Foodie | Dining | Homecooked | Lifestyle

尋晚同朋友去咗 Braza Churrascaria 🇧🇷食巴西燒烤，成個體驗真係勁滿足！

一入到去，餐廳環境好有活力，燈光微暗得嚟幾有氣氛，周圍都熱辣辣、好有巴西風情。最正係班手持大肉串嘅 Passadores（割肉師） 係咁喺身邊經過，睇中邊件就即切畀你，體驗感滿分。

講到食物，真係肉食獸嘅天堂，有多達16款肉類、自助沙律Bar任食：
💕Picanha（巴西頂級牛臀肉）： 外皮烤到燶燶地、帶點焦香，一咬落去肉汁爆發，牛味濃郁到頂點，必試！
💕羊架： 肉質好嫩滑，點埋特色嘅香草青醬，完全冇羊羶味，反而好清新。
💕烤菠蘿： 呢個絕對係靈魂！面頭灑咗肉桂粉去燒，酸酸甜甜，熱辣辣又多汁，食完幾嚿肉再咬一啖，即刻解晒膩，清爽番晒。
💕燒栗米：好鮮甜爆汁

自助沙律吧嘅選擇都好豐富，配菜、芝士同水果都好高質，仲有朱古力噴泉添。

總括嚟講，呢度氣氛熱鬧，嘢食大大嚿又夠惹味，啱晒大胃王或者同一班朋友一齊嚟一邊吹水、一邊大口吃肉，性價比真係幾高，下次一定會再嚟過！

⚽🏆餐廳做緊世界盃優惠：S&S Hospitality 會員於指定餐廳收集印章，集滿「法、義、阿、巴」即享 $500 團體用餐券，詳情請向店員查詢🏆⚽

💰每位消費 $418
💰另加一服務收費

🌟🌟🌟🌟🌟🌟🌟🌟🌟🌟🌟🌟🌟🌟🌟
🇧🇷Braza Churrascaria Brazilian Steakhouse
📍蘭桂坊15-16號協興大廈3樓

#超抵食自助餐 #巴西烤肉 #烤肉自由 #南美狂歡 #中環美食