Chef Luaa ❥ ڵــؤا أسود

اليوم البوست مختلف ♥️

بصدفة كنت عم شوف صور قديمة واكتشفت إنو متل اليوم بالضبط من 7 سنين طلع أول أوردر من مطبخي…كيف مرقت هالسنين بسرعة ما بعرف 🥺♥️
كانت الفكرة بالبداية بسيطة وسريعة، وقتها قررت استثمر وقتي بالغربة بشي بحبّو… وبلّشت من الصفر!
من وقتها لهلأ، كل يوم كان درس وتجربة جديدة

تعلمت منكن كتيررر من ملاحظاتكن، من حبّكن، ومن دعمكن المستمر ♥️
كل زبونة مرقت بحياتي ما كانت مجرد زبونة عابرة أبداً كانت شريكة بطريقي، وبجزء من حلمي 🫰🏻
اديش مبسوطة إنو أكلي دخل على بيوتكن وانحب من قلوبكن
في كتير متابعات ما داقوا طبخي بس بيضلّوا يشجعوني ويحكولي كلام حلو… وهاد لحالو أكبر دعم 🫶🏻
بصراحة المشوار ما كان سهل أبداً ..بين مسؤولية بيت وزوج وولاد صغار بس ضليت مستمرة، ورح ضلّ مستمرة، لاوصل لمطرح أكبر بإذن الله 🙏🏻

✨ شكراً من قلبي لكل كلمة حب،
لكل دعوة، ولكل مرة اخترتوني من بين الكل ✨

وإن شاء الله السنوات الجاية تكون مليانة نجاحات جديدة وضل دائماً عند حسن ظنكم 🫶🏻