Instagram story viewer> @xuvenlab> Tagged
XuvenLab(@xuvenlab)'s profile avatar HD Profile

XuvenLab

@xuvenlab

378
followers
418
following
Fago, logo aprendo.
Kits de experimentación científica para centros de ensinanza
Obradoiros de Divulgación científica
POSTS STORIES REELS TAGGED
Pilar España Fariñas, investigadora predoutoral no @campusterrausc da @universidade.usc, explica neste vídeo que a soberanía alimentaria é un cuestión de acceso seguro e económico aos alimentos, pero tamén de democracia e gobernanza. Ela será unha das especialistas que participará esta tarde (17.00) na xornada que preparamos para conmemorar o Día Internacional da Soberanía Alimentaria na Casa do Saber da Vicerreitoría da USC en Lugo, a carón de Ángeles Romero, catedrática de Tecnoloxía dos Alimentos; David Miranda Barrós, catedrático de Enxeñaría Agroforestal, e Mar Pérez Fra, do Departamento de Economía Aplicada, todos da USC. Tamén participa Marcos Vázquez Marey, do @craegagalicia. Vinde!! Ciencia á Feira é un proxecto financiado pola @fecyt_ciencia e a @vicedepulugo. @xuvenlab @eps_enxenaria @fveterinarialugo @facultadedeciencias @cultura_usc @revistasoberaniaalimentaria #soberaniaalimentaria
2
Download
Mañá, 16 de outubro, celebramos o Día Internacional da Soberanía Alimentaria coa estrea dun novo vídeo de Ciencia á Feira. Convidámosvos a falar de alimentación saudable, de territorio, de futuro, de democracia e de gobernanza cun panel inmellorable. 📍Será na Casa do Saber do Vicerreitorado da USC en Lugo. 🕔Ás 17.00 horas. @universidade.usc @campusterrausc @xuvenlab @craegagalicia @vicedepulugo @fecyt_ciencia @eps_enxenaria @fveterinarialugo @facultadedeciencias @cultura_usc @revistasoberaniaalimentaria #soberaniaalimentaria
0
Download
Que agochará esta caixa? 👀 Un ano máis, contamos con @xuvenlab como patrocinador do Ciencia Calidade💙 Nesta caixa escóndese un pequeno tesouro (tecnoloxía, creatividade e ciencia nunha mesma peza) que irá parar ás mans da persoa gañadora desta edición. Moitas grazas a #XuvenLab por seguir apoiando a divulgación científica en galego. E grazas tamén ao resto dos nosos colaboradores e patrocinadores por axudarnos a coidar cada detalle desta experiencia. Co-organiza: @divulgaccion Patrocinan e colaboran: @deputacionou @universidadedevigo @reizentolo_oficial @cafescandelas @diego_gonzalezarias @alejandrorealphoto @ingenyus.es @thebiofactory @pontelabs @adegaterrasmancas @fina_rei @siladulcesartesanos @ganderiaquintian @arroutadanigran @nauticocastrelo @milongasparrillada @ceosgalegos @xuvenlab #Comunicaciencia #DivulgaciónCientífica #CienciaEngalego
0
Download
A saúde dos solos constitúe un dos grandes retos ambientais aos que se enfronta Europa. O proxecto SUS-SOIL (Sustainable Soil and Subsoil health promotion by implementing agroecological land use and management to enhance ecosystem services delivery for society) pretende mellorar o coñecemento e a xestión sustentable do solo e o subsolo, fundamentais para a produción de alimentos, o mantemento da biodiversidade e o equilibrio dos ecosistemas. Está financiado polo programa Horizonte Europa cun orzamento de seis millóns de euros. A @universidade_usc exerce a coordinación de SUS-SOIL a través do o Grupo de Investigación en Sistemas Agroforestais e Agroecolóxicos da @eps_enxenaria do @campusterrausc, liderado pola catedrática María Rosa Mosquera Losada, que dirixe un consorcio integrado por 22 socios de 15 países. Unha das principais apostas de SUS-SOIL é a posta en marcha dunha rede 15 Laboratorios Vivos. Estes espazos de innovación permitirán probar e avaliar prácticas agroecolóxicas e modelos de manexo sustentable adaptados ás particularidades de diferentes rexións europeas. O laboratorio vivo galego será o protagonista da actividade que SUS-SOIL presentará na @gnight_gal de Lugo. A través dunha proposta práctica e participativa, as persoas asistentes poderán explorar o funcionamento do solo, coñecer os efectos dos incendios e achegarse aos organismos microscópicos que contribúen á súa fertilidade. XuvenCiencia e @agromar_docs organizan a G-Night luguesa.
0
Download
A Unión Europea impulsa unha nova fronteira tecnolóxica co proxecto @repowersic.euproject, unha iniciativa financiada baixo o programa EIC Pathfinder da EuropeanCommission que busca transformar a o xeito no que se transmite enerxía no espazo, especialmente en misións desenvolvidas en rexións de iluminación limitada, como as noites lunares ou os cráteres en sombra permanente. As persoas que se acheguen o venres 25 de setembro á @gnight_gal de Lugo, ademais de información do proxecto, poderán ver demostradores de probas de concepto realizadas tanto no Centro de Investigación en Tecnoloxías Intelixentes (@citiususc) como na @eps_enxenaria do @campusterrausc da @universidade_usc. Nestes demostradores inténtase mostrar a problemática de transmitir enerxía no espazo e como dende o proxectoRePowerSiC se atende a esta necesidade. A USC lidera o proxecto europeo rePowerSiC, que procura desenvolver un sistema innovador de transferencia sen fíos de enerxía mediante láser de alta potencia e conversores fabricados con carburo de silicio (SiC), capaces de transmitir enerxía a grandes distancias. A achega fundamental desde a EPSE do Campus de Lugo da USC proporciónana investigadores como Enrique Comesaña Figueroa e Daniel Nagy. Na G-Night de Lugo, organizada por XuvenCiencia e @agromar_docs, poderedes coñecer polo miúdo esta iniciativa.
0
Download
GREENCOOP (Green Transition through Cooperation models), coordinado polo Grupo AGROFORECOL da @eps_enxenaria do @campusterrausc da @universidade_usc, chega como novidade á @gnight_gal luguesa de 2026 na súa cita do derradeiro venres do mes de setembro. GREENCOOP pretende establecer unha rede de colaboración multiactor internacional para promover innovacións agroecolóxicas e dixitais no medio rural, coa fin de mitigar o impacto dos desafíos socioeconómicos (despoboamento, envellecemento, etc) e ambientais (biodiversidade, emisións de carbono, etc.). A experiencia que GREENCOOP levará á G-Night permitirá coñecer o papel do porco celta en extensivo como “desbrozadora natural” dentro dun sistema agroforestal. A proposta presenta esta raza autóctona galega como parte dun modelo de xestión que pode integrar o aproveitamento dos recursos naturais e as novas tecnoloxías e a recuperación de prácticas tradicionais. As persoas visitantes poderán descubrir as ferramentas dixitais poden apoiar ao deseño de modelos máis eficientes de xestión que permiten empregar solucións tradicionais para aproveitar os recursos do monte. O proxecto contará cunha rede de 15 laboratorios vivos na Unión Europea, distribuídos polas principais rexións bioxeográficas, e dous en China, promovendo o intercambio de coñecementos e experiencias entre diferentes realidades rurais. Un dos obxectivos de GREENCOOP é desenvolver cinco estratexias de innovación agroecolóxica e dixital, adaptadas a cada rexión: abastecemento de enerxía, xestión de nutrientes, control da vexetación adventicia, conexións territoriais e seguridade hídrica. XuvenCiencia e @agromar_docs organizan a G-Night de Lugo.
0
Download
XuvenCiencia súmase á primeira edición da iTERRA Night da man do seu proxecto Ciencia á Feira, unha rede de cultura científica informal e interxeracional que chega neste curso 2026/2027 á súa cuarta edición. A iTERRA Night é unha iniciativa do recentemente creado @iterrausc, Instituto de Investigación en Saúde Global e Desenvolvemento Sostible do @campusterrausc da @universidade_usc e terá lugar o venres, 25 de setembro, no soto da Praza  de Abastos de Lugo, de 18.00 a 22.00 horas. #usc #campusterra #iterra #gnight #investigación
0
Download
Hoxe é o Día Internacional do Alzhéimer. Por iso estreamos *Alzhéimer: coñecer para previr e acompañar*, o primeiro da serie de vídeos previstos no proxecto Ciencia á Feira 2026/2027. Nesta peza audiovisual dámoslle visibilidade a toda a investigación que se realiza desde o @campusterrausc da @universidade_usc, desde distintas áreas de coñecemento: bioquímica, química-física, intelixencia artificial e etoloxía veterinaria. Do mesmo xeito, agradecemos a xenerosidade da Asociación de Familiares de Enfermos de Alzhéimer e outras Demencias de Lugo, @afalualzheimer. Ciencia á Feira é un proxecto recorrente na convocatoria de fomento da cultura científica da @fecyt_ciencia do @cienciagob e conta tamén co financiamento da Área de Medio Rural, Mar e Mocidade da @vicedepulugo @eps_enxenaria @facultadedeciencias @fveterinarialugo @rof.codina @xuvenlab @cultura_usc @danigfdez
2
Download
Entre as propostas desta edición da @gnight_gal de Lugo destaca @removirt H3D, unha experiencia interactiva que lle permitirá ao público explorar fígados humanos en 3D, reconstruídos a partir de tomografías do Hospital Álvaro Cunqueiro de Vigo e grazas ao traballo de investigadores da Escola Politécnica Superior de Enxeñaría (@eps_enxenaria) do @campusterrausc da @universidade_usc. A iniciativa achegaralles aos visitantes do Mercado Municipal Quiroga Ballesteros do @concellolugo as posibilidades da reconstrución e do modelado virtual aplicados á planificación da cirurxía hepática. REMOVIRT H3D está promovido polo Instituto de Investigación Sanitaria Galicia Sur (@iisgaliciasur), vinculado ao Hospital Álvaro Cunqueiro de Vigo, en colaboración coa Universidade de Santiago de Compostela (USC) e investigadores da Universidade da Coruña. Entre os responsables do proxecto atópanse o cirurxián Sergio Estévez Fernández, coordinador da Unidade de Cirurxía Hepato-Bilio-Pancreática do CHU de Vigo, e Enrique Comesaña Figueroa, profesor do Departamento de Electrónica e Computación no Campus de Lugo, que é tamén o investigador principal do equipo da USC. O proxecto, financiado polo @cienciagob a través do programa estatal Generación del Conocimiento, conta cun orzamento de case 200.000 euros e desenvolverase ata o ano 2027.
0
Download
XuvenCiencia e @agromar_docs organizan desde o @campusterrausc da @universidade_usc a @gnight_gal ou Noite Galega das Persoas Investigadoras, que se celebrará o venres 25 de setembro con actividades participativas para público familiar. A cita será no soto da Praza de Abastos e no Mercado Municipal Quiroga Ballesteros do @concellolugo, de 18.00 a 22.00 horas. Como novidades, poderedes achegarvos ao noso *supermercado imposible* e participar nun obradoiro sobre os riscos que supoñen as pantallas na infancia e na adolescencia. Hai actividades para persoas de todas as idades e son todas de balde ata completar aforo. E si, volvemos levar o noso areeiro de realidade aumentada, que moito vos gusta ano tras ano. Nos vindeiros días debullaremos a programación, así que estade á espreita na nosa web e nas redes sociais. Colaboran: @depulugo @vicedepulugo @xuvenlab @removirt @repowersic.euproject GREENCOOP SusSoil
0
Download
O luns 21 de setembro conmemórase o #DíaInternacionaldoAlzhéimer. Na súa edición 2026/2027, desde o proxecto Ciencia á Feira propoñémomos visibilizar a investigación e o traballo que se realizan desde Lugo e desde o @campusterrausc da @universidade_usc para abordar unha doenza que ten unha grande incidencia en poboacións envellecidas como a da nosa provincia. Queremos estar a carón das persoas que coidan, como @afalualzheimer, que tan xenerosamente está a colaborar nesta iniciativa. Convidámosmos a un evento que terá lugar na Casa do Saber da Vicerreitoría da USC ese mesmo luns, 21 de setembro, ás 16.00 horas. Estrearemos, asemade, o vídeo 'Alzhéimer: coñecer para previr e acompañar'. Ciencia á Feira desenvólvese co apoio da @fecyt_ciencia e da área de Medio Rural, Mar e Mocidade da @vicedepulugo @eps_enxenaria @facultadedeciencias @xuvenlab @danigfdez
0
Download
Este verao que está por rematar deixounos varias ducias de concellos galegos que aínda están en prealerta por seca. Damos por feito que en Galicia sempre chove, pero ter ao noso dispor auga de calidade e potable non é tan doado como que caia do ceo. Queres saber como funciona o ciclo urbano da auga e como é que aparece nas nosas billas? O dereito á auga é un dereito universal recoñecido por Nacións Unidas e un dos obxectivos de desenvolvemento sustentable. O coñecemento científico e técnico permítenos comprender o ciclo da auga —é o que chamamos hidroloxía—, modelar os seus fluxos e a súa calidade, integrar a ecoloxía e desenvolver tecnoloxías eficientes para o rego, tratamento e mesmo facer que a auga salgada sexa doce. A ciencia axúdanos a poñer en marcha políticas que garantan a auga para nós e para as persoas que virán e tamén a saúde do planeta. Ciencia á Feira desenvólvese co apoio da @fecyt_ciencia e da área de Medio Rural, Mar e Mocidade da @vicedepulugo @universidade_usc @eps_enxenaria @efervesciencia @campusterrausc @xuvenlab @danigfdez
0
Download
back to up