvua, huku akiwataka watumishi wa hifadhi na waongoza watalii kuendelea kutoa huduma bora kwa wageni. by @tanapa_updates

TANAPA yawezesha jamii za Chemchem na Selela kwa mizinga 200 ya nyuki, kuongeza kipato cha wananchi na kupunguza utegemezi wa rasilimali za Hifadhi ya Taifa Ziwa Manyara. by @tanapa_updates

Shirika la Hifadhi za Taifa nchini TANAPA kwa kushirikiana na wadau wa Maendeleo na taasisi za uhifadhi wa mazingira wameadhimisha kumbukizi ya miaka 27 ya kifo cha Baba wa Taifa Hayati Julius Kambarage Nyerere kwa kufanya matukio anuwai ikiwemo kupanda miti ya kumbukumbu kwenye taasisi za umma ikiwemo shule na maeneo mengine tukio lililofanyika chini ya Nyumba ya Kumbukizi ya Mwalimu Nyerere iliyopo Magomeni jijini Dar es Salaam, jana Oktoba 27, 2026.

Akiongoza zoezi hilo mtoto wa Baba wa Taifa na Mkuu wa Mkoa wa Rukwa Mhe. Makongoro Nyerere alisema, “Taifa litamkumbuka Mwalimu Nyerere kwa uzalendo wake na moyo usio na mawaa aliokuwa nao katika kulitumikia Taifa sambamba na kupanda mbegu ya mshikamano ambayo imeendelea kuwa nguzo ya umoja na amani tunayoifurahia leo.”

Mhe. Makongoro aliwataka vijana wa Kitanzania kuwa wazalendo katika masuala muhimu na yenye maslahi kwa Taifa pia, aliwasisitiza kumuenzi Mwl. Nyerere kwa kutilia mkazo masuala ya uhifadhi wa mazingira kwenye maeneo yaliyohifadhiwa na yenye vyanzo vya maji na kupanda miti kwenye makazi yao kwa ajili ya vivuli na matunda.

Akizungumza kwa niaba ya Kamishna wa Uhifadhi - TANAPA, Kamishna Msaidizi wa Uhifadhi na Mkuu wa Hifadhi ya Taifa Ruaha Emmanuel Moirana alisema TANAPA wataendelea kuenzi mchango wa Hayati Baba wa Taifa Mwl. Julius Kambarage Nyerere kama mwanzilishi wa Shirika la Hifadhi za Taifa Tanzania (TANAPA) na maono yake ndio yamekuwa dira ya uhifadhi endelevu ambao matunda yake tunayashuhudia katika utalii na ongezeko la watalii nchini.

Sambamba na hilo, Kamishina Moirana aliongeza kuwa mambo mengine atayokumbukwa nayo ni pamoja na kusisitiza amani, uzalendo, mshakamano na kuwaunganisha watanzania bila kujali tofauti zao huku akiwakumbusha kuwa rasilimali za Taifa zinajukumu la kuwanufaisha watanzania wote. by @tanapa_updates