Instagram story viewer> @iterrausc> Tagged
iterrausc(@iterrausc)'s profile avatar HD Profile

iterrausc

@iterrausc

undefined
POSTS STORIES REELS TAGGED
🎥 Compartimos o vídeo resumo da xornada @iterrausc-Craega, un encontro no que investigación e produción ecolóxica se sentaron á mesma mesa para falar dos retos do sector en Galicia. Baixo o título “Investigación e produción ecolóxica: construíndo alianzas para afrontar os retos do futuro”, a sesión reuniu representantes da produción ecolóxica galega e persoal investigador do iTerra, nunha mañá de intercambio, escoita e traballo compartido. Falouse de saúde animal, alimentación, medio ambiente, biodiversidade, innovación, territorio e, sobre todo, de como crear pontes útiles entre o coñecemento científico e as necesidades reais do sector eco 🌱 Grazas a todas as persoas que participaron e fixeron posible este primeiro paso para seguir construíndo colaboración entre investigación, certificación e produción ecolóxica en Galicia 💚 Ler artigo completo na nosa web. Ligazón na biografía!
0
Download
🔬✨ Esta tarde, o centro de Lugo convértese nun gran laboratorio aberto á cidadanía! De 18.00 a 22.00 horas, a ciencia sae á rúa coa celebración simultánea da iTERRA Night 2026 e da Noite Galega das Persoas Investigadoras (G-Night). 📍 A só uns metros de distancia, o Mercado Municipal, a Praza de Abastos e o seu soto encheranse de obradoiros, experimentos e actividades gratuítas para achegarnos á investigación dunha maneira diferente, práctica e divertida. 🧬 ADN, células, saúde animal, alimentación, solo, árbores, fibra óptica, algoritmos, redes sociais, resistencia aos antibióticos… Hai ciencia para todos os gustos e para todas as idades! Se aínda non tes plan para esta tarde, témolo claro: ven descubrir, experimentar e preguntar. A ciencia espérate no centro de Lugo! 🧪🙌 🕕 18.00–22.00 h 📍 Mercado Municipal + Praza de Abastos + soto da Praza de Abastos 🎟️ Actividades gratuítas #CampusTerra #iTERRANight #GNight #USC #Divulgación #Investigación #ciencia
0
Download
🧪✨ A Noite Galega das Persoas Investigadoras está de volta en Lugo! Este venres terá lugar, no Mercado Municipal Quiroga Ballesteros e na Praza de Abastos, unha nova edición da G-Night, que ofrecerá ao público unha vintena de obradoiros e experiencias interactivas de balde entre as 18:00 e as 22:00 horas. Organizado polo grupo de innovación docente @xuvenciencia e pola asociación de persoal investigador novo @agromar_docs, o evento permitirá ás persoas asistentes afondar en temas tan variados como a influencia dos algoritmos na decisión de compra, os riscos para a infancia e adolescencia dos terminais móbiles e das redes sociais ou a resistencia aos antibióticos das bacterias. Lembramos que, de xeito simultáneo, desenvolverase no soto da Praza de Abastos a primeira iTERRA Night, unha xornada na que a cidadanía poderá coñecer de primeira man as investigacións que se fan dende o Instituto de Saúde Global e Desenvolvemento Sostible ( @iterrausc ) do @campusterrausc no que será unha tarde de ciencia, experimentación e aprendizaxe para tódalas idades. Podes consultar toda a información sobre o evento na axenda da @universidade_usc 😊 #usc #campusterra #iterra #gnight #divulgacion
1
Download
XuvenCiencia súmase á primeira edición da iTERRA Night da man do seu proxecto Ciencia á Feira, unha rede de cultura científica informal e interxeracional que chega neste curso 2026/2027 á súa cuarta edición. A iTERRA Night é unha iniciativa do recentemente creado @iterrausc, Instituto de Investigación en Saúde Global e Desenvolvemento Sostible do @campusterrausc da @universidade_usc e terá lugar o venres, 25 de setembro, no soto da Praza  de Abastos de Lugo, de 18.00 a 22.00 horas. #usc #campusterra #iterra #gnight #investigación
0
Download
🔬🌛 Este venres tes unha cita coa ciencia no centro de Lugo! O día 25, entre as 18.00 e as 22.00 horas, terá lugar no soto da Praza de Abastos un novo evento de divulgación científica que non te podes perder: a iTERRA Night 2026. Esta actividade, que se realiza como evento asociado á European Researchers’ Night, será un escaparate perfecto para achegar á cidadanía as investigacións que se fan dende o Instituto de Saúde Global e Desenvolvemento Sostible ( @iterrausc ) do @campusterrausc, no que será unha tarde de ciencia, experimentación e aprendizaxe para tódalas idades. Durante a xornada as persoas asistentes poderán participar en diversos obradoiros e actividades prácticas que porán o foco en temáticas ben variadas, como o ADN, as células, a saúde animal, os microminerais, a alimentación, o solo, as árbores ou a fibra óptica. Podes consultar toda a información sobre o evento no xornal da @universidade_usc 😊 #usc #campusterra #iterra #gnight #investigacion
0
Download
🤝🐄 Fortalecer a colaboración entre universidade, empresa e sector primario. Esta é a razón de ser da ‘Cátedra USC-Lactalis España de Innovación e Emprendemento Gandeiro’, que vén de ser posta en marcha pola @universidade_usc e Lactalis España co fin de impulsar a innovación, a formación e a transferencia de coñecemento ao longo da cadea láctea e das explotacións gandeiras. No acto de presentación, a reitora @rosa.crujeiras e o director de Lactalis Compras y Suministros, José Sáez, salientaron a importancia estratéxica de reforzar os vínculos entre o ámbito académico e o tecido produtivo, clave para desenvolver solucións innovadoras que axuden a construír unha gandería máis resiliente, eficiente e preparada para afrontar os retos vindeiros. A Cátedra, que será dirixida polo profesor e investigador do @iterrausc Javier Bueno Lema, chega tras máis de 15 anos de estreita colaboración entre as entidades, nos que se desenvolveron numerosos proxectos vencellados á calidade do leite, á formación técnica, á transferencia de coñecemento e ao desenvolvemento de ferramentas de mellora das explotacións gandeiras. Podes consultar máis información sobre a nova no xornal da USC 😊 #usc #campusterra #lactalis #innovacion #catedra
0
Download
🪰 Producir máis proteínas, graxas e fertilizantes de alta calidade e dunha maneira máis sostible. Para isto servirá o sistema de control da humidade dos cultivos de larvas de mosca soldado que @bioflytech desenvolverá na súa biorrefinería de Palas de Rei xunto con @proeplausc, do @campusterrausc. En palabras do investigador de PROePLA e o @iterrausc, Tomás Cuesta, este proxecto buscará «un parámetro facilmente identificable que nos sirva de referencia para tomar decisións de rego dos cultivos en base a un patrón común». De tal forma que se poida automatizar o proceso, replicalo noutras factorías e incrementar a produción, impulsando a eficiencia e a sustentabilidade. Podes consultar toda a información sobre o proxecto na web da @universidade_usc.
0
Download
♻️ Os residuos agrogandeiros e forestais poden converterse nunha das grandes oportunidades para o futuro do medio rural. Na antesala de Agrovalor 2026, Pablo Souza-Alonso, investigador do @campusterrausc e membro do comité organizador do congreso e do @iterrausc, analiza os retos da bioeconomía circular, a saúde do solo e a transferencia da innovación ao territorio. Unha conversa sobre como conectar ciencia, empresa e administración para construír un sector agroforestal máis sostible, resiliente e competitivo. Podes ler a entrevista completa no noso blog. #agrovalor2026 #campusterra #agroforestal #USC
0
Download
🌱♻️ Aínda estás a tempo de inscribirte nas xornadas ‘AGROVALOR 2026’! O @campusterrausc acollerá o vindeiro mes de setembro este espazo no que profesionais do ámbito académico, empresarial, institucional e social porán en común os seus coñecementos sobre os grandes desafíos relacionados coa saúde do solo, a economía circular e a sustentabilidade dos sistemas agrarios. O encontro, nado no marco dos proxectos AGRORES e AGROMANURE, está organizado por UXAFORES, o @iterrausc , o Campus Terra, o @irnas_csic e a Fundación IN&FIAR. Se queres formar parte de AGROVALOR 2026, toma nota! 👇 📆 22 e 23 de setembro 📍EPS de Enxeñaría ✍️ Desconto na matrícula ata o 19 de xullo 📋 31 de xullo: data límite para o envío de resumos Podes inscribirte no enlace dispoñible na web de Agrores Agromanure 😉 #usc #campusterra #xestion #recursos #investigacion
0
Download
🌱♻️ Promover o intercambio de coñecemento e a colaboración entre os diferentes axentes implicados na xestión dos recursos. Este é o obxectivo de ‘AGROVALOR 2026’, un encontro de transferencia que terá lugar na @eps_enxenaria os días 22 e 23 de setembro no que se darán cita persoal investigador, empresas, administracións públicas e entidades de desenvolvemento rural para tratar algúns dos grandes desafíos actuais da agricultura e da xestión de residuos. Nas xornadas, organizadas polo departamento Edafoloxía e Química Agrícola, porase o foco en cuestións como a valorización de residuos orgánicos, os biofertilizantes, a saúde do solo ou os novos retos normativos que condicionarán o futuro do sector. ✍️ O encontro mantén o prazo de inscrición aberto. Tes máis información dispoñible no xornal da @universidade_usc 😊 📸 Sergei Gussev #usc #campusterra #recursos #residuos #agricultura
0
Download
🐟🔬 O peixe cebra como clave para afondar na enfermidade rara RFT1-CDG. Esta é a pedra angular da tese doutoral de Nerea Gandoy, investigadora do @iterrausc, un traballo baseado no uso do peixe cebra como modelo para avanzar no estudo da proteína RFT1, esencial na comprensión desta enfermidade rara da que só se coñecen 19 casos a nivel mundial. Dirixida polas profesoras Laura Sánchez e Maribel Quiroga no marco do proxecto Pelayo, a investigación permitiu describir en que órganos e sistemas está presente a proteína, observando que a súa distribución coincide con moitos dos órganos e sistemas afectados en pacientes con RFT1-CDG. Así, púidose xerar e caracterizar un modelo estable de peixe cebra cunha mutación no xene rft1 capaz de reproducir algúns dos síntomas e signos dos pacientes, o cal permitirá probar futuros tratamentos farmacolóxicos. Tes máis información dispoñible no xornal da @universidade_usc 😊 #usc #campusterra #peixecebra #investigacion #enfermidade
0
Download
🌱 Este mércores visitounos o equipo do Instituto de Investigación en Saúde Global e Desenvolvemento Sostible, @iterrausc, unha entidade ligada á @universidade_usc que foi presentada hai uns días na Facultade de Veterinaria do @campusterrausc. Xunto coa directora do instituto, Marta López; co secretario, Emilio Díaz, e cos investigadores Roberto Besteiro, Ruth Rodríguez e Silvia Rojo, analizamos posibles sinerxias entre as dúas entidades. A proximidade entre as nosas sedes é, sen dúbida, un bo punto de partida para impulsar novos proxectos en común. 💚 Sentáronse as bases para que o iTERRA poida apoiar varias accións do Craega e viceversa. Agardamos que sexa un gran paso que contribúa a tomar decisións estratéxicas de cara ao futuro. #Craega #Lugo #AgriculturaEcolóxica #SectorEco #ProdutoEcolóxico #Galicia
0
Download
back to up