Instagram story viewer> @omrasheed67> Posts

أُم رشيد 🌿 وصفات بالزعتر الأخضر 🌿

@omrasheed67

33.2K

followers

791

following

.bakery
بسم الله على أوله وآخره
لكل محبي الزعتر الأخضر وصفات رائعة بانتظاركم🌿
أعشقُ رائحةَ الخبز وأمتلك سعادة العالم عندما ألمس فطيرةً أعددتها بيديّ.

POSTS STORIES REELS

عندك زعتر بالفريزر.. يلا تعالي نعمل أطيب صينية زعتر وجبنة نابلسية.. وللمرة المليوووووون بنعملها والسر في التخمير مرتين.. 👌🏻💯💯
وبدون بيض وبدون حليب 😏
لنعملها بطريقتها البسيطة والطعم الرااائع🌿🌿

الزعتر على طول أول ما بشيله من الفريزا بنزله بمي باردة ليفك التلج عنه .. وبعصره منيح وبستخدمه 🌿

🌿🌿🤍🌿🌿🤍
المقادير..
كوب ونصف ماء دافي
معلقة كبيرة سكر
معلقة كبيرة خميره
ربع كاس زيت زيتون مخلوط مع زيت ذرة
معلقه صغيرة بيكنغ باودر
معلقه صغيرة ملح
٣ كوب طحين
كوب زعتر من الفريزا أو اكتر حسب رغبتكم.
نصف كوب جبنة نابلسية نزين فيها الوجه.

🌿🌿🤍🌿🌿🤍
..
الجبنة النابلسية قسمتها مكعبات صغيرة وخليتها بالمي تقريبا ساعة ونص وغيرت عنها المي كل نص ساعة مرة لخفت ملوحتها شوي ..
...
🌿🌿🤍🌿🌿🌿
أول خطوة تفويرة الخميرة
المي الفاترة وعليها الخميرة والسكر .. وبحركهم منيح بالخفاقة اليدوية وبتركهم ربع ساعة

بخلط الزعتر مع الطحين و بضيف الملح والبيكينج باودر ..
وبضيف فوقهم خليط الخميرة والزيت
بستمر بالخلط على أقل سرعة لدقيقتين تلات لحتى كل المكونات تمتزج وبتصير عندي عجينة رخوة ..

بغطيها بالنايلون او بقطعة قماش لمدة ٤٠ دقيقة

بعدها بجهز الصينية بدهنها بالزيت

عندي الصينية كبيرة طولها ٥٠سم بعرضها ٣٥سم اخدت كيلو طحين كامل -انا عملت هون ضعف الكمية- ....

وبنزل خليط العجين بصينية الخبيز .. بفردها وبوزع عالوجه حبات الجبنة وورق ال� by @omrasheed67

صينية اليانسونية بزيت الزيتون 😏🌿
نكهات غنية من اليانسون والشومر والسمسم وحبة البركة وأكيد بزيت الزيتون يعني جودة الطعم عالية جداا 👌🏻💯💯

🌿🌿🤍🌿🌿🤍
المقادير..
٤ كوب سميد وسط لا خشن ولا ناعم كتير
٤ معلقة كبيرة طحين وبتقدروا تستخدموا القمح
٣ معلقة كبيرة يانسون حب
٢ معلقة كبيرة سمسم محمص
٢ معلقة كبيرة حبة البركة محمصة
٢ معلقة كبيرة يانسون مطحون
٢ معلقة كبيرة شومر مطحون
١ معلقة كبيرة خميرة
1 معلقة صغيرة بيكينج باودر
تلات أرباع الكوب زيت زيتون
كمية السوائل ٢ كوب دافي (من ماء اليانسون وماء عادي )

🌿🌿🤍🌿🌿🌿

أول خطوة تجهيز اليانسون ..
بالغلاية او ابريق عالنار بنزل ب٣ معلقة كبيرة من اليانسون وبضيف عليهم مي تغمرهم ومع أول غلوة للمي .. بصفيهم وبتخلص من المي ... هلأ برجع بنزل فوقهم بمي جديدة وبغليهم لمدة سبع دقايق لحتى أشوف حبات اليانسون تفتحت معي واستوت .. وبطفي النار وبتركهم على جنب .. ممكن استخدمهم مباشرة وممكن أتركهم اكتر من ساعة .. 👍🏻

هالمرة باليد وبدون استخدام العجانة..
بنزل بكل المكونات الجافة
السميد والطحين السمسم وحبة البركة والشومر واليانسون.. الخميرة والبيكينج باودر.. واليانسون الي صفيته.
وبضيف عليهم زيت الزيتون
وببسهم باليد كتير منيح او بستخدم قطعة الكف للعجانة.
بضيف ٢ كوب (ماء اليانسون وماء فاتر)
العجينة النهائية رح تكون رخوة وبعتمد على نوع السميد واذا احتجتوا بتضيفوا بالتدريج مي فوقها ..
بعجنهم باليد بطريقة بسيطة هدم و ردم أو بقطعة الكف للعجانة بالسرعة المنخفضة لمدة دقيقتين
بضيف شوية زيت عالوجه
بغطيها بالنايلون و بقطعة قماش لمدة ٤٠ دقيقة عالأقل.

🤍🌿🌿🤍🌿🌿🌿
بعد ٤٠ دقيقة .. بحضر صينية الخبيز
بدهنها بزيت الزيتون كمية وفيرة
بمد عجينتي فوقها ورح تفرد بكل سهولة
بقسمها الشكل المطلوب
بتركها ترتاح ربع ساعة
وبهاي المدة بحضر الفرن حرارة ٢٠٠ او ١٨٠
بخبزها عالرف الي قبل الأخير من النار تحت
وبعد ما تتحمر الأطراف بنقلها للتحمير من فوق.

🌿🌿🌿
بعد الخبيز مباشرة..
منسكب القطر ويكون دافي مش بارد ولا ساخن نار ..
العيار الممتاز للقطر لكل كوب سميد تضيفه كوب من القطر ... ولو حبيتوا الحلاوة زيادة بتضيفوا أكتر..
بعد ما تقطروها .. غطوها بصينية عادية واتركوها نص ساعة عالأقل لحتى تشرب كل الكمية ..

#صينية_يانسونية #يانسونية
#وصفات #حلويات
#حلو by @omrasheed67

الفتوت .. مفيد جداا ولذيذ جدااا .. 👌🏻💯💯
نكهات غنية من الشومر واليانسون والسمسم وحبة البركة وأكيد بزيت الزيتون 😏🌿
خبز الفتوت النابلسي بتربع على عرش كل المخبوزات التراثية الفلسطينية 😏🌿

🌿🌿🤍🌿🌿🤍
المقادير..
5 كوب طحين متعدد الاستعمالات
5 معلقة كبيرة سمسم محمص
5 معلقة كبيرة حبة البركة محمصة
2 معلقة كبيرة يانسون مطحون
2 معلقة كبيرة شومر مطحون
2 معلقة كبيرة حليب بودرة
1 معلقة كبيرة سكر
1 معلقة كبيرة خميرة
1 معلقة صغيرة محلب مطحون حسب الرغبة
1 معلقة صغيرة مليانة ملح
1 معلقة صغيرة كركم
نصف كوب زيت زيتون
نصف كوب زيت ذرة
كوب ونصف ماء دافي

🌿🌿🤍🌿🌿🌿
أول شي تفويرة الخميرة
المي الفاترة وعليها الخميرة والسكر .. وبحركهم منيح بالخفاقة اليدوية وبتركهم ربع ساعة على جنب.

بالعجانة بنزل بكل المكونات الجافة
الطحين السمسم وحبة البركة والشومر واليانسون.. الحليب الناشف .. المحلب المطحون .. الملح والكركم
وبضيف عليهم زيت الزيتون وزيت الذرة
وببسهم دقيقتين بقطعة الكف للعجانة بالسرعة المنخفضة .
في هالأثناء بتكون جهزت الخميرة بضيف خليط الخميرة والمي والسكر فوقهم
وبستمر بالخلط لتلم معي العجينة

بغطيها بالنايلون او بقطعة قماش لمدة ٤٠ دقيقة

🤍🌿🌿🤍🌿🌿🌿
نكوّر العجين كرات مناسبة.. ونقوم بفرد القطعة على قالب الفتوت النابلسي أو ممكن عمل نقش بسيط بالشوكة.

🌿🌿🌿

تخبز على فرن محمى قبل ربع ساعة.. بحرارة ٢٠٠ ونحمرها..
وبعد الاستواء ندهن وجه القطع بزيت الزيتون
ونقدمها مع الشاي وألف صحة وهنا على قلوبكم 🌿❤️‍🔥

❤️‍🔥❤️‍🔥 لحتى تبقى الرسمة والنقش معكم .. أول ما تدخلوها الفرن شغلو التحمير دقيقتين وبعدها اخبزوها من تحت وانقلوها للتحمير النهائي 👌🏻

#الفتوت #فتوت_نابلسي #خبيز
#وصفات #معجنات by @omrasheed67

وبـ تلات اكواب طحين عملت ٨٠ قرص بسكوت زعتر أخضر 😏😏

إلي طلبت مني هالوصفة رح تدعيلي عليها 🥰🥰
كتيييير زاااكية ومقرمشة والتقييم عشرة على عشرة

بسكوت الزعتر الأخضر المالح 🌿🌿

المقادير..
٣ كوب طحين
٢ كوب زعتر أخضر مفروم ناعم
١ كوب زيت (نصف زيت زيتون ونصف زيت نباتي)
٢ معلقة كبيرة سميد
٢ معلقة كبيرة سمسم محمص
١ معلقة كبيرة حليب بودرة
١.٥ معلقة صغيرة ملح
١ معلقة صغيرة سكر
نصف معلقة صغيرة بيكربونات الصودا
نصف معلقة صغيرة بيكنج باودر
تلات أرباع الكوب من الماء الدافي

الطريقة ..
بنبس الطحين مع الزيت واستخدمت المضرب الكف للعجانة والسرعة الوسط للمنخفضة.

بننزل بالمكونات الجافة
بننزل بالزعتر الأخضر وكنت فركته بمعلقتين من الطحين..
بننزل بالماء الدافي وبنحرك لمدة دقيقتين

باليد افضل طريقة لتشكيل أقراص البسكوت مشان ما نحتاج نضيف طحين أو تلزق معنا ...
بصفهم بصينية الخبيز فوق ورق الزبدة
بحمي الفرن على حرارة ٢٤٠ ..
اخدت عشر دقايق لتحمرت من تحت وهلأ بنقلها لتحمير الوجه ..

عملت هالكمية ٨٠ قرص بسكوت

صراااحة بتستحق التجربة وكتييييير رح يحبوها ولادكم قبلكم .. 👌🏻💯💯

#بسكوت #زعتر
#explorepage #post by @omrasheed67

مع احترامي الشديد لكل كيكات الجزر 🧡🌿
الي بتفووووز كيكة القرع بكل قوة وبدون منافس
وبتمنى تجربوها كيكة غنية وشهية جدااااا
والي متابعني وبعرف وصفاتي ومجربهم هو عارف لما أقول بتشهيييي هي فعلاااا بتشهييي وبتستحق تجربوها 🔥🔥

🌿 المكونات والمقادير.. 🧡🧡🌿
٤ بيض بحرارة الغرفة
نصف معلقة صغيرة ملح
١ معلقة كبيرة فانيلا باودر
١ معلقة كبيرة خل
١ كوب ونصف سكر
١ كوب حليب سائل بحرارة الغرفة
تلات أرباع الكوب زيت نباتي
٢ كوب ونصف طحين منخول
٣ معلقة صغيرة بيكينج باودر
نصف معلقة صغيرة بيكربونات الصودا
١ معلقة كبيرة قرفة مطحونة
نصف كوب جوز مفروم بالسكين
١ كوب ونصف قرع طازج مبشور بدون سلق بدون شوي.

🌿 الطريقة ..
أول شي بنخفق البيض مع السكر مع الفانيلا والخل و الملح.. ليدوب السكر تماما..
بننزل بالسوائل الزيت والحليب وبنحركهم
بننزل بالطحين على دفعات مع البيكنج باودر والكربونة
هلأ بننزل ببرش القرع العسلي وبالجوز المفروم والقرفة وبنقلبهم بالسباتولا او اي معلقة شوي شوي ..
وصارت جاهزة.. 👌🏻

بنحضر القالب 🧡🌿
بندهنه زيت مخلوط مع الطحين ..
بننزل بخليط الكيك
بنريحه ربع ساعة..
بهالوقت بنحضر الفرن على حرارة ١٨٠
...
الخبيز عالرف تحت الوسط

اول ربع ساعة على ١٨٠ وبعدها بنقلل الحرارة ل ١٥٠ وبدون ما نفتح الفرن ..
بعد تلت ساعة بنفقد الكيكة وبنفحص الاستواء بالشوكة

مدة الخبيز مع التحمير ٣٥ ل ٤٠ دقيقة تقريبا.

#قرع
#كيك
#pumpkin
#global

في هاي الطريقة كانت أبسط طريقة لكيكة القرع..
في طرق كتير بشوو القرع بالفرن أو بسلقوه ووقت وغلبة اكتر..
هون ريحتكم بس بتبرشو القرع وبكون جاهز لتعملي كيكتك وتنجزي بوقت أقل ونفس النكهة والطعم وحتى أطيب وصحتييين 😉🧡🧡🧡🧡🧡🌿🌿🌿🌿 by @omrasheed67

ما تنسوا لتوصلوا للنكهة الصح للزعتر افرمووووه 👌🏻💯💯
فرمة خشنة أو ناعمة حسب وصفتكم .
واستمتعوا بالمذاق الراااائع للزعتر الأخضر وزيت الزيتون في كل وصفاتكم اللذيذة 😋🌿🌿

ولمحبي الزعتر الأخضر هالحساب إلكم 😏 🌿

@omrasheed67

#وصفات #معجنات #زعتر #زعتر_أخضر by @omrasheed67

بيض بالزعتر 🔥🌿 أومليت بالزعتر أو عجة الزعتر 🌿
أطيب وألذ فطور وبدون خبز وبدون طحين
والأشخاص الي ما بحبوا طعم البيض .. هاي الطريقة ما فيها أبدااا زنخة للبيض .. والزعتر هو النكهة الأقوى 💪🏻😏😉.

المقادير..
٢ معلقة كبيرة زعتر دقة
٢ حبة بيض
١ معلقة زيت زيتون
رشة ملح
رشة فلفل أسمر
جبنة أي نوع بتحبوا

الطريقة
بننزل بالزعتر والبيض ورشة الملح والفلفل وبنحركهم منيح ..
بحمي مقلاية عالغاز وبضيف فيها معلقتين زيت زيتون..
بنزل بخليط العجة وعالنار على حرارة أقل من الوسط بشوي.
بغطيها لتستوي بدها تقريبا ٣ ل ٤ دقايق..
بنزل بالجبنة وبرجعها على نار هادية لتدوب الجبنة تماما..
وهيك صارت جاهزة وصحتين..

بقدمها مع كاسة الشاي والزيتون وشرائح من الطماطم والخيار.

#فطور #بيض_بالزعتر #اكسبلور by @omrasheed67

في أي وصفة بدخل فيها الزعتر الأخضر الورق .. كيكة مالحة أو عجين بالزعتر الأخضر الورق .. في خطوتين مهمات 🌿🌿

أول خطوة .. بتفرموا الزعتر فرمة خشنة وهيك بتحصلوا على نكهته القوية 👌🏻🌿🌿

تاني خطوة .. بتخلطوه مع شوية طحين لتتغلف كل الورقات وهيك لما تضيفوه لوصفتكم بتوزع بالتساوي والنتيجة النهائية مية بالمية 👌🏻🌿🌿

#زعتر
#معجنات by @omrasheed67

يلا نجرب مربى الزعتر 🔥
وياريتني...... 🤭🫣🥹🥹

ياريتني جربته من زماااان 😋😉😏🌿🌿
صراااحة بستاهل تجربوه 👌🏻💯💯

المكونات
٢ معلقة كبيرة عسل
١ معلقة كبيرة زعتر دقة
١ معلقة كبيرة زيت زيتون
رشة ملح

ومنخلط كل هالمكونات
وعلى خبزة محمصة ومع جبنة دهن
ويا سلااااام 😋🌿🌿

بتقدروا تاكلوها لحال مع الخبز او على وجه صحن اللبنة
او مع الجبنة الحلوم ..
مع كلشي على زوقكم لزييييييزة 😋😋😋

#مربى #زعتر
#وصفات
#honey by @omrasheed67

فطاير اللحمة بالطحينية وفطاير اللحمة بالبندورة 🔥
وهيك بنرضي الجهتين الي بحب اللحمة بالطحينية والي بحب اللحمة بالبندورة 😏🌿🌿
بعجينة قطنية لكل أنواع المعجنات والطعم سفااااح 👌🏻💯💯

🌿مقادير العجينة..
٥ كوب طحين
ربع كوب زيت زيتون
ربع كوب زيت ذرة
١ بيضة بحرارة الغرفة
نصف كوب لبن زبادي بحرارة الغرفة
١ معلقة صغيرة مليانة ملح
١ معلقة صغيرة بيكنج باودر
١ كوب ماء دافي
١ معلقة كبيرة سكر
١ معلقة كبيرة خميرة
١ معلقة كبيرة حليب بودرة "اختياري"

🌿الطريقة :
بننزل بالعجانة بالماء والسكر والخميرة
وبنحركهم وبنتركهم عشر دقايق
بعد تفويرة الخميرة بننزل بالبيضة والزيت واللبن والبكينج باودر والملح والحليب البودرة.. بنحركهم شوي وبنكمل الطحين .. وبنحرك لمدة ٣ .. ٤ دقايق وبعد ما تلم معنا العجينة
بخة زيت زيتون عالوجه وبنغطيها بالنايلون وبقماش دافي وبنخمرها لمدة ٤٠ دقيقة عالأقل.

🌿 الحشوة :
خليط اللحمة بالبندورة
لحم مفروم ناعم ومع الدهن ٥٠٠ غرام
حبة بصل متوسطة مفرومة ناعم
٢ حبة بندورة حمرة مستوية قشرتها وبمحضرة الطعام فرمتها ناعم وضفتها فوق اللحم
معلقة صغيرة فلفل أسمر
معلقة صغيرة بابريكا مدخنة او عادية
معلقة كبيرة رب البندورة
نصف معلقة صغيرة ملح
معلقتين زيت زيتون

انتو على زوقكم شو بتحبوا خليط اللحم

🌿 خليط اللحمة بالطحينية
لحم مفروم ناعم ومع الدهن ٥٠٠ غرام
حبة بصل متوسطة مفرومة ناعم
معلقة صغيرة فلفل أسمر
نصف معلقة صغيرة ملح
معلقتين زيت زيتون
نصف كوب طحينية
٢ معلقة كبيرة لبن زبادي
عصير ٢ حبة حامض

🌿بنفرد العجينة على كامل الصينية وبريحها ربع ساعة
بكعب الكوب بنزل فيه بشوية طحين وبعدها بشكل دوائر على كامل الصينية..
🌿بنزل بخليط اللحم
🌿بتركها ترتاح ربع ساعة 🥹🥹
وبهاد الوقت بحمّي الفرن على حرارة ١٨٠
🌿بنخبزها وبنحمرها .. قبل التحمير دهنة صغيرة عالوجه بزيت الزيتون وبعطيها هاللون الأشقر الحلو 🥹😍

#وصفات #فطاير #لحم
#معجنات #لحم_بعجين by @omrasheed67

بتحبي الزيتون 🫒 🫒
يلا تعالي نعمل أطيب صينية زيتون مع البصل
والسّر في التخمير مرتين.. 👌🏻💯💯
وبدون بيض وبدون حليب 😏

🌿🌿🤍🌿🌿🤍
المقادير..
كوب ونصف ماء دافي
معلقة كبيرة سكر
معلقة كبيرة خميره
ربع كاس زيت زيتون مخلوط مع زيت ذرة
معلقه صغيرة بيكنغ باودر
معلقه صغيرة ملح
٣ كوب طحين
نصف كوب زيتون أخضر
نصف كوب زيتون أسود
٣ حبات بصل أحمر أو أي نوع مفروم شرائح.

🌿🌿🤍🌿🌿🌿
أول خطوة تفويرة الخميرة
المي الفاترة وعليها الخميرة والسكر .. وبحركهم منيح بالخفاقة اليدوية وبتركهم ربع ساعة

بنزل بالطحين و بضيف الملح والبيكينج باودر ..
وبضيف فوقهم خليط الخميرة والزيت
بستمر بالخلط على أقل سرعة لدقيقتين تلات لحتى كل المكونات تمتزج وبتصير عندي عجينة رخوة ..

بغطيها بالنايلون و بقطعة قماش لمدة ٤٠ دقيقة

🌿بحضر البصل .. بعمله شرائح ومع شوية زيت وعالنار بدبله لمدة خمس لسبع دقايق .

بعدها بجهز الصينية بدهنها بالزيت

عندي الصينية كبيرة طولها ٥٠سم بعرضها ٣٥سم اخدت كيلو طحين كامل -انا عملت هون ضعف الكمية- ....

وبنزل خليط العجين بصينية الخبيز .. بفردها وبوزع عالوجه
حبات الزيتون الأخضر والأسود مع البصل ..
🌿 بتركها ترتاح كمان ساعة وبخبزها بفرن محمى عال ١٨٠ .
🌿 قبل التحمير بدهنها شوية زيت زيتون عالوجه بعطيها لون أشقر حلو .. وصحتين

#معجنات #خبيز #زيتون
#olive
#fyp by @omrasheed67

مطبق فطاير زعتر أخضر مع الجبنة النابلسية أكتر من راااائعة 👌🏻🌿🌿

🌿مقادير العجينة:
٥ كوب طحين
ربع كوب زيت زيتون
ربع كوب زيت ذرة
١ بيضة بحرارة الغرفة
نصف كوب لبن زبادي بحرارة الغرفة
١ معلقة صغيرة مليانة ملح
١ معلقة صغيرة بيكنج باودر
١ كوب ماء دافي
١ معلقة كبيرة سكر
١ معلقة كبيرة خميرة
١ معلقة كبيرة حليب بودرة "اختياري"

❤️‍🔥 كل واحد وطحيناته.. كيف بتشوفوا العجينة النهائية بتضيفوا لو بدها شوية طحين أو شوية مي .. المهم عجينتنا قوامها متماسك ومش رخوة 👍🏻

الطريقة :
🌿بننزل بالعجانة بالماء والسكر والخميرة
وبنحركهم وبنتركهم عشر دقايق
بعد تفويرة الخميرة بننزل بالبيضة والزيت واللبن والبكينج باودر والملح والحليب البودرة.. بنحركهم شوي وبنكمل الطحين .. وبنحرك لمدة ٣ .. ٤ دقايق وبعد ما تلم معنا العجينة
بخة زيت زيتون عالوجه وبنغطيها بالنايلون وبقماش دافي وبنخمرها لمدة ٤٠ دقيقة عالأقل.

🌿حشوة الزعتر الأخضر
زعتر أخضر
ملح حسب الرغبة
القليل من زيت زيتون
وبنفركهم مع بعض...

وجبنة نابلسية ملوحتها وسط

🌿بعد ما خمرت العجينة .. عملتها كرات
وبعدها فردتها وطبقتها بالشكل الموضح.

❤️‍🔥تركتها ترتاح لمدة ربع ساعة وبهاد الوقت حضرت الفرن على حرارة ١٨٠ ..
وسخنت صينية الخبيز على الغاز ونزلت بشوية زيت فوقها ووزعته على كامل الصينية .. بفرد المطبق وعالخبييز.

🌿 وبعد ما تطلع من الفرن دهنة صغيرة من زيت الزيتون عالوجه #زعتر #وصفات #فطاير #معجنات by @omrasheed67