Dino BB

茶中取道🍵

老去•茶事同茶爺爺一路都積極推廣中式茶文化~ 依家佢哋終於帶埋 《離念茶蒔 》進軍港島，帶嚟一站式嘅品茶•以茶入饌•茶調酒體驗~

幾鍾意佢哋嘅茶系 Cocktail~ 今次試咗佢哋嘅媽媽雪櫃 concept系列，每一款都帶住回憶中嗰種熟悉嘅草本氣息~少年蔘嘅甘苦味用上 Negroni 嚟做搭配再加上烏龍嘅香，餘韻十足~

唔飲酒嘅亦有多款嘅茶，每一種喺 Menu 都有好詳細嘅解説~就算係第一次接觸都唔怕毫無頭緒~簡單入門 so easy

食物方面都好有水準~

正山小種紅茶漬牛小排配茶蒔荷葉餅及柚子沙律~油脂豐富嘅牛小排用上紅茶嚟烹調減低油膩感。軟熟嘅荷葉餅就好似刈包咁包住唔同嘅滋味，層次感十足。

川風・擔擔寬蛋麵 - 意式同四川嘅靈魂同時存在喺呢道菜入面~麻香入面混合咗蕃茄嘅鮮同肉碎，花生嘅口感~🔥加埋唐辛子同京葱香氣十足~食得麻辣口味嘅推介試吓呢個少少 twist 嘅版本，有啲驚喜~

#上環茶室 #茶藝 #得閒飲茶 #teatail #上環美食