Instagram story viewer> @bngdeoutes> Tagged

BNG Outes

@bngdeoutes

undefined

POSTS STORIES REELS TAGGED

📍 Un só deputado, unha voz para toda Galiza.

Newtral analizou máis de 40.000 preguntas parlamentarias rexistradas no Congreso ata abril de 2026. A análise destaca o traballo de Néstor Rego, que levou preguntas sobre os 313 concellos galegos, malia ser o BNG un só dos 23 deputados elixidos por Galiza. Ademais, no primeiro trimestre de 2026 rexistrou 1.231 preguntas ao Goberno, sobre actuacións en distintos municipios galegos.

🗳️ Nas eleccións xerais do 29N, defendamos unha representación que leve os problemas e as necesidades do país ao Congreso.

Co BNG, Galiza Gaña.❗️

29

3

𝗛𝗢𝗠𝗘𝗡𝗔𝗫𝗘 Á𝗦 𝗠Á𝗥𝗧𝗜𝗥𝗘𝗦 𝗗𝗘 𝗖𝗔𝗡𝗦 💐

📅 O vindeiro 12 de outubro ás 12:00 h celebraremos na Ponte de Cans, en Nebra (Porto do Son), a homenaxe ás Mártires de Nebra, no 110 aniversario deste episodio da nosa historia. Así nolo conta Sol Agra, responsábel comarcal, neste vídeo.

💬Contaremos coas intervencións políticas de Mariña Castelao, Balbino González e Rosana Pérez, e cunha intervención musical de Mini Rivas.

Agardámoste!

134

32

☀️ O domingo, a Praza do Tapal foi punto de encontro para poñerlle cara ao proxecto do BNG para 2027.

🗳️ Balbino González en Porto do Son, Anxo Moledo en Lousame, Anxo Núñez en Outes, Ía Lago en Muros e Ricardo Suárez en Noia. Cinco concellos, cinco candidaturas e un mesmo compromiso: poñer as persoas no centro.

💙 Acompañados por Ana Pontón, compartimos unha mañá de encontro, propostas e moita forza para afrontar o novo curso político.

🚀 Isto non fixo máis que comezar. No 2027, mellor co BNG.

#MellorcoBNG2027 #BNG

55

0

💙 𝗔𝗖𝗧𝗢 𝗗𝗘 𝗣𝗥𝗘𝗦𝗘𝗡𝗧𝗔𝗖𝗜𝗢́𝗡 𝗔𝗟𝗖𝗔𝗟𝗗𝗔𝗕𝗟𝗘𝗦 𝗕𝗡𝗚 𝟮𝟬𝟮𝟳

O 20 de setembro damos o primeiro paso dun novo curso político que queremos vivir con ilusión e ambición, coa mirada posta en 2027.

✔️ En Noia presentaremos as nosas persoas alcaldables de Lousame, Noia, Porto do Son, Muros e Outes, cinco nomes que representan as ganas de transformar os nosos concellos e de demostrar que hai outra forma de gobernar: 𝗽𝗼ñ𝗲𝗻𝗱𝗼 𝗮𝘀 𝗽𝗲𝗿𝘀𝗼𝗮𝘀 𝗻𝗼 𝗰𝗲𝗻𝘁𝗿𝗼 𝗱𝗮𝘀 𝗽𝗼𝗹𝗶́𝘁𝗶𝗰𝗮𝘀.

🗣️ E faremos esta presentación acompañados pola nosa portavoz nacional, Ana Pontón, nunha mañá para celebrar cheas de ilusión e coller impulso. O 2027 está máis preto e 𝗮 𝗳𝗼𝗿𝘇𝗮 𝗱𝗼 𝗕𝗡𝗚 𝗻𝗼𝗻 𝗱𝗲𝗶𝘅𝗮 𝗱𝗲 𝗺𝗲𝗱𝗿𝗮𝗿.

📍 Praza do Tapal · Noia
🗓️ Domingo 20 de setembro
⏰ 12:30 h
🎶 Sesión vermú con DJ Casanova
☔ En caso de choiva, trasladarémonos ao Coliseo de Noia.

𝗩émonos en Noia!

💙 𝗢 𝘁𝗲𝘂 𝗰𝗼𝗻𝗰𝗲𝗹𝗹𝗼, 𝗺𝗲𝗹𝗹𝗼𝗿 𝗰𝗼 𝗕𝗡𝗚.

#MellorcoBNG2027

130

0

CEUTA: SOLIDARIEDADE NUNHA CRISE HUMANITARIA

📍 A situación que se está a vivir en Ceuta é unha crise humanitaria que require unha resposta gubernamental baseada no dereito internacional e na integridade de todas as persoas que están neste momento en territorio ceutí.

🚫 Porén, denunciamos a manifestación convocada pola FEMP, un acto que consideramos propagandístico e que contribúe a alimentar a xenofobia e a criminalizar as persoas migrantes.

🏛️ Unha convocatoria que, ademais, foi rexeitada pola maioría das forzas políticas con representación na FEMP, que denunciaron o uso partidista e antidemocrático desta institución.

🌍 O pobo galego coñece ben a realidade da emigración. Durante xeracións, milleiros de galegas e galegos tiveron que marchar da súa terra para buscar oportunidades e un futuro mellor. Por iso rexeitamos categoricamente calquera discurso que presente a migración como unha ameaza ou que deshumanice ás persoas migrantes.

🇪🇺 Esta deriva non é allea ao contexto europeo. A extrema dereita está a impulsar unha política migratoria cada vez máis baseada no control policial, nas deportacións e no recorte de dereitos. Desde o BNG rexeitamos estas políticas e as chamadas «directivas da vergoña», que sitúan o control migratorio por riba dos Dereitos Humanos e da acollida solidaria.

📢 E nas nosas comarcas vemos tamén como o PP urxe a convocatoria deste acto partidista mentres desaparece das loitas sociais que acontecen a cotío nas nosas vilas.

🏥 Non os vemos nas concentracións semanais en defensa dunha sanidade pública digna nin ao lado da veciñanza cando reclama servizos públicos, dereitos e unhas condicións de vida dignas.

🤝 Fronte á xenofobia, solidariedade.

86

1

Esta xente marabillosa organizou un concurso de relatos sobre o castelo de Outes, para darlle visibilidade a este elemento patrimonial que está abandonado e é descoñecido para a maior parte da propia población do concello.
Cando o BNG levaba a concellería de cultura e patrimonio, antes da moción de censura do PP, recolléramos os permisos de todas as propiedades nas que se atopa para poder limpalo e deixar á vista os muros que aínda se conservan. Xa tiñamos ó proxecto e orzamento, e só faltaba o permiso de patrimonio para comezar. Agora todo quedou parado e as ruínas do único castelo da ría, dos maiores da provincia, seguen cubertas de silvas.
Grazas a Maitane, a Tono,a Andrés e a Elixio por seguir visibilizando e poñendo en valor o que temos neste marabilloso concello.

17

2

🟦 Natividade González e Sol Agra reuníronse en Outes coa Asociación Veciñal Feira dos Carros de Cando para coñecer o seu labor de recuperación do patrimonio cultural, nun encontro no que tamén participou o portavoz do BNG na localidade, Anxo Núñez.

🗣️ «Grazas empeño da entidade», sinalou Agra, «este ano recuperaron a tradicional feira dos carros, que levaba máis de cincuenta anos sen celebrarse, cun rotundo éxito de participación».

🗣️ «Para a Deputación da Coruña é moi importante seguir de preto, e apoiar no que sexa posíbel, entidades profundamente comprometidas coa cultura», dixo González.

18

0

📢 Manifestamos o noso apoio ás mariscadoras de a pé da nosa ría, que se trasladaron ata a Confraría de Noia para amosar o seu rexeitamento ao convenio imposto pola Consellería do Mar.

🔍 Denunciamos a total falta de transparencia dun acordo que nin as propias mariscadoras coñecen en detalle, así como o desleixo institucional ao que a Xunta as está sometendo.

💸 A Xunta de Galiza ven de impoñer ás traballadoras un convenio precario, onde estipulan contías insuficientes de ata máximo 699 euros por persoa, dos cales 266 se retiran para abonar as cotas da seguridade social, polo que con 430 euros ao mes é unha cantidade irrisoria que as obrigaría a procurar outro traballo en terra, precarizando aínda máis o sector.

⛔ Ademais, a día de hoxe a Consellaría do Mar segue sen aprobar o ces de actividade para o marisqueo na ría, o que lles permitiría acceder ás axudas económicas de 1.000 euros mensuais do ISM.

⚠️ As traballadoras levan dende xaneiro sen cobrar e agora impóñenlles unha axuda de 699 euros, dos cales arredor de 300 van destinados á Seguridade Social. Mentres o sector atravesa unha situación límite, as traballadoras continúan sen respostas claras nin solucións xustas.

✊ Tamén criticamos a actitude do goberno local de Noia, composto polo PSOE e a Marea, que destacaron positivamente a chegada deste acordo precario ás mariscadoras por parte da Xunta.

🌊 Nós esiximos medidas valentes ante unha situación que grazas á inacción da Xunta parece insalvable. Debemos empregar todos os recursos posíbeis para aumentar a productividade da nosa ría e mellorar as condicións laborais das traballadoras e dos traballadores do mar.

143

9

🫱🏻‍🫲🏽 Hoxe recibimos a visita da deputada de Plans Provinciais e Asistencia a Concellos, Cristina García, acompañada da deputada Sol Agra, ao Concello de Outes.

📊 Durante a xornada puideron comprobar de primeira man o impacto real dos investimentos da Deputación da Coruña no noso concello, cunha achega estimada de 1,4 millóns de euros nas actuacións do Plan Único deste ano, que elevan a máis de 8 millóns de euros o investimento total nos últimos nove anos.

🗣️ “Esta é unha aposta para dotar aos concellos de autonomía e resolver os problemas reais da veciñanza, que ninguén coñece mellor que as propias corporacións municipais”, destacou Cristina García.

🙌🏻 Desde o BNG de Outes seguimos traballando para transformar o noso concello con actuacións fundaentais para dotalo de máis servizos.

👉🏻“Agradecemos os esforzos da Deputación na Coruña para nutrir o noso concello de obras tan necesarias como o saneamento na zona do Cruceiro, a mellora das beirarúas e da rehabilitación da parte superior do colexio vello do Cruceiro. Todo isto sumado ás subvencións nominativas como a acometida no campo de fútbol, logramos melloras substanciais que melloran a calidade de vida da veciñanza ”, afirmou Sol Agra.

31

0

17 de Maio | Manifestación pola lingua 🗣️🩵

👉🏻 Cada maio achegámonos ata a capital do país para reivindicar a nosa identidade, a mostra esencial da idiosincrasia do pobo galego: a nosa lingua.

👅 Fronte as políticas do PP que discriminan a nosa única propia lingua, achegando datos catastrofistas que nos sentencian a unha emerxencia lingüística sen precedentes, reivindicamos os nosos dereitos lingüísticos.

❕Nin un paso atrás: sempre en Galiza, sempre en galego!

#LinguaVitalXa

55

0

Mobilízate este domingo 17 de maio pola nosa lingua!
Fronte a pasividade da Xunta de Galiza en política lingüística, saímos á rúa para garantir os nosos dereitos 👅🩵

21

0

👉🏻 Mobilízate este domingo na capital do país, temos unha gran mobilización en defensa da nosa lingua organizado pola plataforma Queremos Galego baixo o lema “Galego, Lingua Vital”.

🕛 Domingo, 17 de maio ás 12h.
📍 Saída dende a Alameda en Compostela.

⚠️ Neste momento de emerxencia lingüística é fundamental encher as rúas para defender o futuro da nosa lingua.

O galego, lingua vital! 👅

9

0