Instagram story viewer> @el.arzediaries> Posts

Arze Naim | El Arze Diaries

@el.arzediaries

240.3K

followers

352

following

وصفات أصيلة بمكونات حقيقية
👩‍💻www.elarzediaries.com متجري العضوي
محترفة تخمير طبيعي | تقنيات الطبخ 🥣
رحلتي مع طفلي المتوحد🧩
📧[email protected]

POSTS STORIES REELS

⁨ ⁨
.
علّق بكلمة " خميرة " لتوصلك التفاصيل عالخاص.
او بتقدر تزور الموقع الالكتروني :

https://elarzediaries.com/products/ana-khameera
.
#elarzediaries⁩⁩ by @el.arzediaries

⁨ ⁨ ⁨ و كنتو بتعرفو انه هلقد سهل انو تعملوها بالبيت ؟
هيدي وحدة من الوصفات اللي انشهرت عحسابي من ٦ سنين ، حبيت ذكركن فيها ضمن سلسلة " كنتِ بتعرف ؟ "

مين بيكتب المقادير بالتعليقات؟ و شو رأيكن شارككم وصفة التيراميسو بس صحية و عاليه بالبروتين ؟ اكتبولي بالتعليقات👇
.
#elarzediaries #elarze_basics #elarze_mascarpone⁩⁩⁩ by @el.arzediaries

⁨ ⁨ صار عندي قناعه انه الصحة بتبلش من الطبق … شو مناكل وشو منشرب 🌿
لكل الجسم و صحة الشعر خصوصاً

كنت فكّر إنّ الشيب المبكر هو وراثة و ما فينا نحد منه ، لحد ما قريت عن استخدامات السمسم الاسود بالطب الصيني و قررت ضيفه عنظامي، لاحظت بعد فترة من إضافته ، إنه الشيب ما عاد عم يزيد متل قبل. هيدي تجربتي الشخصية .. ما بعرف اذا السمسم وحده كان مسؤول عن هالشي ، بس بيستحق التجربة

هالملاحظة خلّتني انتبه أكتر: متل ما بهتمّ بالمستحضرات اللي بستخدمها لشعري، لازم التفت للعناصر اللي بتغذّي جسمي من جوّا، لصحّتي ككل 🤍

في عناصر أوقات منحتاج ناخدها كمكمّلات لتعويض نقص، بس كمان فينا نحصل على قسم من احتياجاتنا من خلال أكلات وسناكات متنوّعة، وننتبه كيف منحضّرها وشو مناكل معها للاستفادة منها.

وهالكرات، غير إنّن طيّبين، بيجمعوا مكوّنات فيها عناصر غذائية متنوّعة:

✦ الجوز: دهون صحية بتدعم الجسم و بتخفف الالتهابات.
✦ بذور اليقطين: الزنك، ماجنيزيوم.
✦ السمسم الأسود والأبيض والطحينة: الحديد، النحاس، كالسيوم
✦ المورينغا: معادن و فيتامين سي بتدعم الامتصاص

كمان النقع للبذور مهم ، بيساعد بالامتصاص .. اذا اخدتو هالسناك بعدوه عن مشتقات الحليب ، ممكن تضيفو كمان مصادر اضافية لفيتامين سي
.
المقادير :
نص كوب تمر
١/٤ كوب سمسم اسود و ابيض
١/٨ كوب جوز منقوع
١/٤ كوب بزر لقطين منقوع
شوي من الطحينة
ملعقة كبيرة ممسوحة مورينغا
.
خبروني شو بتاكلو بعد اشيا مفيدة للشعر 🥰
.
#elarzediaries⁩⁩ by @el.arzediaries

⁨ ⁨ ⁨ الساور كريم او الكريمة الحامضة من المكونات الغاليه بالسوبر ماركت و اللي مش دايما منلاقيها
.
تحضيرها بدو شوية نطرة بس ولا اسهل

واستعمالاتها كتيرة 😍
🥔 مع البطاطا المشوية أو المهروسة
🌮 مع التاكو والأطباق المكسيكية
🌿 لتحضير تغميسات بالأعشاب والتوم
🥣 لإضافة قوام كريمي وحموضة خفيفة للشوربات والصلصات بأكلات متل الستروغانوف
🍰 وبالكيك والمافن، لتعطي طراوة ورطوبة للعجينة

الطريقة سهلة بعد ليلة ، بتكثف الخليط و بيسمك ، ممكن تحطي عير حامض فريش بدل الخل ، و ممكن يفصل و هيدا الشي طبيعي ، منخلطن و منحتفظ بالمرطبان بالبراد لمدة اسبوع

إنتو بأي وصفة بتستعملوها؟
.
#elarzediaries #elarze_basics #sourcream⁩⁩⁩ by @el.arzediaries

⁨ ⁨ ⁨ كل سنة هيدي الوصفة بتطلع ترند ! جربوها عطريقتي
ممتازة اذا حابين تتحلو بشكل صحي الوصفة صديقة للامعاء

الكاسة فيها نسبة منيحة من الالياف و البروتين 🫰

المقادير لكاستين

٣ حبات خرما مستوي
٣ ملاعق ممسوحة كاكاو غير محلاه
١/٤ كوب جبنة قريش
.
#elarzediaries #بودينغ_الخرما⁩⁩⁩ by @el.arzediaries

شو الفطيرة المفضلة عندكن ؟ انا بخبركم بالبوست القادم 🥧
.
المقادير:

٣٠٠ غ طحين ( منخفض البروتين او متعدد الاستعمالات)
٢٠٠ غ زبدة مكعبات باردة
١٠٠ مل مي متلجة ( حسب حاجة الخليط تضاف بالتدريج)

م ص ملح
م ص سكر اختياري ( بتعطي لون حلو )

للتفريز منضيف
٢ م ك خل
العجينة بتضل بالفريزر لمدة ٣ شهور عالاقل في حال تغلفت بشكل صحيح

الخل 🙏🏻
١- يضمن انو ما نكون عم نحصل على عجينة مطاطية في حال بالغت بالعجن
٢- الحفاظ على لون العجينة ما تتحول للون رمادي بعد ما نطلعها بالفريزر

.
#elarzediaries ⁩⁩#pieseason #pieratio by @el.arzediaries

⁨لذيذ و و مفيد و كل شي بس ما بتعرف اسمه 🫢
اللي بيعرف اسمو يكتبلي بالتعليقات 👇
المقادير :

كوب حليب
جوز
٢ تمر او ملعقة كبيرة دبس تمر
زنجبيل ( تقريبا شي ١ سم )
رشة هيل او حب هال
رشة قرفة سيلانيه

.
#elarzediaries⁩⁩⁩ by @el.arzediaries

⁨ ⁨ أحلى Hack فيكي يا آسيا
.
كريمة نباتيه بمكون واحد 🥥 ..
لانه جوز الهند يكون فيه دسامة و العصارة رح تستخرج منه كل هالعصارة ، فالناتج كتير كريمي ، فيكي تساعدي المكنة بشوي مي بيصير عندك حليب 🥛
.
خبروني مجربين هالطريقة قبل ؟ 👇
.
#elarzediaries #vegancream #kitchenhack⁩⁩ by @el.arzediaries

⁨ البيستو من اطيب الصوصات عندي ، بحب اعمله يدويا بس هالشي بياخد وقت و بدو جهد 💪🏼، فلما كون كسلانة بعمل هالطريقة خصوصي للخلاط اللي ما في اله فتحة
.
اسحبو الشاشة لتشوفو المكونات و التفاصيل
.
اكتبولي اكلات بتحبو تقدمو معها البيستو 🥰🌿
.
#elarzediaries #pesto⁩

⁨ المكونات:
١٢٠ غ حبق طازج (Basil)
٧٥ غ مكسرات نية ( جوز ؛ فستق حلبي ، جوز برازيلي )
انتو بتقدروا تختارو شو متوفر عندكن

١٠٠ ل ١٥٠ غ جبنة معتقة : بارميزان / مانشيجو / بيكورينو
١٢٠ مل زيت زيتون بكر ممتاز و زياده لنغمر الوج
عصير حامضتين صغار
ملح وفلفل أسود
ثوم (اختياري) انا ما حطيت⁩

⁨ للتحضير :
1. منغسل الحبق و منشفه كتير منيح ما بدنا يكون رطب ابدا
2. منطحن بالبلندر المكسرات و الجبنة و الملح و البهار ليصير قوام مجروش.
3. منضيف الحبق مع عصير الحامض وقسم من زيت الزيتون.
4. منطحن بنبضات قصيرة، ومنوقف بين كل مرة والتانية حتى ما يسخن الخليط. إذا احتجنا، منضيف شوية زيت زيتون ليساعد على الخلط.
5. منضيف باقي زيت الزيتون تدريجياً ومنخلط لفترة قصيرة حتى نوصل للقوام اللي منحبّه، مع المحافظة على شوية Texture.
6. منتذوّق ومنعدّل الملح والفلفل والحموضة حسب الرغبة.⁩

⁨ سر خضار البيستو ؛ هو كل ما خفّفنا مدة الخلط والحرارة، منساعد الحبق يحافظ على لونه الأخضر الحلو ونكهته و كمان الفستق الحلبي رح يخلي لون البيستو زاهي و فاتح
للحفظ الآمن
٤ ايام بالبراد - ٣ شهور بالفريزر ( ممكن يتقسم بقوالب ) by @el.arzediaries

⁨ مجربين زبده التفاح من قبل ؟ 🍏🍎
.
التفاح معروف بفوايده ، بس لما يكون مطبوخ فوايده كتير اعلى ،غني بالالياف و البكتين، ومركبات نباتية مضادة للأكسدة.و هيدي الطريقة حلوة لاستعمال التفاح للدهن بدل المربيات العالية بالسكر .
.

المكونات:
٦ حبات تفاح
٥٠ غ سكر ( اختياري في حال استعملتو تفاح حامض )
رشة ملح
نص حامضة
نص كوب مي
ملعقة صغيرة من بهارات التفاح .. ممكن تطلبوها عالموقع
www.elarzediaries.com
.
⚠️مدة الطبخ حسب كمية التفاح عالقليلة ساعه
.
يُحفظ بمراطبين معقمة بالبراد لمدة شهر
.
الاستعمالات رح اكتبلكن اياها بأول تعليق 🥰
.
#elarzediaries #applebutter #زبده_التفاح⁩ by @el.arzediaries

⁨ ⁨ اذا بتمرضوا كتير بموسم الشتا و البرد ، بيصير عندكن مخاط او احتقان جيوب انفية .. جربوا هالتونيك .. احد الاساليب الوقائيه و العلاجية القديمة جدا اللي بترجع للاغريق و الرومان .. خصوصي بالمناطق الباردة كتير .. هالتونيك الطبيعي بيتحضر بدقايق و بينترك بمكان مظلم و دافي بيجهز بين اسبوعين و شهر

المكونات
خل تفاح طبيعي يفضل مع الام
انا بوصفتي استخدمت خل الكومبوتشا
نص راس توم
بصلتين
حوامض : برتقال / حامض / بوملي
اعشاب : زعتر / اكليل جبل
زنجبيل طبيعي / كركم طبيعي
بهارات : فلفل اسود / قرنفل / قرفة سيلانيه / فلفل حر / كايين بمقدار بسيط حسب الرغبه

ملاحظة : كل شي مغمور بالخل ، اذا ارتفع سكروا عليه بعيدان خشب بحرف X

بعد مرور المدة بيتصفى و بينخلط معه عسل للتحليه و منحتفظ فيه بالبراد صلاحيته بتوصل للسنتين

للوقايه مناخد ملعقة باليوم ، اذا كان حاد ممكن نخلط مع المي ، و في حال المرض مناخد كذا مرة.
.

#elarzediaries #firecidertonic⁩⁩⁩⁩⁩ by @el.arzediaries

⁨ ⁨ شو اخبارن بعدن فاتحين؟ 😶‍🌫️

خلطات البهارات متوفرة ؛ توصلوا معي للطلب 💌

.
المقادير
بمبكن سبايس :🎃
٣ ملاعق كبار مهروس لقطين
كوب سكر قصب
كوب مي
١ م ك بهار اليقطين

🍎التفاح بالكراميل
١/٤ كوب سكر قصب
١/٣ كوب مي
٢ م ك كراميل صوص ( الطريقة عالصفحة )
١/٢ كوب تفاح مهروس
١/٢ م ص من بهار كعكة التفاح

كوكيز الزنجبيل🍪
١/٢ كوب سكر قصب
١/٢ كوب مي
١ م ص بهار كوكيز الزنجبيل
١ م ص دبس التمر

منطبخ الشراب عنار خفيفة ليسمك شوي
الحفظ بالبراد لحدود الشهر

.
#elarzediaries⁩⁩ by @el.arzediaries