Instagram story viewer> @talkfood> Posts

TalkFood 港飲港食

@talkfood

283.1K

followers

1

following

先填飽肚子再前進
📧 ：[email protected]
😊 @talksofun 有齊最新最chill最fun資訊
🍋檸檬茶lemon tea，由茶記到半島，由中環到大西北，骨子裏還是0T。疲憊的生活裏還有甚麼事？吃完喝完再說吧。

POSTS STORIES REELS TAGGED

[#去玩嘢] Sherman & Sukie 出巡出題！街訪維園街坊潮語知識！ 🎤🔥

上幾集 Sherman 同 Sukie 成功挑戰咗唔同嘅潮語，今次升呢做小編由佢哋親自出街做街訪！😎

去到維多利亞公園，搵埋唔同年齡層嘅街坊，考盡上至老友記、下至小學生，睇吓邊個先係真正嘅潮語大師？🧐✨

想知有咩爆笑回答？快啲睇片啦！☝️

想睇更多最新最快玩樂好fun資訊，快啲Follow @talksofun by @talkfood

193

13

21 hours ago

#TF 【#吃好吃】$70+杯值得食？中環排隊希臘乳酪雪糕必試杜拜朱古力醬+莓乾

最近每次行過中環威靈頓街，一定見到超長排隊人龍！
來自西班牙馬德里嘅人氣希臘乳酪雪糕品牌 MYKA，早前開咗亞洲首間旗艦店啦！
小編以為開張了一段日子，人潮應該稍稍退卻，特意選在平日11點開門準時到達，點知，已經有人排隊等食，真誇張！

MYKA 於2023年在馬德里起家，短短時間已經擴展至全球17個國家，連紐約、巴黎同倫敦都有分店！主打原材料用正宗希臘乳酪，加山羊奶克菲爾乳酸菌，每日香港新鮮製造，非常新鮮！

店內超貼心設有小杯免費試食乳酪雪糕，大家可以試咗口味先決定下單！
乳酪雪糕分細、中、大3種尺寸，分別是：細 - 1 Toppings $58.9 / 中 - 2 Toppings $71.9 / 大 - 3 Toppings $84.9。
店內提供30款以上地中海風味配料，由各式堅果、手工果醬到經典果仁蜜餅都有得揀！

乳酪雪糕口味不定期推出，當日是招牌原味及肉桂味，小編選混合口味乳酪，加配超熱門杜拜朱古力醬 + 莓乾Toppings。

杜拜朱古力醬跟乳酪雪糕，一啖入口，嘩！大推朱古力醬，非常濃稠，夾雜脆脆，非常crunchy！莓乾酸甜清新，食落口感層次超豐富，真係一啖接一啖，瞬間KO一整杯。

招牌原味乳酪雪糕，質感輕盈，相當滑順綿密，帶淡淡奶香，味道比一般乳酪雪糕酸些少。

今期肉桂味乳酪雪糕，肉桂香氣其實幾突出，如果撈埋太重口味Topping，肉桂味有機會被掩蓋。

私心建議肉桂味配淡味 Toppings，例如堅果或簡單蜂蜜，甚或直接食用都唔錯。

坦白講，2 Toppings 70幾蚊一杯確實有少少貴，但食落無論質感定配料都好有水準，整體絕對係值得試。

最後小編溫馨提示大家，現場的而且確要排一段時間，事關每位客人入到去除咗可以先試食之外，面對成 30 款 Toppings 仲好容易會眼花撩亂、十五十六揀唔定！建議大家去到之前可以睇定 Menu，諗定心儀嘅配料組合，咁就可以快手點單啦！

MYKA Greek Frozen Yogurt @myka_greek.hk
地址：中環威靈頓街43號新利大廈地下D號鋪
營業時間：星期一至日 11am-10pm

#雪糕 #乳酪 #TalkFood #TalkFood中環 by @talkfood

995

9

a day ago

【#試一次】全球最大嘉年華 Oktoberfest 10 個 AIA 咁大？！+ 實用小貼士

每年 9-10 月喺德國慕尼黑舉行 Oktoberfest 係全球最大的嘉年華！活動歷時 18 日，每年有超過 600 萬來自世界各地的人次入場，情況就等同於差唔多全香港人都去 AIA 嘉年華玩，好誇張！場地佔地都十分驚人，大約等於 10 個 AIA 嘉年華咁大。場內有超過 80 款大型遊樂設施及多不勝數的攤位游戲，玩幾日都玩唔曬！

唔好以爲只是去鍾意飲啤酒嘅朋友先去啊！其實好多一家大小去㗎, 而且仲有特定的 family day，小朋友有特別機動游戲及攤位優惠。

實用小貼士：
🍻 會場有好多不同大小不同特色的 beer tent, 基本上都唔需要提前 book，大可以到時 walk in，試多幾個帳篷感受吓氣氛！大型嘅帳篷可以容納超過一萬人㗎！
💶 場内大部分食物同活動都係只收現金，記得準備定現金！機動游戲大部分都係 1.5 歐羅一次，而攤位游戲就大約 3 歐羅一次。
🪪 入場安檢嚴格，只可以帶容量最大為 3 公升、尺寸為 20 × 15 × 10cm 的隨身袋。
✈️ 如果有計劃下年去，記得要早啲 book, 小編比較遲 book，酒店大約係平時 3 倍價錢。

Oktoberfest @oktoberfest
2026 年9月18-10月 3 號（每年時間略有不同，以官方公佈時間作準）
慕尼克 Theresienwiese

想睇更多最新最快玩樂好fun資訊，快啲Follow @talksofun！ by @talkfood

183

0

2 days ago

【#試一次】將架車直接揸入酒店房你試過未？

全新欄目【試一次】隆重登場！✨ 人生最緊要是親身體驗，只要夠好玩、夠有趣，我們一定去試，然後同大家分享！

今次帶大家來到德國法蘭克福的 b’mine Frankfurt Airport Hotel - 可能係全球唯一一間可以讓你把愛車直接揸上樓、泊係房間門口的奇新奇酒店！利用專利的 Carloft 技術，架車搭乘專用車梯直達樓層，一開房門架車仔喺你身邊就在你身邊 😍

📍 b’mine Frankfurt Airport Hotel @bminefrankfurt
地址： Max-Holder-Straße 34, 60314 Frankfurt am Main, Germany

想睇更多最新最快玩樂好fun資訊，快啲Follow @talksofun！ by @talkfood

3k

12

3 days ago

#TF 【#吃好吃】退休工程師深水埗開平民扒房加工改裝薄餅爐炮製超值威靈頓牛扒仲有驚喜安格斯牛柳叉燒飯

要吃高質牛扒，在深水埗平民區一樣有好選擇！
開業7年的平民扒房餐廳Supreme Steak & Grill，主打性價比高的優質牛扒，封門柳、西冷牛扒等，一應俱全，質素不輸人氣餐廳；最貼心是，晚市光顧，更有無限添加薯條，贏得不少愛吃牛扒的客人支持。

最近，餐廳推出全新威靈頓牛扒，只需二百多元，食到傳統英式味道，加上免加一收費，全部手工自家製，由炒醬、包餡到焗製一手包辦，誠意十足，非常抵食，沒有太多宣傳之下，不少客人跨區幫襯！！
「其實煮食，不外乎掌握好最佳嘅溫度同時間，特別係牛扒，並非要求師傅極致手藝，理論上就應該做出一個唔錯嘅牛扒，即使威靈頓牛柳一樣冇問題！！」前身是資深工程師老闆屈先生自信地說。

他謙稱自己並非牛扒癡，卻去過城中很多星級酒店及著名扒房，他說哪種牛扒質素好，哪個部份最好食，瞭如指掌。幾年前退休，重新決定人生大方向，決定在曾經工作很多年的深水埗開設扒房餐廳。

「我希望用比較科學方式，做價錢便宜、味道好嘅牛扒，比擬酒店扒房質素；除了肉要好，仲要有好嘅爐頭設備！！」從籌備扒房餐廳那刻起，先擬定出最合適嘅爐具設備，現成找不到附合要求的慢煮爐、高溫烤爐等，他就自己畫圖，找朋友製作。他說自己餐廳出品的牛扒，不敢說比五星級酒店好，但一定不會差！！

老闆說作為一間扒房，煎牛扒必要用高溫扒爐；而要做出好食的威靈頓牛柳，焗爐很重要！他說當初試了不同焗爐很多次，總是底下爐溫不足，令酥皮濕透。
最後他把一個平價薄餅爐，動手加裝一塊青石板，令底部爐溫增加至280度，焗出來的效果，十分理想。

嚴格來說，威靈頓牛扒採用封門柳，取其肉質軟腍肉味濃，每塊重約150g，煎香底面後，加Parma ham，炒至乾身的蘑菇醬，包好酥皮，焗約15分鐘。
烤出來的威靈頓牛扒，底面金黃香脆，中間牛扒五成熟，粉紅色一大片，肉汁豐盈。不用蘸任何醬汁，就夠好味。
為了威靈頓牛扒，他一共改裝三個專用焗爐，笑稱不會用來焗其他食物，因為溫度不對。

想食牛扒，推介最受歡迎的日本A5和牛西冷，原因是着實抵食，一塊200g，只賣300元，若去高檔超市，估計同等份量一件賣$400以上，而且是生牛扒，還要自己動手！

老闆說所有牛扒到貨後，事先裁好，並真空包裝，收到客人落單，必先將牛扒放到約40度water bath中回溫，才放上扒爐烤香。烤好的和牛西冷，外面形成焦香坑紋，產生梅納反應，中間呈5成熟，油香突出，中間接近50度，微熱而非冷冰冰，屬扒房出品水準。

午市也有限定新菜式：安格斯牛柳叉燒飯。用牛柳做叉燒，是老闆其中一個成功的創新想法。牛柳用特製叉燒醬醃24小時，於扒爐烤至7成熟，最後以火炙高溫令牛柳帶燒焦炭香。牛柳不似豬脢肉軟腍肥美，但肉味夠，食落不柴，口感更接近西式牛柳，但同時結合傳統叉燒的鹹甜味道。搭配自家醃青瓜、粟米、溫泉蛋組成大碗飯，飽肚，味道平衡，值得一試。

其他菜式如娘惹烤銀鱈魚意粉，靈感來自馬來西亞等地區流行菜式，老闆將當地慣用的魔鬼魚，換上油香更佳的銀鱈魚，拌入大量叁巴辣椒醬，連同洋葱、番茄、三色椒、意粉，一同放入300度焗爐，高溫下叁巴醬本身的蝦膏、蝦醬、南薑、黃薑等香料跟魚肉融為一體。打開錫紙一刻，香氣撲鼻，鹹香微辣，開胃到不得了。

提提你，由於威靈頓牛扒準備工夫多，一個專用焗爐一次只能做兩份；如果想試，留意每日限量約十份，除了深水埗店供應，銅鑼灣分店同時推出，同樣限量十份！！

威靈頓牛扒 $260 (限量供應)
日本A5和牛西冷 $300
安格斯牛柳叉燒飯 $90 (午市供應)
娘惹烤銀鱈魚意粉 $190

Supreme Steak & Grill @supreme_steak_and_grill
地址：深水埗福榮街161號地下
電話：9880 2237
營業時間：星期一至日12nn - 4pm 5:30pm - 10pm

地址：銅鑼灣景隆街15-27號海都大廈地下4號鋪
電話：3618 7756
營業時間：星期一至日12nn - 10pm

#牛扒 #威靈頓牛扒 #叉燒 by @talkfood

356

0

4 days ago

#TF 【#真實試】炒麵王最強新口味？全新青花椒味宵夜絕配

公仔炒麵王應該係大家嘅宵夜至愛之一，最近推出咗大受歡迎嘅青花椒味，小編即刻買返個嚟試試。本身唔抱住太大期望，點知食落幾正喎，特別係呢排天氣少少涼，深宵食返個，真係啱晒！！暫時係小編食過，最好味嘅炒麵王口味！

一入口青花椒麻香味突出，後勁帶點微辣。
整體調味拿捏得剛剛好，順口而不嗆辣，亦不會太鹹，食到最後嘴唇仲會帶有微微嘅麻痹感，非常惹味。

對於平時鍾意麻辣味，唔食得咁辣嘅朋友，呢款新口味值得一試！

呢款青花椒味炒麵王已經喺部份7-Eleven搶先開賣，每盒$13.5，記得去附近7仔撞吓手神。

#炒麵王 #青花椒 #TalkFood by @talkfood

2k

1

5 days ago

[#去玩嘢] Sukie & Sherman 識幾多種 ship?

呢幾日Thread 上大家都講緊「呢兩日涼少少你就以為秋天真係嚟，唔怪得知人哋覆你快少少你就以為人哋鍾意你」🍂

今日Sukie 同 Sherman 就同你再講多少少，等大家唔好咁易沉船🙂‍↔️

你有無聽過 Reelationship？就係一班朋友（或者曖昧對象）平時幾乎唔傾計，淨係靠互相 send Reel 去維持關係嘅「友情／感情」😂 Send 完就當有聯絡，超低成本但竟然有用！

各位 Talk So Fun Followers, 除左沉船之外你地有無經歷過其他 “ Ship “啊? 🥹

想睇更多最新最快玩樂好fun資訊，快啲Follow @talksofun by @talkfood

623

10

8 days ago

#TF【#吃好吃】經典點心二選一從傳統到創新延續香港情懷

飲茶不單是填飽肚子的日常，更是融入生活的哲學。熱鬧的煙火氣與凝聚力，承載著這座城市獨有的人情味。

人情味與手藝是點心文化的靈魂。看似簡單的一籠蝦餃，從麵皮厚薄到蒸煮火候，無一不極考功夫。一家人圍坐慢慢傾偈嘆茶的畫面最為珍貴，大家聚在一枱共享的時光，點心與陪伴缺一不可。

添好運現已進駐銅鑼灣利園二期，新店更設有品牌首個「國際點心研創室」，由熟悉的味道出發研發新點心！

添好運（銅鑼灣利園二期分店） @timhowan.hk
地址：銅鑼灣恩平道28號利園二期LG02-08號鋪

#添好運 #點心 #TalkFood by @talkfood

583

5

9 days ago

#TF【#零食當飯食】Threads爆紅阿活2大皇牌變身薯片！聯乘日清湖池屋焗豬 +咖喱牛腩薯片邊隻好味？！

大快活別注版薯片你試咗未？今次大快活聯乘日清湖池屋，將兩大阿活皇牌變身薯片，隨時隨地都可以食到阿活。

阿活焗豬扒飯味
薯片酸酸甜甜，第一啖係番茄味，非常開胃，仲有少許芝士香。建議腦補吓，再加啲想像力，少少似食到蛋炒飯加焗豬茄汁味，整體嚟講，有75%還原焗豬本人！

皇牌阿活咖喱味
打開包裝，即時聞到強烈咖喱香料味，完完全全就是阿活咖喱，食落帶辣意，偏重口味，鍾意阿活咖喱，可以一試！

每包薯片淨重50g，不過打開包裝睇落份量有啲少，但勝在脆口夠味。
即日起，大快活全線分店有售，$12/包，$20/2包，買一包仲送大快活$5現金券，數量有限，快啲去搶啦！

@hkfairwood
#Fairwood #大快活 #大快活聯乘日清湖池屋 #阿活薯片 by @talkfood

2k

4

10 days ago

#TF【#吃好吃】我們最喜愛牛油年糕排行榜 TOP 5！邊間最煙韌？$4街坊小店性價比之王！！

由韓國吹到香港嘅「牛油年糕」熱潮，好多人一食即愛上啦！！
外脆內軟，大啖咬落去，煙韌口感，滿滿牛油香，真係好好食！

正因為如此，市面上好多人氣烘焙店，甚至街坊老餅店，都推出自家版本牛油年糕，(連Bakehouse都出埋薑味牛油年糕！！)，真係唔講得笑！

到底邊間最煙韌？邊間最焦香？
小編總結出我哋暫時5大最喜愛牛油年糕，會唔會又係大家嘅心水呢？？

真實試！牛油年糕排行榜

No. 1 泰興餅店｜牛油年糕 $4/個 @taihingcakeshop
小編心目中嘅牛油年糕 Tier S 就係泰興餅店！！呢間荃灣區老字號，就算你冇食過佢哋嘅麵包，都可能食過或排過佢哋出晒名嘅熱香餅漢堡！！

牛油年榚同樣主打平靚正，聽講一出就即刻引起話題同搶購，因為實在大癲佛心價，4蚊一個，真係呢個價錢就贏盡口碑！

每日中午12點同下晝2點出爐，小編平日去買，早就有人龍等候。
兩款口味：牛油同斑蘭味，每人限買5個。

每次出爐一盤20個左右，好快俾人夾晒，真係要搶。
店家超貼心，特別標明因為附近老街坊較多，所以外殼做得冇咁硬身，唔會咁「刮口」，裏面軟糯煙韌，極jeng，甜度啱啱好，牛油香而不膩，買5個都係廿蚊咋，諗唔到唔食嘅理由！

No. 2 喜承烘焙｜原味牛油年糕 $6/個 @belleheritagebakehouse
土瓜灣街坊餅店，早排佢哋個炸蛋球沙翁，係網上爆紅，吸引唔少區外人排隊；最近仲係灣仔開咗新分店；除咗懷舊包點出色，牛油年糕都一樣高質！
唔單止有原味，仲有伯爵茶、斑蘭等。

小編買完放咗兩個鐘左右先食，外皮冇變腍，一樣唔太甜，內餡係少見嘅年糕感最重，同時又唔會黏牙，煙韌控要試！
記得中午後先好去買，朝早未出爐㗎！

No. 3 初麥｜原味牛油年糕 $7/個 @jakenmebakery
小編每次去初麥，除咗必買鹽可頌，都一定望吓牛油年糕仲有冇貨！
初麥嘅牛油年糕外皮十分脆口，整體更加焦香，內裏煙韌Q彈，牛油味香濃，其實幾唔錯。
銅鑼灣店仲有限定「杜拜開心果脆絲年糕」，夠晒邪惡！

No. 4 Red Bridge Bakery HK｜牛油年糕 $18/個 @redbridge_hk
係 K11 Musea 嘅 B2 層，行落去未見到鋪頭，已經聞到陣陣麵包牛油香。因為呢間Red Bridge Bakery，出晒名嘅牛角包，選用法國高級麵粉同法國牛油，曾於米芝蓮名廚盲測評中獲選第一名，所以價錢都有番咁上下！！

因此，佢哋嘅牛油年糕都係咁好食(同好貴！！)，應該係小編暫時見過全港最貴嘅牛油年糕，但係，食落去口感的確唔同，內餡氣孔較多，空氣感偏重，好濃郁嘅牛油香同焦香，食完唔會太膩。

店員話通常朝早11點幾出爐，如果賣晒，下晝4點左右就有第二輪。
不過$18/個抵唔抵食，見人見智啦！

No. 5 享樂烘焙｜脆皮貝殼年糕 $7/個 @ly_bakery
享樂烘焙算係呢股牛油年糕熱潮中，比較早加入戰線嘅人氣烘焙店，唔單止有原味，仲不停出新款，好似近期嘅Tiramisu同明太子脆皮牛油年糕，都超受歡迎。

講番原味牛油年糕，做成貝殼形狀，比較薄身，咬落比較厚實，焦脆感較明顯，如果你鐘意食脆口嘢，要試！

邊一間嘅牛油年糕最吸引你？你哋又有冇其他私藏嘅高質牛油年糕小店推薦？即刻留言話俾小編知啦！

#牛油年糕 #麵包控 #TalkFood by @talkfood

3k

3

11 days ago

#TF #街坊是叻！話你知意大利大廚Paolo鍾意食啲乜！

灣仔AMA 意大利餐廳從意大利農場引入Chianina牛扒，餐牌上這一道正宗佛羅倫斯牛扒，印有牛隻官方認證，無花無假。餐廳樓下還有gelato專櫃，經過記得食返杯！咁Chef Paolo又有哪些心水餐廳？

AMA Ristorante @amaristorante_hk
地址：灣仔莊士敦道208號25樓
WhatsApp 電話：3702 0806
營業時間：星期一至日 12nn-12mn by @talkfood

654

5

15 days ago

【#去玩嘢】你可以唔去但你一定要請朋友去！挑戰臭味極限瑞典《嘔心食物博物館》啟德展出入場派嘔吐袋＋必試終極大魔王鯡魚罐頭

各位自問胃口好、膽量大嘅勇士留意啦！啟德 AIRSIDE GATE33 藝文館開展《嘔心食物博物館》，展覽喺瑞典馬爾默創立，已經巡迴過洛杉磯、柏林、台北等地方，今次終於首度登陸香港！

一入場工作人員就會隨票派「嘔吐袋」，因為真係全方位考驗你嘅視覺同嗅覺！今次香港站搜羅咗來自全球35個國家、超過80款極具爭議性嘅話題美食，仲特別搵嚟本地調香師獨家研發並還原食物嘅獨有氣味，行到邊聞到邊。

全場分咗五大主題展區：
【原野盛會】：大自然的極致生存智慧「從頭吃到尾」的飲食方式
展出果蝠湯、豚鼠，仲有美國西部名物「洛基山脈蠔」（即是酥炸牛睾丸）等原始食物！
【滋補奇餐】：「以形補形」的傳統藥膳滋補邊界
集結東南亞養生名物「鴨仔蛋」、牛鞭、蛇酒、老鼠酒等「藥膳」。
【嗅臭工房】：重頭戲！集結臭味食物
包含被譽為全球最臭嘅「瑞典鹽醃鯡魚罐頭」、氨水味極濃嘅「冰島發酵鯊魚肉」，仲有內含活蛆蟲嘅「義大利薩丁尼亞活蛆芝士」！
【擇膳之席】：反思對食物的喜惡
對比世界各地飲食偏好，例如麝香貓咖啡、鹹甘草糖等。
【明日剩宴】：面對未來糧食危機與氣候變化的未來餐桌
展示高蛋白質且低碳排嘅昆蟲食材，如炸狼蛛、蚱蜢等和實驗室培植肉。

你可以唔食，但你朋友一定要食！

展覽尾聲仲有沉浸式嘅「最後一口」試食吧，大家可以在工作人員指導下免費親口挑戰各種獵奇食材，由蟋蟀零食、鹹柑草糖，到終極大魔王瑞典鹽醃鯡魚同發酵鯊魚肉都有得試！

現場仲有限定周邊好似「嘔心顯影杯」、「盲盒昆蟲棒棒糖」同「反胃必備紙巾」賣添。今個週末快啲約埋朋友一齊去挑戰下自己嘅極限啦！

《嘔心食物博物館》香港站
日期：2026年9月29日至11月26日
時間：星期一至四：12:00 - 20:00 ，星期五至日及公眾假期：11:00 - 21:00
地點：九龍啟德 AIRSIDE 3樓 GATE33 藝文館
門票：成人$68（星期一至四）/ $88（星期五至日及公眾假期）
學生/小童/長者 $48（星期一至四）/ 98（星期一至四）/ $138（星期五至日及公眾假期）
購票平台：Klook、貓眼、UUTIX

想睇更多最新最快玩樂好fun資訊，快啲Follow @talksofun
#博物館 #鯡魚 #啟德 by @talkfood

271

0

16 days ago