Instagram story viewer> @wingstofuture_> Posts

Chan Tsz ⭐️😎💚

@wingstofuture_

462

followers

2624

following

Wing | 運動 × 成長 × 健康

POSTS STORIES REELS TAGGED

The 40s Glow Club，正式開成立啦。🤍

呢個 Club，係我同幾個朋友一齊建立嘅。
我哋想做一件自己真心想做嘅事：建立一個屬於 40+ 女性嘅社群，讓大家有機會聚埋一齊，試新嘢、識新朋友，亦好好照顧自己。

去到 40+，我哋都經歷咗唔少。工作、家庭、生活入面有好多責任，忙住照顧身邊嘅人，有時會唔記得自己都需要休息。但我哋相信，40+ 唔係人生下半場，係另一個新開始。

我哋仍然可以學新嘢、發掘興趣、認識新朋友；有時一齊做啲有意義嘅事，有時純粹放鬆、傾下偈，留啲時間照顧身心。唔使每次相聚都要有咩成就，享受當下都已經好值得。

第一場活動，我哋由《頌鉢療癒之夜》開始。多謝每一位抽時間嚟嘅朋友，同我哋一齊暫時放低日常嘅忙碌，感受聲音，畀自己一個慢落嚟嘅晚上。因為你哋，我同朋友最初嘅想法，變成咗一次真正嘅相聚。

而呢場只係開始。之後我哋希望慢慢帶嚟更多唔同主題嘅活動：有照顧身心嘅、有學習新事物嘅，亦有創作、慈善同生活興趣嘅工作坊。可以一齊試唔同嘅嘢，有時認真學，有時純粹見下面、玩下、笑下。

希望 The 40s Glow Club 慢慢變成一個讓大家放鬆、學新嘢、認識朋友，同互相支持嘅地方。

如果你都覺得「其實我仲有好多嘢想試」，歡迎加入我哋。

**Follow @the40s.glowclub
留意下一場活動消息。亦可以將呢個 post 分享畀一個你想一齊嚟嘅朋友。✨

#the40sglowclub #頌鉢療癒 by @wingstofuture_

17

1

10 days ago

很多人問我：點解你會開始創業？

其實答案很簡單：因為我發現努力同回報早就唔成正比。當所謂嘅「穩定」變得脆弱，我哋唯一能做嘅，就係提升自己嘅價值。

「創業唔一定要辭職搏命，更唔洗傾家蕩產。」
對我嚟講，利用業餘時間去成長，唔係幫公司賺錢，而係幫自己增值。
當你發現自己有能力創造收入，你會發現呢種主導權唔係邊個畀你，而係你一邊返工、一邊進化，親手幫自己「加人工」💰。
比起等老闆每年加嗰幾百蚊，自己掌握主權嘅感覺踏實得多。

喺呢度，我學到嘅唔止係一份專業，更係搵返對生活嗰種「久違嘅熱情」。

以前係為咗生存而追趕，而家係為咗目標而跑🏃‍♂️
最令我開心嘅成長，係我終於唔洗再睇人面色去定義自己。
我有目標、有夥伴、有清晰嘅藍圖。
呢種積極唔係格硬迫出嚟，而係當你發現自己每日都比琴日強大少少、離理想生活近少少，嗰種發自內心嘅喜悅。

「真正嘅穩定，係無論世界點變，你都有能力去揀你想過嘅生活。」

唔好等到公司要重組、要裁員嘅時候，先發現自己無得揀。
真正嘅自由，係就算聽日環境變咗，你依然有能力、有目標咁過得好好。

如果你都想搵返嗰種「知道自己為咩而努力」嘅狀態，我喺 DM 等你。📩

一齊打破日復一日嘅循環，由生存變做生活。
你想一齊攞返人生嘅選擇權嗎？

想攞返人生主導權？其實機會一直喺度，只係睇你肯唔肯伸手捉住。✨ by @wingstofuture_

37

0

8 months ago

隨着#女人要有四千萬 Project 2.0 相展圓滿結束，想分享呢段旅程嘅感受。

當初以「過來人」的身份加入committee, 能讓參加者明白：這個計劃不只關於身體健康，更是心與整個人由內而外的改變。

從四月簡介會開始，九十天，陪伴五十多人前行。時間飛快，卻是我成長最深刻、最密集的時期。我曾經害怕面對人群說話，甚至曾在台上講到一半，突然「hang 機」，眼前一朦。那次失誤讓我自責，但學懂了：要跨過去，唯一的方法就直接面對恐懼。

感謝這段經歷，也感謝一直相信和支持我的夥伴。當中所有挑戰與情緒，讓我體悟到要跨越的不只是計劃，更是人生中不斷的變化。
沒有這個起點，就不會有現在的我，也未必能應付之後的種種事情。

人生沒有「失敗」，所有都是必經之路。不需要完美才等到成功才能開始—只要願意行出去，路自然會清晰。

這一切，從來不是一人能完成。真正成就事情的，永遠是一群人的互相扶持合作。

很多感謝放在心，習慣用行動表達。
面對面講怕肉麻，但有些話不說，或許不會知道
請容許我好好說聲感謝

好感謝Alina @alinaln_ 一直以來的教導同俾呢個機會，妳讓我感受到，用心，是會被看見的，即使不必時時說出口。

好感謝Cody @codybabe ，總在不經意間的關心，用滿滿的情緒支持著我，真的很warm很sweet。

多謝團隊 @dreammakher_ 同committee的每一位，彼此補位，完成所有大小事。
特別係幾位「同生共死」嘅戰友（你哋明嘅！）。
感恩遇上呢個平台同你哋。

亦一定要感謝Shinnie @shinning_shinnie 明明有時好無聊嘅事都係可以係金句。一個用心付出的人，同頻的人自然會感受到。

千萬要工作💪🏼
千萬要獨立🤟
千萬了自信😎
千萬要自愛💚
✨The beginning is always today! ✨ by @wingstofuture_

62

1

a year ago

今朝一早，完成咗一星期其中一課。
醒個神，好心情。

最近渣馬10K第二年抽唔中，
尋日搶台北HYROX，又搶唔到。

有朋友提醒我，未到最後，都仲有機會。
Ok! 反正都係操梗，無變，隨時ready

不過個人嬲嬲地，報咗另一樣本來冇諗住會做嘅嘢。

睇嚟我處理失望嘅方法，係幫自己加一個新挑戰。

再諗返呢兩年，好多做完再回望、自己覺得滿意又開心嘅事，都係未完全Ready就先開始。
先決定，再一路準備、一路搵方法。

睇嚟，我幾適合「報咗名先」呢個模式。
至於報咗咩，之後再講。

今朝照常練，接住落嚟就為新目標準備。
妖！報咗就會做。

Intervals keep 6:00 pacing 💪🏼
#strava by @wingstofuture_

13

0

11 hours ago

有人俾錢入鬼屋，享受被嚇嘅刺激。
我就係嚟練到攰，享受進步嗰份滿足。
所以每個星期，我都等緊呢一日。

有人俾錢入鬼屋，享受被嚇嘅刺激。
我俾錢嚟練到攰，享受進步嗰份滿足。
所以每個星期，我都等緊呢一日。

記得第一次參加，其實純粹想試吓，同埋陪朋友。
點知試過一次，就開始期待下一次。

由「不如試吓」，變成每星期都想再挑戰自己。
有時做到，有時仆低——偶爾都要同地下打個招呼

進步空間仲有好多，反而更想試吓自己可以去到邊。
唔係突然變勁，係每一堂都盡力練。
做得未夠好嘅，下次再嚟。

有時進步只係一個動作順咗、節奏穩咗，已經好有滿足感。
嗰種「原來我又做好咗少少」嘅興奮，真係會令人想繼續練落去。

辛苦係真嘅，但爽亦都係真嘅。
因為真係鍾意，先會甘願朝早七點，走去流汗出力。

人哋睇到嘅可能係辛苦，我感受到嘅係挑戰、進步，同埋完成之後嗰份滿足。
所以對我嚟講，值得。

多謝一齊繼續癲嘅Partner，互相鞭策，亦互相打氣。
亦多謝朝早七點陪我哋一齊癲嘅教練

下次再嚟，睇吓又可以突破啲咩。

你有冇一件事，人哋覺得你癲，但你自己覺得好值得？講嚟一齊興奮吓。 by @wingstofuture_

9

0

4 days ago

本來只係影低上堂嘅OOTD，
睇睇吓先發現——原來我已經讀咗一年營養學。

衫換咗唔少套，書竟然仲想讀落去。
呢樣先係我最估唔到嘅事。

呢兩年，令我自己最意外嘅轉變，
係以前最憎讀書嘅我，而家竟然會主動想學習。

唔係讀完一個Level就算，
反而愈學愈想了解，完成咗，仲想繼續讀上去。

由開始做運動、認真對待健康，
到想知道多啲，明白自己點樣作選擇，
原來一樣真正在乎嘅事，真係可以慢慢改變一個人。

回望呢一年，
呢啲相唔只記低我著過咩，
亦記低咗我一次又一次返去上堂嘅日子。

嗰時開始，冇諗過自己會讀到今日，
更加冇諗過，會變成一個仲想繼續學嘅人。

有時真係唔需要一開始就諗清楚所有嘢。
知道自己想行嘅方向，就先踏出一步。

行住行住，可能會遇到意料之外嘅人同事，
亦可能遇見一個，連自己都估唔到嘅自己。

嚟緊呢一年，書繼續讀，
營養堂嘅OOTD繼續儲。
一年後再回望，睇吓自己又有咩估唔到嘅轉變

你有冇試過，開始咗一件事，
回望先發現——
自己竟然變咗咁多😮？ by @wingstofuture_

18

0

6 days ago

離奇地發生我的第一次…一定要記錄🤪
人生第一次參加公開跑步Event
人生第一次10 K (一心以為練習)

一朝早沿路有點疑惑同不解
然後愕然..搞笑..冇心理準備

就咁我完成咗人生第一次10K
(係一個慢跑練習心態完成了)

成單嘢實在太搞笑
應該話我嘅人生, 生活入面成日都充滿搞笑同幸運
人生有好多嘢，真係唔需要要ready好！
真係Cls🤣

唔方便喺呢度解釋咁多
想知道詳情嘅DM我😅😂

只能説係愛囉！冇懸念地出現就是了！ by @wingstofuture_

17

2

12 days ago

有時跑步 , 唔係為咗跑得幾快 , ⽽係提醒⾃⼰ — 就算攰 , 都仲可以再⾏前⼀步｡

｢ # 女⼈要有四千萬｣團隊今次會⼀齊參加 U N I C E F 慈善跑 H E R O R U N ⼀超能跑｡

我哋希望⽤每⼀步 , ⽀持兒童健康､營養､潔淨食⽔同教育 , 為孩⼦跑出更多希望 💚

如果你都想同我哋⼀齊做善事 , 唔使擔⼼⾃⼰⼀個練｡

我哋會喺 1 2 有同⾏嘅好友 , ⽉份逢星期三晚上練習 , ⼀齊跑､⼀齊打氣､⼀齊慢慢進步 ✨

有同⾏嘅好友，條路就會⾏得更遠｡
想加入 ? 留⾔或者 D M 我哋

#unicefhongkong #herorun #foreverychild #powerun by @wingstofuture_

5

0

14 days ago

日本🇯🇵training trip 前東京一跑
好彩個日好天☀️🕶️
後續再講

#国立競技場
#strava taken in 国立競技場 (National Stadium) by @wingstofuture_

14

0

18 days ago

兩年一度嘅全球年會，今次喺日本舉行。

當初報名嗰陣，其實連自己最後去唔去到都未知。

但既然真係想去學習，就同自己講：
唔好諗咁多，報咗名先。

有時未必需要等所有事情都安排好，先至行第一步。當你認真作咗一個決定，方法先會慢慢出現。

最後，我真係嚟到日本，第一次參加全球年會。

三日由朝到晚嘅分享，Training，公司邀請咗重量級分享者同嘉賓，團隊亦邀請咗來自唔同國家嘅成功分享者。

有啲分享，再次打開咗我嘅格局同思維；
有啲故事，真係令我感動到忍唔住喊。

最觸動我嘅，唔係台上嘅光環，而係每一個人行到今日之前，都經歷過一段外人未必睇得到嘅努力。

亦再次提醒我：

努力唔係一味死衝。

除咗願意付出，亦要搵到適合自己嘅方向同環境；仲要相信自己，願意一步一步，將想做嘅事做出嚟。

持續學習同成長當然重要，但學習唔可以只停留喺「輸入」。

學到嘅，要願意實踐、分享同輸出，再喺過程入面慢慢調整，先會真正變成自己嘅成長。

而今次最感恩嘅，係身處一個全面Support大家嘅Team，同一班同樣想進步、想成為更好嘅自己嘅人一齊同行。

如果要講呢個環境帶俾我最大嘅轉變，唔係一個外在結果。

而係以前從來冇諗過自己會主動學習嘅我，而家竟然會想學多啲、做得更好，亦開始期待自己下一次可以行得更遠。

今次可以成行，中間亦發生咗幾件連我自己都覺得幾不可思議、幾幸運嘅事。

可能有時，當你真係想行去一個地方，先踏出一步，方法就會一步一步出現。

年會完咗，
但聽過、學過，只係開始。

真正重要嘅，係返嚟之後點樣做出嚟。

呢三日仲有幾個令我印象好深、甚至感動到喊嘅故事，之後再慢慢分享。 taken in 横浜アリーナ (Yokohama Arena) by @wingstofuture_

24

0

22 days ago

其實我幾鍾意太陽花。

佢代表快樂、希望，
同埋向住陽光嘅力量。

見到一大片太陽花，
心入面好似都跟住有咗陽光。

聽講，佢哋生長嗰陣，
會跟住陽光轉動。

我覺得人都一樣，
總會想向住有光嘅方向行。

唔需要每一步都好急，
亦唔需要即刻見到成果。

只要仲向住目標行緊，
就已經係前進。

沿途遇到令自己開心嘅事，
都可以成為繼續行落去嘅力量。

最近有冇一件小事，
令你個心暖咗起嚟？

Save低呢條，留住呢份暖；
亦都Share出去，將呢份暖傳開。

希望呢一片太陽花🌻
都可以為你帶嚟一份開心☺️

@shunsumyuen by @wingstofuture_

23

0

a month ago

本來只係去睇小明。

今年佢做咗 Pink Dot 大使之一，
所以我第一次去咗呢個活動。

現場有音樂、有遊戲，
大家著到一身粉紅，玩得好開心。

令我停喺度睇嘅
係入面有個「一路彩虹」展覽。

我見到一本 1975 年嘅同志刊物
一開始只係覺得：嘩，咁多年前已經行得咁前
再睇落去先知，
原來當時香港嘅同性戀仍然係刑事罪行，
要到 1991 年先至非刑事化，結束長達126年的刑事犯罪歷史。

喺一個連網絡都未有嘅年代，
已經有人出刊物、寫故事、分享資訊。
而且當時啲刊物，
尺度比我想像中大膽得多。
除咗講同志生活同議題，
仲有徵友欄，等大家可以搵到同路人。

之後，2004 年有香港首次同志遊行；
2006 年，連主流電台都有《自己人》呢個多元性向節目。

睇返呢啲先會覺得，
有啲改變唔係突然出現，
而係一直有人喺有限嘅空間入面，
慢慢講、慢慢做、慢慢爭取返嚟。

而今年，Pink Dot 因未能如常喺戶外舉行，
改咗用室內活動同線上音樂會。

有一句講得好好
所以呢啲歷史提醒我哋：
無論風光嘅時候，
無論勢孤力薄嘅時候，
都要堅持。

方式一路喺到變，
但改變仍然由人與人之間開始。

但由當年行到今日，
香港喺同性議題上，
究竟係向前咗，定係退後咗？

歡迎留言，我都真係好想知其他人係點諗

感謝 @charmaine_fong_fans_club 💚 @charmainefong
感謝pinkdothk 的堅持同咁好的活動安排 @pinkdothk

#pinkdothk #lgbt #loveallways #多元共融 by @wingstofuture_

21

0

a month ago