Instagram story viewer> @zainabkatimba> Posts

Zainab Athman Katimba

@zainabkatimba

56.3K

followers

1797

following

⚖️ Deputy Minister |Constitutional & Legal Affairs
🏛️ MP | Kigoma
Leadership • Youth • Women • Opportunities
Empowerment •Inspiring greatness

POSTS STORIES REELS

UJENZI WA MAHAKAMA YA WILAYA MALINYI KUANZA JUNI 2027

Bungeni, Dodoma.

Serikali imesema ujenzi wa Mahakama ya Wilaya ya Malinyi mkoani Morogoro unatarajiwa kuanza ifikapo Juni 2027, huku huduma za mahakama wilayani humo kwa sasa zikiendelea kutolewa katika majengo ya kupanga.

Hayo yamesemwa Bungeni jijini Dodoma na Naibu Waziri wa Katiba na Sheria, Mhe. Zainab Athuman Katimba, akijibu swali la Mbunge wa Malinyi, Mhe. Dkt. Mecktridis Mdaku aliyetaka kujua lini Serikali itajenga mahakama hiyo ili kurahisisha upatikanaji wa haki kwa wananchi.

Mhe. Katimba amesema Serikali kwa kushirikiana na Mahakama ya Tanzania inaendelea kutekeleza mpango wa ujenzi na ukarabati wa majengo ya mahakama, na kwamba Malinyi ni miongoni mwa wilaya chache zinazotumia majengo ya kupanga kutoa huduma hizo.

Katika swali la nyongeza lililoulizwa kwa niaba ya Mhe. Mdaku na Mhe. Timida Fyandomo, mbunge huyo alihoji lini Serikali itakarabati Mahakama ya Kiwira wilayani Rungwe, iliyoharibika tangu mwaka jana na kuwalazimu wananchi wa Kata za Isongole, Ndanto, Kimo na Kiwira kufuata huduma mjini Tukuyu.

Akijibu, Mhe. Katimba amesema Mahakama inatekeleza mpango wake wa pili wa ujenzi na ukarabati kwa kupita maeneo mbalimbali nchini, kujenga pale ambapo hakuna majengo na kukarabati yaliyochakaa. Amesema katika kipindi cha miaka mitano ya utekelezaji wa mpango huo, Mahakama imetumia zaidi ya shilingi bilioni 524.

“Lengo la Mahakama ni kuhakikisha inafika katika maeneo mengine mengi zaidi ya nchi ili Tanzania nzima iwe na miundombinu mizuri ya kimahakama, ikiwemo eneo hili la Kiwira,” alisema. by @zainabkatimba

VIDEO HIGHLIGHTS: DKT. MWIGULU ALIVYOWASILI KIGOMA NA KUONGOZA KIKAO CHA CCM MKOA

Waziri Mkuu na Mjumbe wa Kamati Kuu ya Halmashauri Kuu ya Taifa ya Chama Cha Mapinduzi (CCM), Dkt. Mwigulu Nchemba, amewasili mkoani Kigoma na kuongoza kikao cha Halmashauri Kuu ya CCM Mkoa leo, Jumatatu, Novemba 2, 2026.

Dkt. Mwigulu, ambaye pia ni Mlezi wa CCM Mkoa wa Kigoma, ameongoza kikao hicho katika Ofisi ya CCM Mkoa wa Kigoma. by @zainabkatimba

Leo tumempokea mlezi wetu wa CCM Mkoa wa Kigoma, Mheshimiwa Waziri Mkuu @mwigulunchemba, ambaye tumeungana naye katika kikao cha Halmashauri Kuu ya CCM Mkoa wa Kigoma. by @zainabkatimba

RAIS SAMIA AZINDUA OFISI NA BARABARA ZA LAMI MTUMBA, ASISITIZA UFANISI NA UWAJIBIKAJI SERIKALINI.

DODOMA

Rais wa Jamhuri ya Muungano wa Tanzania, Mhe. Dkt. Samia Suluhu Hassan, amewataka watumishi wa umma kuhakikisha uwekezaji wa Serikali katika ofisi na miundombinu ya kazi unaongeza ufanisi na kuboresha huduma kwa wananchi.

Rais Samia ameyasema hayo leo Oktoba 30, 2026, wakati wa hafla ya uzinduzi wa Majengo ya Ofisi za Wizara na Taasisi za Serikali, pamoja na Barabara za Lami katika Mji wa Serikali Mtumba, mkoani Dodoma, akiwa ameambatana na mgeni wake, Rais wa Jamhuri ya Angola, Mhe. João Manuel Gonçalves Lourenço, aliyehitimisha ziara yake ya kitaifa nchini leo.

Miongoni mwa viongozi walioshiriki uzinduzi huo ni Waziri wa Katiba na Sheria, Mhe. Abdallah Hamis Ulega (Mb.), na Naibu Waziri wa Katiba na Sheria, Mhe. Zainab Athuman Katimba (Mb.), pamoja na viongozi wengine wa Serikali.

Rais Samia aliwataka watumishi wa umma kuzingatia sheria na taratibu katika utekelezaji wa majukumu yao, akisisitiza kuwa mazingira bora ya kazi yanapaswa kuendana na uwajibikaji na huduma bora.

Rais Samia amewashukuru waasisi, Marais waliomtangulia, watumishi wa Serikali na sekta binafsi kwa mchango wao katika ujenzi wa Mji wa Serikali Mtumba. Kipekee, alitambua mchango wa Hayati Dkt. John Pombe Magufuli, kwa kuanza kutekeleza kwa vitendo maono ya Baba wa Taifa, Mwalimu Julius Kambarage Nyerere, ya kuhamishia shughuli za Serikali mkoani Dodoma.

Kwa upande wake, Rais wa Jamhuri ya Angola, Mhe. João Manuel Gonçalves Lourenço amesema urafiki kati ya Angola na Tanzania unapaswa kuzaa fursa za biashara, ajira na uwekezaji kwa wananchi. by @zainabkatimba

WAZIRI ULEGA ATOA WITO WANANCHI KUJITOKEZA KUPATA MSAADA WA KISHERIA PWANI

Pwani,

Waziri wa Katiba na Sheria, Mhe. Abdallah Hamis Ulega (Mb.), amesema Kampeni ya Msaada wa Kisheria ya Mama Samia, maarufu Mama Samia Legal Aid, ni daraja na ukombozi kwa wananchi wanyonge wasiojua wapi pa kwenda wala hatua za kuchukua, na wanaodhani sheria ipo kwa ajili ya wenye kipato kikubwa pekee.

Akizungumza wakati wa ufunguzi wa utekelezaji wa kampeni hiyo mkoani Pwani, alisema imekuwa sauti ya wanyonge na msaada kwa makundi maalum, wakiwemo akina mama wajane, yatima na watu wenye ulemavu. Alimpongeza Rais Dkt. Samia Suluhu Hassan kwa maono hayo, pamoja na wataalamu wa Wizara wanaosimamia kampeni, wakiongozwa na Katibu Mkuu, Dkt. Seif Abdallah Shekalaghe.

Waziri Ulega aliwataka wananchi kuwahamasisha wenzao wenye uhitaji katika kipindi cha siku kumi za kampeni, akitoa mifano ya mjane au yatima anayedhulumiwa, na kijana mfanyabiashara anayeingia mikataba ya kifedha isiyo na mwelekeo wa kisheria. by @zainabkatimba

KATIMBA AFUNGUKA MIRATHI YA WATOTO WALIOZALIWA NJE YA NDOA

NAIBU Waziri wa Katiba na Sheria, Zainab Katimba, amesema mali inayoweza kuwa sehemu ya mirathi ni lazima itambulike kisheria kuwa mali halali ya marehemu, akieleza kuwa mgawanyo wa mirathi nchini hutegemea sheria inayosimamia mirathi husika.

Katimba alitoa kauli hiyo akijibu swali la Mbunge wa Viti Maalumu, Tinnar Andrew Chenge, aliyetaka kujua iwapo Serikali haioni umuhimu wa kufanya marekebisho ya Sheria ya Mirathi ili mali za mama wa watoto waliozaliwa nje ya ndoa nazo zijumuishwe katika mirathi.

Alisema masuala ya mirathi nchini yanasimamiwa na Sheria ya Mirathi na Uthibitishaji wa Wosia, Sura ya 352, pamoja na kanuni zake, zinazoweka utaratibu wa kushughulikia mirathi na uteuzi wa wasimamizi wa mirathi.

Alifafanua kuwa ugawaji wa mirathi pia hutegemea sheria inayotumika katika mirathi husika, zikiwemo Sheria ya Kiislamu, Sheria za Kimila na Sheria ya Mirathi ya India (The Indian Succession Act).

Katimba alisema mali ambayo marehemu aliigawa kwa mtu mwingine wakati wa uhai wake, awe mke, mume, mtoto, rafiki, mzazi au kupitia wakfu, haiwezi kuwa sehemu ya mirathi yake. by @zainabkatimba

SHERIA INATAMBUA MIRATHI YA KIDINI NA KIMILA - NAIBU WAZIRI KATIMBA

NAIBU Waziri wa Katiba na Sheria, Zainab Katimba, amesema Sheria ya Mirathi na Uthibitishaji wa Wosia inatambua mifumo mbalimbali ya kusimamia na kugawa mirathi nchini, ikiwemo ya Kiislamu, kimila na inayofuata Sheria ya Mirathi ya India.

Alisema mifumo hiyo inatambuliwa chini ya sheria zilizopo, hivyo utaratibu wa kugawa mali ya mtu aliyefariki unaweza kutofautiana kulingana na mfumo wa sheria unaotumika katika mirathi husika.

Katimba alikuwa akijibu swali la Mbunge wa Bumbwini, Mwinyi Jamal Ramadhani, aliyetaka kujua iwapo Serikali haioni haja ya kuleta Bungeni sheria ya kutambua haki za kidini na kimila katika usimamizi wa mirathi.

Alisema Sheria ya Mirathi na Uthibitishaji wa Wosia, Sura ya 352, pamoja na kanuni zake, inaweka utaratibu wa jumla wa kushughulikia mirathi na uteuzi wa wasimamizi wa mirathi.

Alifafanua kuwa mirathi ya Kiislamu hugawanywa kwa kuzingatia mafundisho ya Qur’an na Hadithi, huku mirathi ya kimila ikizingatia mila na desturi za jamii husika, kama inavyotambuliwa chini ya kifungu cha 12(1)(b) cha Sheria ya Usimamizi na Haki ya Matumizi ya Sheria, Sura ya 358.

Aidha, alisema mirathi inayofuata Sheria ya Mirathi ya India inatambuliwa kwa mujibu wa kifungu cha 15 cha Sheria ya Usimamizi na Haki ya Matumizi ya Sheria, Sura ya 358.

Katimba alitoa rai kwa wananchi kuwa na utaratibu wa kuandika wosia na kuanzisha amana ya familia (Family Trust) ili kupunguza uwezekano wa kutokea kwa migogoro ya mirathi isiyomalizika.

Alisema ushauri huo unatokana na kuongezeka kwa migogoro inayohusu mirathi, hivyo wananchi wanapaswa kutumia njia hizo kuweka utaratibu wa kusimamia mali zao na kupunguza migogoro katika familia. by @zainabkatimba

TANZANIA’S DEPUTY MINISTER FOR CONSTITUTIONAL AND LEGAL AFFAIRS VISITS DIPLOMATIC MISSION IN VIENNA

Tanzania’s Deputy Minister for Constitutional and Legal Affairs, Hon. Zainab Athuman Katimba (MP), has visited the Embassy and Permanent Mission of the United Republic of Tanzania in Vienna, Austria, where she held discussions with members of the diplomatic mission’s staff.

During the visit, Deputy Minister Katimba and her accompanying delegation were received by H.E. Ambassador Naimi S.H. Aziz, Tanzania’s Ambassador to Austria and Permanent Representative.

The Deputy Minister was accompanied by Ms. Neema Mwakalyelye, Deputy Director General of the Prevention and Combating of Corruption Bureau (PCCB), alongside senior officials from the Ministry of Constitutional and Legal Affairs, PCCB, the National Prosecutions Office, the National Counter-Terrorism Centre and the Immigration Department.

The visit provided an opportunity for the Deputy Minister and her delegation to engage with officials serving at Tanzania’s diplomatic mission in Vienna. by @zainabkatimba

Naibu Waziri wa Katiba na Sheria, Mhe. Zainab Athuman Katimba (Mb.), ametembelea Ubalozi na Uwakilishi wa Kudumu wa Jamhuri ya Muungano wa Tanzania mjini Vienna, Austria, na kufanya mazungumzo na wafanyakazi wa Ubalozi huo.

Katika ziara hiyo, Mhe. Katimba alipokelewa na Balozi na Mwakilishi wa Kudumu wa Jamhuri ya Muungano wa Tanzania nchini Austria, Mhe. Naimi S.H. Aziz, aliyempokea pamoja na ujumbe ulioambatana naye.

Mhe. Katimba aliambatana na Naibu Mkurugenzi Mkuu wa Taasisi ya Kuzuia na Kupambana na Rushwa Tanzania (TAKUKURU), Bi. Neema Mwakalyelye, pamoja na maafisa waandamizi kutoka Wizara ya Katiba na Sheria, TAKUKURU, Ofisi ya Taifa ya Mashtaka, Kituo cha Taifa cha Kupambana na Ugaidi na Idara ya Uhamiaji. by @zainabkatimba

Leo tarehe 22 Oktoba 2026 Mhe. Zainab Katimba (Mb.), Naibu Waziri wa Katiba na Sheria alitembelea Ubalozi na Uwakilishi wa Kudumu wa Jamhuri ya Muungano wa Tanzania, Vienna-Austria, na kufanya mazungumzo na wafanyakazi wa Ubalozi. Mhe. Katimba alipokelewa na Mhe. Balozi Naimi S.H. Aziz, Balozi na Mwakilishi wa Kudumu wa Jamhuri ya Muungano wa Tanzania, Vienna.

Mheshimiwa Naibu Waziri aliambatana na Naibu Mkurugenzi Mkuu wa Taasisi ya Kuzuia na Kupambana na Rushwa Tanzania, Bi. Neema Mwakalyelye, na maafisa waandamizi kutoka Wizara ya Katiba na Sheria; Taasisi ya Kuzuia na Kupambana na Rushwa Tanzania; Ofisi ya Taifa ya Mashtaka; Kituo cha Taifa cha Kupambana na Ugaidi; na Idara ya Uhamiaji. by @zainabkatimba

Serikali ya Tanzania imeimarisha mapambano dhidi ya uhalifu wa kupangwa unaovuka mipaka kupitia kutunga na kufanya maboresho ya takribani sheria 15 za ndani, sambamba na kuimarisha taasisi za utekelezaji wa sheria na mifumo ya haki jinai.

Hayo yamebainishwa Oktoba 19, 2026, mjini Vienna, Austria, na Naibu Waziri wa Katiba na Sheria, Mhe. Zainab Katimba, wakati akiongoza ujumbe wa Tanzania katika Kikao cha 13 cha Nchi Wanachama wa Mkataba wa Umoja wa Mataifa Dhidi ya Uhalifu wa Kupangwa Unaovuka Mipaka (UNTOC), kinachofanyika Oktoba 19 hadi 23, 2026.

Mhe. Katimba amesema kuwa hatua zilizochukuliwa ni pamoja na kuimarisha taasisi za kitaifa, ikiwemo Jeshi la Polisi, Idara ya Uhamiaji, Ofisi ya Taifa ya Mashtaka (NPS), Mamlaka ya Kudhibiti na Kupambana na Dawa za Kulevya (DCEA) na Taasisi ya Kuzuia na Kupambana na Rushwa (PCCB). Aidha, amesisitiza umuhimu wa kuongeza ushirikiano wa kuvuka mipaka, hususan Afrika Mashariki na ukanda wa Bahari ya Hindi ya Magharibi, ili kudhibiti mitandao ya uhalifu inayojihusisha na usafirishaji haramu wa binadamu, magendo na uhalifu dhidi ya rasilimali za asili.

Katika kikao hicho, Tanzania imependekeza kupewa kipaumbele kwa ushirikiano wa kisheria na urejeshaji wa wahalifu, uchunguzi wa kifedha, urejeshaji wa mali zinazotokana na uhalifu pamoja na usaidizi wa kitaalamu na kujenga uwezo wa kiutendaji. Tanzania imesisitiza dhamira yake ya kuendelea kushirikiana na nchi wanachama pamoja na Ofisi ya Umoja wa Mataifa ya Kudhibiti Dawa za Kulevya na Uhalifu (UNODC) katika kukabiliana na uhalifu wa kupangwa unaovuka mipaka. by @zainabkatimba

TANZANIA YAELEZA MIKAKATI YAKE KATIKA KUPAMBANA NA UHALIFU WA KUPANGWA UNAOVUKA MIPAKA

Serikali ya Tanzania imetunga na kufanya maboresho ya sheria mbalimbali sambamba na mabadiliko ya kisera, ili kuimarisha udhibiti wa uhalifu wa kupangwa unaovuka mipaka na kufanikisha utekelezaji wa Mkataba wa Umoja wa Mataifa.

Hayo yamebainishwa Oktoba 19,2026 na Naibu Waziri wa Katiba na Sheria, Mhe. Zainab Katimba, mjini Vienna, Austria, ambapo alimuwakilisha Waziri wa Katiba na Sheria katika Kikao cha 13 cha Nchi Wanachama wa Mkataba wa Umoja wa Mataifa Dhidi ya Uhalifu wa Kupangwa Unaovuka Mipaka (Conference of the Parties to the United Nations Convention against Transnational Organized Crime).

Mhe. Katimba amesema kuwa, kati ya jitihada zilizochukuliwa na Tanzania ni pamoja na kuimarisha taasisi zinazosimamia utekelezaji wa Mkataba huo, ambazo ni Jeshi la Polisi, Idara ya Uhamiaji, Ofisi ya Taifa ya Mashtaka (NPS) , Mamlaka ya Kudhibiti na Kupambana na Dawa za Kulevya (DCEA) pamoja na Taasisi ya Kuzuia na Kupambana na Rushwa (PCCB)

Hatua hiyo imechangia mafanikio makubwa katika mapambano dhidi ya uhalifu huo, ikisaidiwa na ushirikiano wa karibu na mashirika ya kikanda na kimataifa kama vile INTERPOL, UNODC, SADC, na Jumuiya ya Afrika Mashariki (EAC).

Akizungumzia mapendekezo ya maeneo ya kipaumbele katika utekelezaji wa Mkataba yaliyotolewa na Tanzania katika kikao hicho, Mhe. Katimba ameyataja kuwa ni pamoja na ushirikiano wa kisheria na urejeshaji wa wahalifu au watuhumiwa (Mutual Legal Assistance and Extradition) , uchunguzi wa kifedha na urejeshaji wa mali zinazotokana na uhalifu ,usaidizi wa kitaalamu na kujenga uwezo wa kiutendaji

Kikao hicho cha tathmini ya utekelezaji wa Mkataba wa Umoja wa Mataifa Dhidi ya Uhalifu wa Kupangwa Unaovuka Mipaka kinafanyika kila baada ya miaka miwili, ambapo Tanzania ikiwa nchi mwanachama imepata fursa ya kuwasilisha ripoti na hatua inazochukua katika utekelezaji wake. @zainabkatimba
:
#GloablPublishers #GlobalTvOnline
#HilalyDaud #HD #Bryan4rever by @zainabkatimba