Instagram story viewer> @qle_202> Posts

قلــــــێ

@qle_202

66

followers

77

following

POSTS STORIES REELS TAGGED

ونبوەکان /

لەم شەو بەدواوە بەدوای خودایەک ئەگەڕێم
تا پیرۆزی بۆ ژیان بگەڕێنێتەوە ،
بۆئەوەی بەجۆرێکی تر سەیری جیهان بکەم
تا خۆمی لەناودا بدۆزمەوە ،
~~~~~~~~
جیهان پڕیەتی لە خودای کۆپیکراو
مامەڵە لەگەڵ هەستە نامۆکانی دەکات ،
لە جێماوەکان هەوڵ دەدات
تا قەرەبووی درەنگ کەوتنی گەردوون بکات ،
~~~~~~~
بۆئەوەی لە پەشیمانی گەردوون
سڵ نەکاتەوە وەك و سەرابێك لێی ئەڕوانی ،
ئەوەک ئەوەی لە تاراوگەدا
بەهایی تەنیایی بگەڕێنێتەوە دۆخی جارانی ،
~~~~~~~
ئیتر لە تاڵانکردنی پیرۆزی پەکم کەووت
بۆئەوەی هەناسەیەك قووت دەمەوە ،
پێویستە لە قوڵی چاڵاییەكدا
تۆڵەی ئەنفالی هزریم لە کۆپیکراو بکەمەوە ،
~~~~~~~~
هەر کاتێک خودام دۆزیەوە
بەڵێن دەدەم تا ئەبەد بەهیچ کەس نەڵێم ،
نەبادا لە بیابانێك و لە بناری شاخێکدا
بیدزن و کۆپیکەن لێم ،
~~~~~~~
قلـــێ ✍️
١٩ / ٦ / ٢٠٢٦
پارکی شانەدەر by @qle_202

2

1

4 months ago

من و کتێب

من :
ئەی کتێب تۆ نەباڵت هەیە نەگیان
چۆن ئەگەیتە هەموو شوێنێکی جیهان ؟

کە گیانت نیە چۆن باڵ ئەگری
دەی کە باڵیشت نیە چۆن ئەفڕی ؟

کتێب :
من گیانی تۆم لە جیهانی تۆ
دانەبڕاوی ڕاستیەکان لەخەیاڵدانی تۆ

گەر دەتەوێ بمناسی بە چاکی
میوانداریم بکە بە ڕاستی و پاکی ،

من :
لەکۆتا ترسم هەیە لە ناسینی تۆ
دەبم بەدوژمن لەسایەی گیانی تۆ

نەفرەتم لێ ئەکەن گشت جیهان
بێبەش دەبم لە دەسکەوتی ژیان ،

کتێب :
مەترسە دەستکەوتی ژیان لای منە
کێ ئەڵێ ژیان خواردن و خەوتنە

باش بزانە خۆراکی ئەقڵت هەر منم
پێڕستی ژیانی ووردت هەر منم .

قلـــــێ ✍️ ٢٥ / ٥ / ٢٠٢٦

ماڵی وەفایی 📚 by @qle_202

7

0

4 months ago

پەتای عەقڵ 🦠

ئەمڕۆ لە مانشێتی هەواڵەکان هۆشداری درا
پەتایەك بڵاو بۆتەوە لەهەرچوار قوڕنەی جیهاندا
بۆپشتڕاستکردنەوەی ئەم هەواڵە نەخوازراوەدا
‏(WHO)بڕیاری کۆبونەوەی بەپەلەی لەسەردا ،

دوای گفتوگۆ و داڕشتنی پیلانی وورد
بڕیاری بەدوواداچوون درا دەست و برد
بۆگەیشتن بەهۆکارو تەشەنەی پەتای بڵاو
سەرمایەداران کەوتنە پێشبڕکێ لەسەر دراو ،

ڕۆژنامەو میدیاو شاشەی تیڤی هاوکاربوون
سپۆنسەری سەرەکی سوودخۆرەکان بوون
لە ئەنجامی ماندوو بوون و شەونخوونی
گەیشتنە ئەنجام،ڤایرۆسی نوێی چوار وەرزی ،

نەخۆشخانەو پەرستگا کەوتنە ململانێ
یەك ئەڵێ ڤایرۆسی کۆنە یەك ئەڵێ نوێ
سەرئەنجام بۆچارەسەر هیچ بڕیار نەدرا
منیش کڵاشم دڕاو هیچم پێ نەبڕاااااا .

قلــــێ ✍️
١٦ / ٥ / ٢٠٢٦ هەولـــــێر by @qle_202

5

4

5 months ago

دارەدەستە

بەرەبەیانێکی ناسک ، نەرم
بە ڕەنگە سروشتە خۆڵەمێشکەی
لەتاودانی زەردی زێڕینی خۆرهەڵاتەوە،

هێشتا خۆری لاواز لەودیوو تەلارە
هەوربڕەکان خۆی مەڵاس دابوو
بۆخوسانەوەی مەزرایەکانەوە ،
ئیتر ڕوانین و تێفکرینم لە پەنجەرەی
ئەم بەندیخانەوە سودی چیە
جگە لە هەندێ بیرەوەری یاخی ،

سەیری ئەو مێش و مەگەزە برسیانەم ئەکرد
لە سەر شوشەی پەنجەرەکان لێیان ئەڕوانیم ،
تۆ بڵێ ی ئەم مێشولە خوێن مژانە
دەستە و تاقمی کام گەرەك و
کام مەزرای ئەم شارە بن ؟

رۆحم خەریکی پیتاندنی گەرد بوو
ئەڵهای بیستنی پەیامێکی بوێر بوو ،
هەنسکی شەوانم بۆبەیانیەکی
فرەڕەنگــی دور لە لێڵی بوو ،

بەڵام هێشتا ئاتاجی دوو گوێی لەقم
بۆشیکردنەوەی ئەو مەتەڵانەی کە
لەدەمی فس فس پاڵەوانەکان ئەیبیستم ،

من هێشتا ئاتاجی دوو چاوی ساغم
بۆپێشوازی ئەو حاجیانەی بۆزیارەتی
کوێستانەکانم بە زیکە زیکی زیکریان
وەک هەنگ خەریکی دزینی خونچەن ،

من بە بازووێک و لەپێکی سستەوە
بە قوتیەک ئاوێتەو خامێکی پیرەوە
تەنها خەریکی بەرگری کردنم لە کەلەپورەکانەوە ،

ژێی دەنگم قەوزەی گرتووە
هێزی بازوو و پەنجەم سست بووە
ئەندێشەی ماندووم لەنگەری گرتووە ،
وەك دارەدەستەیەك چیترم نەگوتووە .

قلــــــێ ✍️
٢ / ٥ / ٢٠٢٦ _ هەولێر by @qle_202

18

4

5 months ago

ڕووخانی بتەکان 🔨🗿
ـــــــــــــــــــــــ

بە تاوانی شکاندنی بتەکان
خەریك بوو ئاگرێک بەربێتە گیانی إبراهیم
خودا و فریشتەکان فریای کەوتن ،
کاتێك من خەریکی شکاندنی
بتەکان بووم ،
هێزێک تاوی دەدا و سەقامگیری
دەروونمی دەشێواند ،
کە چارەگە سەدەیەك بوو
بوونمی کردبوو بە کۆیلەی بتەکان
ئەو بتانەی بە هووتافی باوی خۆیان
ڕۆشنایی ئەندێشەمیان
تاریك و لێڵ دەکرد ،
تا ئێوارەیەکی ماندوو
تیشکی ڕووناکی لە ئاسۆدا وون دەبوو ،
ئەو چەکوشـــە پۆڵاینـــەی
دەستی کرد بە ڕوخـــــــانی بتەکـــان
دەمەو بەیانی
تیشکی خۆری زەردەپـــەڕ
دەیدا لە دیواری بتخــانـەکان ،
ئازادی وەك و هێرۆ و یاسەمین
چرۆی دەکـــــرد ،
بەڵام ڕاهیب و قەدیسەکانی
دەورووبەرم خەریکە وردە وردە
بە چڕنووکی تیژی دەستیان
شکۆڤەی گوڵکانم هەڵدەوەرێنن و
دەیانسوتێنن ،
مارمیلکە و جورج ومار
قەد و لق و پۆپی گوڵەکان دەقرتێنن ،
مۆریانە و کرم و مێروولە
ڕەگ و ڕیشەیان هەڵدەتەکێنن ،
وەك هێمایەك بۆ زوهد و پیرۆزی خۆیان
نەخشی پیرۆز هەڵدەچنن ،
تا بیکەن بە هەوێنێك ،
بۆ ڕۆژی پاداشت بۆ وەرگرتنەوەی قەرزێك ،
قوربانی من نەبۆ ڕۆژی قەرزە ،
نەبۆ پاداشتی فەرزە ،
قوربانی من نەبەرانە و نە جوانەگا ،
تەنها ڕووخانی بتە لە گۆمەڵگا ،

قلــــــــــێ ✍️
٢٠ / ١١ / ٢٠٢٥ by @qle_202

7

0

10 months ago

ئێورەیەکی زەردەپەڕ
باڵێ کێشابوو بەسەر باشوری وڵاتە
لەتکراوەکەم ،
بە ڕۆشناییەکی کز وەک ئەوەی
بەنێو تەمێکی چڕ تێپەڕێ
خۆی دەخزاند بە شووشەی پەنچەرەی
تەڵخکراوی ماڵەکەم ،
وەكو جەندرمەیەك بێ مۆڵەت و
بێ لەدەرگادان
وەك حەرەمسەرایەکی
بێ پاسەوان ،
بیرۆکەی لابوو
بیرۆکەی داهێنان،
هەر کە زەردباوی خۆری لاوز
لە پشتی شاخە بێ پاسەوانەکان
وون دەبوو
دەرگایەك بۆ شەمشەکوێرەکان
واڵا دەبوو ،
بەڵام ئەم شەمشەمەکوێرانە هێندە
تەمەڵن
زیاتر لە گیانەورەکانی دەرووبەریان
بودەڵە ترن،
بەڵام لێزانتر و هۆشیارترن ،
بودەڵەکان نە خەریکی گۆرینی ژیانی خۆیانن
نەهیچی لێ دەزانن
ڕقیان لە داهێنانە و دەستەوەسانن ،
بودەڵەکان وەك سەبای صالحان
چاوەڕێن لەستارێک
بۆ گرتنەوەی فاڵێک تا باوەش
بکەن بە چارەنوسێك ،
ئەمە بیرۆکەی شەمشەمەکوێرەک بوو
وەك مێژوو پێشتر پێی ئاشنابووین ،
کاتێك دووبارە زەردەپەڕی بەیانی
بە توندوتیژیەکی بێ بەزییانە
وەك مێژوویەکی دووبارە خۆی تاو دەدا ،
بەسەر ئاپۆڕایەکی جەماوەردا
بەسەر سنگی ڕووتی کچێکی ئەتکراودا
بەسەر پشتی منداڵێکی خنکێنراودا
بەسەر ملی باوکێکی سەربڕاودا
بەنێو گەڵای دار زەیتونێکی بڕاودا
بەنێو دووکەڵێکی نەوتاویدا
بەنێو شارێکی زەفتکراودا
هەوڵی سڕینەوەی نەخشەیەکی دەدا !
ئەمەیان بیرۆکەی قەلەڕەشێك بوو
لەنێو وڵاتە بێ نەخشەکەدا .
قلـــــــــــــێ ✍️
١٣ / ١١ / ٢٠٢٥

هەولێر / شەقامی ١٢٠ مەتری by @qle_202

8

0

10 months ago

کاتێک بڕیار دەدەین بەدکار نەبین ئەگەر دژی بەرژەوەندیەکانمان بێت ئەوکات باش دەزانین - بەئازادی دەجولێینەوە by @qle_202

30

14

2 years ago