Instagram story viewer> @vidreisn> Tagged

Viðreisn

@vidreisn

4.5K

followers

319

following

Viðreisn er frjálslyndur flokkur sem berst fyrir réttlátu samfélagi, stöðugu efnahagslífi og fjölbreyttum tækifærum.

POSTS STORIES REELS TAGGED

Í vor og sumar fór ég í hringferð um landið og heimsótti öll níu lögregluembættin til að ræða við lögreglumenn á hverjum stað fyrir sig um fyrirhugaðar breytingar á skipulagi lögreglu.

Mér finnst alltaf best að hitta fólk til að hlusta eftir sjónarmiðum.

Leiðarstefið við þessar skipulagsbreytingar er að skipulag styrki lögreglu hringinn í kringum landið.

Ætlunin er að stækka embættin. Og ég mun leggja fram frumvarp um starfandi verði þrjú stór lögregluembætti í stað þeirra níu sem eru mjög ólík að stærð og burðum.

Með stærri embættum skapast forsendur til að byggja upp stærri teymi. Mér finnst mikilvægt að undirstrika að þetta er breyting sem mun styrkja löggæslu á landsbyggðinni.

Með hverjum lögreglustjóra verði nokkrir aðstoðarlögreglustjórar, staðsettir hringinn kringum landið, þannig að öflugt teymi stjórnenda verði starfandi í hverju umdæmi fyrir sig.

Starfsstöðvar lögreglu verða jafnmargar og nú eru. Lögreglumenn verða jafnmargir starfandi og í dag. Innan umdæmanna verður áhersla lögð á staðbundna stjórnun og nærþjónustu.

Markmiðið er einfaldlega að til verði tvö öflug landsbyggðarembætti og eitt embætti á suðvesturhorninu.

Mun meira jafnvægi verður milli embætta með þessu fyrirkomulagi en nú er þar sem lítil embætti eiga að takast á við sömu skyldur og mun fjölmennari lið lögreglu í stærri embættum.

Ég er ánægð að finna jákvæð viðbrögð lögreglumanna og lögreglustjóra. Ég geri mér hins vegar grein fyrir að skoðanir verða alltaf skiptar um leiðir að markmiðum.

Skipulögð brotastarfsemi og önnur flókin mál virða hvorki landamæri né umdæmi lögregluembætta. Þau kalla á sterkari liðsheild, öflugri rannsóknargetu og meiri möguleika á að samnýta mannafla og þekkingu.

En skipulagsbreytingar eru auðvitað ekki eina svarið. Lögreglumönnum var fjölgað um 50 og þeim þarf áfram að fjölga á næstu árum. Ný stefna í löggæslumálum verður kynnt á næstunni sem og frumvarp um aðgerðir gegn skipulagðri brotastarfsemi. Þá erum við að stíga stór skref í fangelsismálum og með brottvísunum erlendra glæpamanna.

Markmiðið snýst alltaf um að auka öryggi fólksins í landinu.

3

1

Morgunsólin ekki að svíkja þennan daginn ☀️
Sveitarstjórnarþing Viðreisnar 🧡

15

0

Tók stöðu á kommentakerfinu alla leið frá Asíu ✌🏼 íslenskir hagsmunir að leiðarljósi, alltaf 🫱🏻‍🫲🏼🧡

224

12

Góðum tveggja daga fundi norrænna ráðherra útlendingamála í Stokkhólmi er lokið.

Við eigum í öflugu samstarfi, deilum sömu áskorunum og erum samstíga í áherslum og aðgerðum.

Við erum sammála um mikilvægi þess að fylgja ábyrgri stefnu í útlendingamálum, þar sem almannahagsmunir eru leiðarljósið og stjórnvöld hafa stjórn á málaflokknum.

Samstarfið skilar árangri.

Og það er styrkur fyrir okkur Íslendinga að vinna þétt með nágrannaþjóðum okkar og læra af reynslu þeirra í þessum mikilvæga málaflokki.

3

0

Við hjá þingflokki Viðreisnar mættum til fundar við Kennarasamband Íslands. Áttum góðan og fund um um árangur og áskoranir í skólastarfi, leyfisbréf, lögfestingu leikskólastigsins, menntun barna með erlendan bakgrunn, sameiningar og umræðu um menntamál almennt. Þökkum fyrir okkur!

10

0

Flutti ræðu um hvað Viðreisn hefur áorkað við það að einfalda rekstur fyrirtækja.

3

0

Góð tíðindi fyrir íslenskt atvinnulíf frá Víetnam 🇮🇸🇻🇳

Það var ánægjuleg stund að undirrita fríverslunarsamning EFTA-ríkjanna við Víetnam í Hanoi fyrir hönd Íslands. Með samningnum opnum við nýjar dyr fyrir íslensk fyrirtæki inn á ört vaxandi markað með yfir 100 milljónir íbúa.

Viðskipti Íslands og Víetnam hafa þegar verið að aukast. Á síðasta ári jókst útflutningur okkar til Víetnam um 40% frá fyrra ári. Þar vega sjávarafurðir langþyngst, en tækifærin eru miklu fleiri. Íslensk fyrirtæki búa yfir dýrmætri þekkingu og hugviti, meðal annars á sviði jarðvarma og grænnar orku en talið er að jarðvarmi sé á 250-300 stöðum í Víetnam. Þar getum við komið sterk inn. Sömuleiðis er fjöldi tækifæra í tæknilausnum, sem mikil eftirspurn er eftir víða um heim.

Með samningnum verða tollar á nær allan núverandi útflutning EFTA-ríkjanna til Víetnam felldir niður, ýmist strax við gildistöku eða í áföngum. Það þýðir betra samkeppnisumhverfi, greiðari aðgang að nýjum mörkuðum og aukin tækifæri fyrir íslensk fyrirtæki til að vaxa og skapa verðmæti.

Við Íslendingar erum lítil þjóð sem byggir stóran hluta velmegunar sinnar á viðskiptum við umheiminn. Þess vegna skiptir svo miklu máli að rækta viðskiptasambönd, ryðja hindrunum úr vegi og tryggja að íslenskt hugvit, vörur og þjónusta eigi greiða leið út í heim. Öflug utanríkisviðskipti skapa öösömuleiðis störf, verðmæti og aukna hagsæld hér heima.

Næst er það svo Kína þar sem ég mun eiga tvíhliða fundi, meðal annars við utanríkisráðherra og utanríkisviðskiptaráðherra Kína. Á þessum tímum er mikilvægt sem aldrei fyrr að treysta aðgang að mörkuðum og byggja þannig undir atvinnulíf og samfélag. Tækifærin eru víða 🫱🏻‍🫲🏼

3

1

Hagrænt gildi íþróttahreyfingarinnar 💫

42

0

Á Alþingi í dag fór ég með jómfrúarræðu mína þar sem ég ræddi um mikilvægi atvinnuuppbyggingar og nýsköpunar á landsbyggðunum og það að unga fólkið okkar sem sækir sér þekkingar og menntunar geti snúið aftur í sína heimabyggð, þar sem þau fá tækifæri til þess að skapa sér framtíð fyrir sig og fjölskyldu sína🤝

252

27

Tímamót í fangelsismálum

Fyrsta skóflustungan að nýju öryggisfangelsi á Stóra-Hrauni hefur verið tekin. Framkvæmdir við stærstu einstöku uppbyggingu í sögu íslenska fangelsiskerfisins eru að hefjast.

103

5

Gott spjall við Pál Magnússon á Sprengisandi í morgun 🫱🏻‍🫲🏼

Við fórum yfir stöðuna í heimsmálunum, mikilvægi þess að Ísland láti til sín taka á alþjóðavettvangi, góð verk ríkisstjórnarinnar og þau fjölmörgu verkefni sem framundan eru.

Það er ekki alltaf lognmolla í pólitíkinni og ýmsar áskoranir sem þarf að takast á við. En það má ekki missa sjónar á stóru myndinni. Við höfum þegar komið mikilvægum málum áfram og erum rétt að byrja!

Takk fyrir gott spjall, Palli. Alltaf gaman að mæta á Sprengisand 😊

3

1

Góður laugardagsfundur með borgarstjórnarflokki Viðreisnar.
Mikið af mikilvægum málum sem Viðreisn er að vinna að í Borginni.
Fjölmennur og líflegur fundur með grasrót flokksins og nokkrum þingmönnum.

8

0