Instagram story viewer> @kestermama> Posts

Shirley Tam Food Lover👩🏻‍🍳

@kestermama

23.9K

followers

5267

following

Foodie 😋 Home Chef 👩🏻‍🍳 Baker 🍞
⭐️OpenRice Lv 4 | Google Lv 7 | 大衆點評 | 小紅書 ⭐️
Good Food = Good Mood 🥰
📬DM for collaboration 💌
#HKfoodie #HKBlogger

POSTS STORIES REELS TAGGED

Download All

🍉 西瓜吐司食譜🍞

🔴 紅麵糰

· 高筋麵粉：125g
· 紅龍果：75g
· 水：10 ~ 15g
· 砂糖：8g
· 牛油：5g
· 鹽：1g
· 酵母：1.5g

作法：材料放入麵包機，啟動「烏龍麵糰」行程。完成後取出整圓，收進保鮮盒放入冷藏。

⚪ 白麵糰

· 高筋麵粉：125g
· 鮮奶：90g
· 牛油：10g
· 砂糖：15g
· 鹽：1g
· 酵母：1.5g

作法：

1. 白麵糰材料放入麵包機，啟動「烏龍麵糰」行程。
2. 取出麵糰分成 2 等份，其中 1/2 作為白麵糰（其餘為綠麵糰），整圓收進保鮮盒放入冷藏。

🟢 綠麵糰

· 1/2 白麵糰：125g
· 水：4g
· 抹茶粉：4g

作法：綠麵糰材料放入麵包機，啟動「烏龍麵糰」行程，揉麵 5~7 分鐘，顏色均勻後，取出整成圓形。

🥣 後續製作

1. 麵團在冰箱中低發一晚或至少6小時。
2. 將三色麵糰拍出空氣，再度整成圓形，蓋上濕布或錫箔紙醒麵 10 分鐘。
3. 取紅麵糰擀成 15×20 公分的長方形，捲起並將收口捏緊；白麵糰擀成 15×15 公分的正方形，包裹住紅麵糰即可，並把收口捏緊。
4. 再將綠麵糰擀成 15×15 公分的正方形，包裹住白麵糰即可，並把收口捏緊。
5. 將麵糰放進吐司模。
6.預熱焗爐180度，焗30分鐘，取出，待冷，切片。

English Version in comment by @kestermama

3

17

2 days ago

🐮Slow Cow🐮

今日去希慎廣場行街🛍️ 行到B2肚仔餓，離遠就已經聞到一陣炙燒牛肉嘅香味～原來係呢間 Slow Cow 牛丼新造！開放式廚房見到師傅即場燒肉🔥畫面勁治癒，對腳不自覺咁就行咗埋去😆 心諗：「Food Court都咁高質？」點知睇完個餐牌，CP值高到嚇我一跳，即刻拉埋朋友入去試！

🐮 A4+日本和牛丼 ($178)
一上枱已經心心眼😍 和牛粒鋪到滿一滿，表面微微焦香，咬落油脂即刻爆發，入口即化嘅感覺真係好幸福！最加分係佢哋用日本珍珠米，粒粒飽滿黏糯，加埋日本靚蛋「蘭王」/「夢王」嘅生蛋黃🍳同炸蒜片撈勻🧄——篤穿個蛋黃嗰下，橙紅色蛋漿包住每粒珍珠米，再加埋自家製忌廉令口感更滑溜，邪惡到一個點🤤 和牛迷必點！

🐮 慢煮熟成美國優質牛肉 ($98起)
另一個套餐揀咗呢款招牌！牛肉經過21日熟成再慢煮，薄切粉嫩到發光，肉味超濃郁又軟腍。配埋流心香煎日本蛋同砵酒黑椒昆布汁——呢個汁真心驚喜，昆布嘅清甜加微辛黑椒，層次感爆燈！同樣配日本珍珠米，索晒肉汁同蛋香，香到忍唔住扒多兩啖🍚

🍗 **+38變套餐，有沙律/麵豉湯、一件炸雞、甜品同飲品！炸雞外脆內嫩，甜品係糯米糍，唔太甜好滿足🍡

🌶️ 新出泡菜辣炒魷魚🦑
見到有新嘢梗係要試！魷魚彈牙，泡菜辣香惹味，撈飯食一流，辣度啱啱好唔會搶戲，好食到想encore🔥

💡 CP值總結：$150內埋單有肉有飯有湯有甜品，仲要喺銅鑼灣心臟地帶，真心抵到爛！

📍 牛丼新造 (銅鑼灣)
銅鑼灣軒尼詩道500號希慎廣場B2樓B217號舖
🕐 12:00-22:00 taken in Hysan Place希慎廣場 by @kestermama

3

15

9 days ago

✦ • ⋆ ☁︎ • 玉 • ⋆ ☁︎ • ✦

同屋企人去咗海洋公園富麗敦酒店嘅「玉」飲茶，天氣好到不得了☀️望住個無敵海景食點心，真係成個人都鬆晒🌊

我哋幾鍾意「玉」，因為佢枱與枱之間隔得夠疏，坐得好寧靜，傾偈都舒服啲。

今次試咗好多款點心，有驚喜亦有伏位：

🥟 羊肚菌松露素菜餃 — 全場MVP！一咬落去松露香氣直沖上嚟，羊肚菌嘅菌香好濃郁，素菜餡料清爽得嚟又有層次，真心驚喜，必點！

🦐 晶瑩鮮蝦餃 — 皮薄餡靚，蝦肉爽彈，穩穩陣陣嘅經典之選。

🦀 蟹籽帶子燒賣 — 帶子鮮甜，加埋蟹籽嘅鹹鮮，正常發揮。

🥑 牛油果蟹肉春卷 — 春卷皮脆卜卜，入面係creamy牛油果配鮮甜蟹肉，中西合璧得嚟好夾，幾有驚喜！

🎃 香煎南瓜黃金蝦餅 — 外層煎到金黃香脆，南瓜蓉香甜軟糯，蝦餅彈牙，咬落去層次豐富。

🦢 香芋天鵝酥 — 造型靚到唔捨得食！天鵝酥皮鬆化，入面芋蓉綿密香甜，係視覺同味覺嘅雙重享受。

🍚 懷舊糯米卷 — 軟糯香甜，有種舊式酒樓嘅親切感。

🥬 碧綠帶子腸粉 — 腸粉滑溜，帶子份量唔孤寒，清清地幾好食。

🍛 金沙脆米叉燒粒炒飯 — 炒飯粒粒分明，金沙鹹蛋黃香濃，脆米增加口感，叉燒粒甜香，好惹味！

🍵 陳皮紅豆沙加黑芝麻湯圓 — 陳皮香氣突出，紅豆沙起沙綿密，配埋煙韌黑芝麻湯圓，完美收尾。

😐 鹹檸檬星斑餃 — 呢個真係要講吓。本身見個名幾特別先叫，點知係全餐最失望嘅一款。魚肉唔算好新鮮，帶少少腥味。第一啖係有種西檸煎軟雞嗰種檸檬味，但同星斑完全唔夾，成件事有啲尷尬，唔係好推薦。

不過整體嚟講，「玉」嘅環境同服務都係水準之上，點心質素大部分都唔錯，尤其係個松露素菜餃同香芋天鵝酥，為咗佢哋我會想再嚟✨

📍 玉
香港富麗敦海洋公園酒店2樓 taken in 海洋公園富麗頓酒店 by @kestermama

3

17

15 days ago

.:*･ﾟ🍜無限ラーメン🍜.:*･ﾟ

琴日去咗灣仔呢間「無限ラーメン」，係我一個好識食、堪稱美食專家嘅好朋友極力推介嘅😎佢介紹得，我當然對佢好有信心啦！果然，真係非常之好味😋

平時中午時分🕛聽講一定要大排長龍，但琴日可能因為放假，竟然唔使排隊就食到，真係超級幸運🍀

叫咗個招牌拉麵，個湯底真係不得了，濃郁到好似飲緊忌廉湯一樣，每一啖都係滿滿嘅精華。啲牛肉好腍滑，叉燒亦都好夠味，配埋掛湯嘅拉麵，真係食到停唔到口🍜

不過最精彩嘅係佢哋嘅隱藏食法，大家一定要記低！

🌟 隱藏食法1：加白飯變Risotto
食到最尾，千祈唔好嘥咗啲湯！加啲白飯入去撈勻，即刻變咗好似意大利飯（Risotto）咁，湯汁包住每粒飯，超級美味！

🌟 隱藏食法2：加少許醋提鮮
仲有個秘技，就係加少少醋落啲湯度！唔好睇少呢一步，少少酸味令成個湯嘅鮮味即刻提昇咗一個層次，鮮甜味爆發😳

呢兩個隱藏食法加埋一齊，簡直係完美嘅收尾！大家去食嘅時候一定要試吓～

不過我覺得佢哋嘅餃子🥟同埋明太子雞翼🍗就一般般🤗

📍 無限ラーメン
灣仔皇后大道東130號地舖 taken in 灣仔皇后大道東 by @kestermama

3

19

17 days ago

最近去咗荔枝角一間好有心嘅小店「Natural Wiselect 智然沁選」入貨🛍️

老闆真係好有熱誠，佢哋唔係淨係賣嘢，而係真心想推廣「食得安心又美味」嘅理念，最緊要係價錢好親民，唔會嚇親人。而家大家對食物安全咁講究，呢度嘅選品真係令人買得放心～💖

同大家分享一下我試過嘅幾款好物：

🥜 里仁花生醬（無糖/無顆粒）
市面上好多花生醬都加咗植物油同糖，但呢樽成份超簡單——只有花生同鹽！無糖無添加，通過黃麴毒素檢測，食落好純粹。就咁搽多士，或者整夏天涼麵醬都勁yummy，素食者都啱食！

🥮 LoCoFARMS 中秋月餅系列（我最愛以下兩款）

· 班椰蓮蓉月💚：用本地斑蘭同蓮子，加埋椰汁，全人手製作，食落有陣陣南洋幽香，又唔會太甜👍🏻
· 香芋蛋黃月💜：本地當造香芋配傳統包灰鹹蛋黃，芋泥綿密，鹹甜交融，每一啖都係香港農夫嘅心血💕

🍵 里仁有機轉型期佳葉龍茶
呢支茶獲過食創獎🏆來自坪林淨源茶場，經過特殊厭氧發酵，含有GABA值。飲落鮮爽回甘，帶有獨特熟果香，唔苦唔澀。無糖無化學添加，支持本土有機農友之餘，仲可以幫你喺忙碌生活中放鬆一下，飲完個人都寧靜啲😌

🥜 里仁腰果鹹醬夾心酥
純素配方，香酥餅體包住義式腰果鹹醬，一咬落去層次豐富。無人工香料、無氫化油脂，係邪惡得嚟又安心嘅零食，鹹鹹香香好特別！

☕️ 悦意糙米咖啡（無添加糖）
朝早想飲杯咖啡提神，但又怕肥或者心悸？呢款糙米咖啡啱晒你！無添加糖，飲落有淡淡米香同咖啡香，溫和又順喉，係健康嘅早晨代替品🌟

🍘 里仁糙米餅（原味 / 朱古力）
純素、無小麥粉、無蛋奶！用台灣糙米以椰子油凸顯香氣，8秒快速膨發，唔經油炸。原味米香純粹，朱古力味加入有機可可粉，香脆可口，無麩質又易消化，係健康零食嘅首選！

🌰 Trygoodz 綜合堅果與果乾
呢個品牌主打天然無添加，由堅果、果乾到水果軟糖都有。返工口痕或者睇戲嗰陣食，滿足味蕾之餘，仲承載住滿滿嘅美好回憶。

💡 溫馨提示：佢哋而家買滿 $500 就可以送貨㗎喇！如果大家想買嚟做中秋禮物，或者同朋友一齊夾單囤定啲健康零食，就唔使特登拎得咁辛苦啦，超級方便～🚗

呢間小店真係好值得支持，將健康同美味平衡得啱啱好，大家不妨留意吓啦！✨

📍 Natural Wiselect 智然沁選
荔枝角505號通源工業大廈10樓C by @kestermama

3

14

20 days ago

꧁༒•𝔸𝕓𝕓𝕣𝕒𝕔𝕔𝕚𝕠•༒꧂

今日同朋友去咗中環雲咸街嘅 Abbraccio 食午餐 🇮🇹

餐廳喺嘉兆商業大廈5樓，一入去就覺得環境好舒服，室內有紅色梳化配歐陸式裝潢，最正係有個露台位，坐出去可以望住大館同中環街景，日光灑落嚟嘅時候成個畫面好靚，打卡一流 📸

講到價錢，中環嚟講真係好抵食！$138 已經包三道菜，頭盤可以揀是日餐湯或者新鮮沙律 🥗

我哋叫咗：
🥣 CHEF’S SOUP OF THE DAY — 忌廉甘筍湯，正常發揮🥕

🥗 INSALATINA — 什葉沙律、番茄、紅洋蔥、西瓜蘿蔔，清新開胃

主菜方面叫咗 PUNTA DI ANCA STEAK（安格斯牛臀尖、烤大蒜、初榨橄欖油）配薯蓉 🥩 牛臀尖肉味濃，配埋烤蒜同橄欖油，簡簡單單，不過不失。

甜品店員推介咗兩款：
🍰 SIGNATURE TIRAMISU — 經典提拉米蘇，質感creamy，咖啡味夠香
🥭 HOMEMADE MANGO PANNA COTTA — 芒果奶凍配雜芒果醬，酸甜清爽

天氣熱，餐茶叫咗凍檸茶 🧊

以中環地段、有露台靚景、仲要$138三道菜嚟講，性價比真係冇得輸。店員服務好nice，態度親切，唔會因為平價就hea你。同朋友坐喺露台吹住風、望住大館慢慢食，已經好滿足了 ✨

想喺中環食個唔貴嘅lunch、又想有靚景打卡嘅話，呢度係一個好選擇～

📍 中環雲咸街75-77號嘉兆商業大廈5樓

#abbracciohk #abbraccio #italiancuisine taken in Abbracio Trattoria by @kestermama

3

13

23 days ago

꧁༒•𝐋𝐚𝐧𝐝𝐚𝐮’𝐬 •༒꧂

今日同朋友去咗灣仔嘅 Landau’s 食午餐 🍽️ 呢間餐廳前身係仙后餐廳，裝修保留咗原本嘅華麗感，天花有個超靚嘅巨型彩色玻璃圓頂，日光透入嚟嘅時候成個空間都係柔和嘅色彩，坐低已經覺得好舒服，係嗰種可以慢慢食慢慢傾嘅地方 ✨

坐低冇耐就忍唔住叫咗六隻生蠔 🦪 一上枱已經覺得好吸引，蠔身飽滿到反光，入口係先嚟嘅清爽海水味，跟住係蠔肉嘅鮮甜慢慢滲出嚟，質感肥美得嚟一啲都唔膩，真係好好食，忍唔住同朋友對望咗一眼😆

🥣 是日餐湯 — 烤椰菜花湯配煙肉濃湯同麵包粒。烤過嘅椰菜花甜味好突出，打成蓉之後滑溜得嚟帶少少煙燻香，加埋脆口嘅麵包粒同煙肉嘅鹹香，成碗湯嘅層次即刻豐富晒。

🦀 蟹肉墨西哥脆餅配三文魚籽同脆餃子皮。脆卜卜嘅餃子皮上面鋪滿鮮甜蟹肉，三文魚籽一咬爆開嘅鹹鮮同蟹肉好夾，係一道好精緻嘅開胃前菜。

🐚 珍珠帶子以色列古斯米配魚籽同XO青醬。帶子雖然好細粒，真係好似珍珠嘅Size, 不過係嫩滑嘅，古斯米口感脹卜卜，有少少煙靭，索晒海鮮嘅精華，XO青醬嘅微辣鮮香令成道菜嘅味道昇華咗。

🍗 牛肝菌慢煮雞配煙肉薯蓉同脆羽衣甘藍。慢煮雞肉嫩到呢…切開仲見到微微粉嫩，牛肝菌嘅香氣滲晒入去，底下嘅煙肉薯蓉綿密得嚟帶鹹香，脆羽衣甘藍增加咗口感對比，成道菜好完整。

食到呢度其實已經好飽，所以冇叫到甜品，反而每人嗌咗杯 Iced Americano ☕️ 冰涼清爽，咖啡味夠濃但又唔苦澀，正好幫我哋清一清味蕾，為呢餐畫上一個簡單舒服嘅句號，已經好滿足好飽 🥰

📍 Landau’s
灣仔皇后大道東213號胡忠大廈2樓 taken in Landau’s by @kestermama

3

18

a month ago

🍖 路易奇電力公司｜和牛撞飛燒肉之旅 ✨

「路易奇電力公司」喺K11 Musea開咗分店。本身已經好想去灣仔店試，聽講新店裝修好靚，於是就去K11試吓。

呢間台灣過江龍，個名好得意，一間燒肉店叫「電力公司」真係好搞笑 🤣 原來係店主向偶像——舊金山The French Laundry嘅主廚Thomas Keller致敬，對方當年頂手一間洗衣店之後，索性沿用舊名開餐廳，所以創辦人武俊傑都照辦煮碗，用「電力公司」呢個名開燒肉店。

我哋揀咗「和牛撞飛燒肉之旅」夏日套餐💖

🥩 A5和牛刺身 — 滑到呢…好似食緊拖羅咁，入口即溶，真心誇張
🧀 極生牛肉佐帕瑪森起司 — 跟片包一齊食，芝士鹹香配生牛肉嘅鮮甜，口感好夾
🍲 和牛吸い物 — 清澈嘅和牛清湯，暖胃又鮮甜

燒物方面，店員幫我哋燒，抽風好夠力，食完唔會成陣味 👍

👅 厚切牛舌 — 油脂澎湃，爽脆彈牙，正常發揮
🥩 封門柳 — 肉味濃郁，嫩滑得嚟有咬口
🥩 A5カルビ — 油脂甘香，入口即化，好邪惡
🐷 豚トロ — 松板豬肉，油脂豐富，燒到微微焦香
🥩 薄燒壽喜燒 — A5莎朗輕輕燒過點蛋汁，滑溜到呢…
🥩 夏多布里昂 — 全晚最愛！唔會太肥但嫩到不得了，真係極品✨

米飯方面，北海道夢美人蛋黃二飯 — 靚飯配生蛋黃，簡單但邪惡，撈埋一齊食超滿足 🍚

甜品係西瓜雪葩 🍉 — 清甜冰涼，完美解膩，為呢餐畫上清爽句號！

食完飯仲可以出去平台欣賞維港嘅夜景，圓滿💖

📍尖沙咀K11 Musea 6樓603號舖 by @kestermama

3

28

a month ago

꧁༒• 富山麵家 •༒꧂

Miffy Fans 注意‼️銅鑼灣希雲街嘅「富山麵家」而家有期間限定嘅Miffy主題🐰 成間店由門口到牆上掛畫都係橙色黃色，周圍都係Miffy蹤影，少女心完全爆發～仲要係期間限定到10月31號咋，粉絲們要把握機會💖

最正係每一款食物都有Miffy可愛嘅造型喺上面！由拉麵嘅魚蛋、章魚小丸子嘅甜蛋裝飾，到飲品嘅白朱古力片，全部都有Miffy嘅身影，真係打卡都打到手軟 📸✨

🍜 兩碗拉麵🍜 — 今次試咗兩款！黑醬油拉麵湯底香濃醇厚，醬油味突出又唔會死鹹，份量十足，配埋厚切叉燒同流心蛋🥚穩陣之選～另一碗牛奶拉麵係期間限定Miffy主題先有嘅特別口味！湯底帶淡淡奶香，入口順滑creamy，仲有微微甜味，配埋Miffy造型魚蛋同紫菜，可愛到唔捨得食 😍 兩款都各有特色！

🐙 特製章魚小丸子 — 外皮脆卜卜，入面章魚粒夠大粒，熱辣辣配埋醬汁，上面仲有Miffy Tamago 🍳係完美配角！

🍵 特製抹茶拿鐵 & 荔枝梳打 — 抹茶拿鐵淡淡抹茶香，奶味突出又唔會太膩；荔枝梳打清新帶甜，夏天飲超爽！

📣粉絲必搶‼️
凡購買任何特蠫拉麵/小食/飲品、可換購Miffy限量品😍

1️⃣珍藏拉麵碗 $150
2️⃣可摺式環保袋 $78
3️⃣實用手機托（買任何產品加$10換購一個）

📍 富山麵家
銅鑼灣希雲街7號地舖
期間限定：即日至2026年10月31號 taken in 富山麵家 Ramen Iroha HK by @kestermama

3

22

a month ago

下午茶時候，「蛋撻」係其中一個好選擇😋

大家鍾意食酥皮多啲定係曲奇餅多啲呢？我自己就鍾意曲奇皮多啲啦🥰

港式蛋撻（曲奇撻皮）

📝 材料準備 (15個份量)

· 無鹽牛油 (室溫放軟) 130克
· 糖霜 55克
· 雞蛋 1隻 (約50克)
· 低筋麵粉 230克
· 吉士粉 30克 (無的話可以用奶粉代替，甚至省略)
· 鹽 1克 (少許就可以)

🥚 蛋漿

· 雞蛋 3隻
· 細砂糖 70克
· 熱水 200毫升
· 花奶 (淡奶) 85毫升
· 雲呢拿香油 1/2茶匙 (可省略)

👩‍🍳 做法：

1. 整撻皮麵團

· 將已經放軟嘅牛油同糖霜攪拌均勻，打到顏色變淺、呈乳霜狀。

· 分2-3次加入已經打散嘅蛋液，每次都要攪勻先再加下一次。

· 將低筋麵粉、吉士粉同鹽過篩加入，用刮刀以按壓方式拌勻成團。記住唔好過度搓揉，如果唔係麵團出筋，個皮就唔鬆化㗎喇。

· 用保鮮紙包好麵團，放入雪櫃冷藏最少1小時等佢定型。

2. 準備蛋漿

· 將熱水同細砂糖攪拌至完全溶解，放涼備用。

· 將雞蛋打散，加入已經放涼嘅糖水、花奶同雲呢拿香油，輕輕攪勻。

· 將蛋漿過篩2至3次，隔走啲蛋白筋同氣泡，呢個步驟係蛋漿滑溜嘅關鍵。整好之後可以放返入雪櫃備用。

3. 組合蛋撻

· 預熱焗爐至200°C。

· 喺撻模上掃一層薄薄嘅牛油溶液，方便一陣脫模。

· 將雪櫃拎出嚟嘅麵團分成15份，每份大約30克。搓圓之後放入撻模，用兩隻拇指由中間開始均勻咁按壓，令到撻皮佈滿成個模，邊緣可以略高過模邊少少。撻底最好整薄少少，咁會脆口啲。

· 用叉喺撻底吉幾個窿，可以防止焗緊嗰陣撻皮隆起。

4. 焗製蛋撻

· 將蛋漿從雪櫃拎出嚟，再次輕輕攪勻，然後倒入撻皮至8至9成滿。

· 將蛋撻放入焗爐中下層，用200°C焗12分鐘，之後轉170-180°C再焗8-10分鐘。見到撻皮邊緣變金黃色，蛋液微微脹起就已經OK。

· 熄火之後，將爐門打開一條罅（約1-2吋），用餘溫再焗多5分鐘。呢個步驟可以減低蛋撻出爐後因為溫差太大而極速下陷嘅機會。

· 稍為放涼之後就可以脫模享用喇！

💡 小貼士

· 自家爐溫調節：每個焗爐嘅性格都唔同，如果跟住食譜個時間發覺個皮未上色或者蛋漿太生，可以酌量加減時間，或者自己調校一下溫度。

· 點樣整到靚靚蛋撻：想個撻皮更鬆化，秘訣就係所有材料要夠凍，同埋搓嘅動作要快，避免牛油溶化。蛋漿過篩係必須嘅，咁先會滑溜冇氣泡。

· 點樣防止蛋撻下陷/變皺皮：記住最後要開住爐門「抖氣」嗰5分鐘，等佢慢慢降溫，就可以keep住靚仔樣。 by @kestermama

3

27

a month ago

今日去咗銅鑼灣登龍街Midtown嘅牛品台式火鍋，試咗佢哋嘅「牛極品🐮 (午市無限時吃到飽套餐)」！🍲

一坐低已經覺得好開心，食物同埋飲品種類繁多，每樣都想試呀😍仲要無限時⏰真係可以同朋友慢慢食慢慢傾，唔使趕頭趕命～✨

🥩 肉類方面:

🥩 頂級美國肩胛肉 — 牛肩胛部位運動量適中，肉質軟嫩得嚟帶少許嚼勁，油花分布平均，淥幾秒就食得，牛味濃郁！

🥩 加拿大頂級牛板腱 — 牛肩胛內側嘅肌腱位，中間有條透明筋腱，淥完爽脆彈牙，肉味鮮甜之餘仲帶淡淡奶香，口感好有層次！

🥩 精選美國牛胸腹 — 油脂豐腴嘅牛五花部位，淥完入口即化，油香四溢，鍾意食肥牛嘅朋友一定超中意！

🥩 美國特級牛小排 — 牛肋脊間嘅精華部位，雪花紋理細緻，肉質極度軟嫩，油花同肉味比例堪稱完美，食過返尋味！

🐷 西班牙栗飼豬梅肉 — 豬隻以栗子餵飼，肉質特別鬆化甘甜，油花細密均勻，淥完爽滑 juicy，完全冇豬羶味！

🐷 西班牙栗飼豬五花 — 層層分明嘅五花腩，油脂同瘦肉相間，淥完入口即溶，油脂香甜唔油膩，仲帶淡淡栗子香氣！

除咗靚肉肉之外，最近仲推出咗一系列新熟食同特飲🍹包括「大腸麵線」🍲、「楊枝甘露」🥭同「芒果椰椰」🥥，食完火鍋飲返杯特飲，即刻清爽晒！😚

🍮 甜品方面都有新嘢，宇治抹茶凍🍵同伯爵茶奶凍🍮茶味香濃又滑溜，作為飯後甜品超滿足～💚

🍜 必試隱藏食法 — 富婆醬‼️ 店員推介嘅「富婆肉燥飯」、「富婆醬拌麵」及「富婆豆腐花」，個醬鹹鮮獨特⭐️撈飯撈麵撈豆腐花都超惹味，絕對係驚喜之選！

🧋DIY奶茶Station有4️⃣款茶底任你調配，可以加珍珠又可以加芋圓😍仲有新鮮SMOOTHIE機，真係超級好玩！可以自己整水果沙冰解膩🍹成個體驗感滿分 💯

💰 經OpenRice平台預訂有優惠價589)，仲有Hoegaarden啤酒無限量供應**，超抵食！

🎁 Follow優惠：凡追蹤牛品台式火鍋社交媒 taken in 牛品台式火鍋 Beef Bang Taiwanese Hotpot by @kestermama

3

19

a month ago

~~🆃🅷🅾🅽🅶 🆂🅼🅸🆃🅷~~

今日趁佢一開門就衝咗入去，終於試到呢間被譽為「泰國船麵界天花板」嘅過江龍 Thong Smith（通思密）！🇹🇭

餐廳由泰國開到嚟香港灣仔，以超過20種香料同香草熬足8個鐘嘅濃郁湯底打響名堂。店員都係泰國人，笑容滿面好親切😊

今次叫咗兩碗「經典和牛肉片船麵」🥣係
招牌船麵配和牛腿肉片🥩及牛肉丸🐄可以自選麵底（米粉、蛋麵、金邊粉）同辣度（唔辣到勁辣都有）🌶️嗰啖湯底真係好濃郁，飲落去有種沙沙地嘅質感，後尾睇返資料先知原來係因為加入咗豬血，令到湯底變得厚身更有層次！香料味好突出，但平衡得幾好唔會太鹹。

配料相當豐富——和牛有兩大片、牛丸、牛肚同兩件牛內臟。不過老實講，食一次覺得都唔錯，但未驚艷到「一定要返去再食」嘅程度😌

另外叫咗串燒雞，每件都有兩吋大，燒得幾惹味。飲品方面，朋友嗌咗荔枝梳打🍹我就試咗木敦果茶🍹第一次飲感覺有少少似中式涼茶但淡口啲，味道幾得意～

📍Thong Smith（通思密）
灣仔春園街38號Spring Garden地下 taken in ThongSmith HongKong by @kestermama

3

25

a month ago