Instagram story viewer> @aon.ayano> Posts

Aon Ayano

@aon.ayano

185

followers

2

following

مان ته نادان، مان نماڻو
خيال منھنجا سھنجا ھن
@amjadmirani_ منھنجو راڳي من
private office @amjukamju

POSTS STORIES REELS

ايڏي ھجي آزادي
توکي چوان خدا مان
ڪوئي نه ھڻي فتوا
توکان نه ٿيان جدا مان
توکي پيو جي پوڄان
ڪوئي نه چوي ڪافر
صحيح غلط جو رايو
ھجي رڳو اسان وٽ by @aon.ayano

غزل~ ڀورا ڀورا
~ امجد ميراڻي

ڀورا ڀورا ٿي ويو آھيان، ڇا تون مونکي ميڙيندين؟
پنھنجي دل جي ڳوٿريءَ ۾ ساجن مونکي ويڙھيندين؟

گم ٿي ويو آن ھاڻي آئون صحرائن جي پيٽ ۾
سسئي وارو پريم ڪو ڌاري آڌي رات جو کيڙيندين؟

خاڪ چڙھي وئي آ چھري تي آزارن، ايذائن جي
لاھيان سا مان ڌوڙ او دلبر، نلڪو ٿوڙو گھيڙيندين؟

عرصو ٿيو آ ساڪن پيو آن خاموشي ٿي کائي پيئي
تنبورو ڪو سمجھي مونکي پيار منجھان تون ڇيڙيندين؟

سپنا منھنجا ڪِرندا آھن ڳوڙھا ٿي نيڻن مان اڪثر
ڇا تون تن کي روڪيندين؟ ڇا تون دل سَھيڙيندين؟

ھيڪل آن مان، ھوڏان آھن مجموئي ۾ دشواريون
جنگ لڳي پئي آھي اھڙي، ڇا تون تِن سان جھيڙيندين؟ by @aon.ayano

نظم ~ منھنجو ته ڪجھ به ناھي
• امجد ميراڻي

ھي نظريو پَرايو
ھي ڳالھ آ ڪتابي
يا دوستن ٻڌائي
يا فلم مان پِرائي
اخبار ۾ پڙھي آ
يا گيت ۾ ٻڌي آ
منھنجو ته ڪجھ به ناھي
ھر چيز آ پرائي
ھي دين آھي ڌاريو
ھي ڌرم آ پرايو
ڪنھن ھڪ ڳالھ تي ڀي
پنھنجو نه ڪو ئي رايو
ھي نانءُ آ نه منھنجو
آ ذات ڀي پرائي
ھي ڏانءُ آ نه ذاتي
ھي ڏات ڀي پرائي by @aon.ayano

.
ھڪ تصوير ۾ آئون دوست جي چوڻ تي مسڪرائي رھيو آھيان
ھڪ تصوير اڄ کان 10 سال اڳ جي آھي، ۽ ان ۾ آئون پنھنجي دل جي چوڻ تي پوز ڏئي بيٺو آھيان،
ھڪ تصوير ۾ چھري تي ھڪ اداس مسڪراھٽ آھي
ھڪ تصوير ۾ آئون ڪنھن جي انتظار ۾ آھيان
ھڪ تصوير ۾ منھنجي جسم جي ڦاٽل چمڙي جا چُٽا آھن
ھڪ تصوير ۾ زمين تي واريءَ جا نشان آھن
پر ھر تصوير ۾ آئون ئي آھيان،
وڌي رھيو آھيان،
سکي رھيو آھيان،
ڊھي رھيو آھيان،
ٺھي رھيو آھيان. by @aon.ayano

نظم

(خالي گھر)

خالي ھڪڙي کٽ پئي آ
جنھن تي سمھيل ماءُ نه آھي
ٻانھينءَ ۾ آ پينگھو لٽڪيل
جنھن ۾ ننڍڙو ٻار به ناھي
سائيڪل ڀت جي اوٽ پئي آ
ڪير ھلائي چاچو ڪونھي
چاڏي پئي آ اونڌي ٿي ۽
ڪير ولوڙي ڏاڏِي ڪونھي
گھڙامنجيءَ تي دِلا پيا ھن
ائين لڳي ٿو پيا ٿا روئن
پيئڻ وارا پنڇي ڪونھن
جيئڻ وارا پنڇي ڪونھن
"ھي گھر آھي منھنجو سارو
جنھن ۾ رھندس آءُ سدائين"
ڀت تي چاڪ سان لکيل آھي
جيڪو ننڍڙي ڀاءَ لکيو ھو
ھن جا جملا ظاھر آھن
ظاھر پر ھو ڀاءُ نه آھي
آڳر تي پيا رانديڪا ھن
کيڏڻ وارو ساھ نه آھي
ويھاڻي تي نالو جنھن جو
ڀاتي سو ھو پَٽ ستل آ
يار ته ھن جا روئن ٿا پر
آسمان به ڏک ۾ آھي
آئيني تي لکيل فقرو
"سنڌو توسان سانڍيل رھبو"
ماڻھو اڄ ھو ڏور ڪٿي آ
سنڌو تنھن کي ساري ٿي پيو
ماڻھو آخر ديس ڇڏي ويو
سنڌو کان ھو پرتي ڪِيو ويو
ساڻ کنيون بس ٻولي نڪتو
روئندو روئندو ھند پڳو ھو!

امجد ميراڻي by @aon.ayano

1947 واري ورھاڱي جو منظر ائين ھيو جيئن، ھڪ پنج ھزار سال پراڻو بڙ جو وڻ ھجي جتي ٻن مختلف قسمن جا پکي رھندا ھجن، ھڪ قسم جي پکين جو ٽولو ٻئي قسم جي پکين جي ٽولي ڏانھن مھمان ٿي ايندو ويندو ھجي، پاڻ ۾ خوب ڪچھريون ڪندا ھجن، پاڻ ٻنھن جي ٻولي ساڳي ئي ھجي، پاڻ ھڪ ٻئي سان ھم آھنگي قائم ڪري رھندا ھجن، مذھب انھن جو پيار ھجي، ھڪ ٻئي جي خوشين ۾ شريڪ ٿيڻ کي ثواب سمجھندا ھجن، سڀين پنھنجي مدد پاڻ تھت ڪک پن ميڙي رھڻ لئي آکيرو ٺاھيو ھجي، کائڻ لئي صدين تائين نه کٽندڙ اَن گڏ ڪيو ھجي ۽ پيئڻ لاء قسمت ۾ سنڌو درياء جو پاڻي مليو ھجي.

۽ اچانڪ ان بڙ تي حملو ٿي ۽ وڏين ڏاڙھين وارا ٻيا ڀيانڪ جانور وڻ ۾ رھندڙ ھڪ پکين جي ٽولي کي انتھاپسندي جا ٺونگا ھڻي اٿارن ۽ اھي به نماڻا پکي خالي ھٿي اتان اڏڻ بجاء پيري پنڌ نڪري پون، ڀر وارن ٻين پکين کي ڀاڪر پائيندا، پار ڪڍندا موڪلائي ھڪ اھڙو رِڻ وسائن جتي رھڻ لاء نه ڪوئي وڻ ھجي نه آکيرو ھجي ۽ نه ئي وري آکيري ٺاھڻ لاء ڪو ڪک پن. بس ھجي ته ھڪڙي سادي ٻولي ۽ اباڻي وطن جي ھانءُ ڦاڙيندڙ ياد!

~ امجد by @aon.ayano

•
بس ھلان پيو يار!
سفر ۾ ئي آھيان پر لڳي ٿو پوئتي پيو وڃان
پيري پنڌ آھيان نه! وري پيرن اگھاڙي ڀي!
بيقراري،
بي يقيني،
نا اميدي،
بي چيني،
4 ڪلاڪ جي غير مسلسل ننڊ
15 ڪلاڪ بستري تي ليٽيل مان
شرٽ لاٿل
پکو پگھر سڪائي نٿو
ميرا لٽا
ميري رلي
ٻوسٽ
تون ٻڌاء، ڪيئن آھين؟ by @aon.ayano

-
اک تئون وار ته پرتي ڪر تون
آنڌي ٿي وئي عالم تي آ
سورج تنھنجي نيڻن ۾ آ
نيڻ کڻين ٿي باک ڦٽي ٿي
گل ڦل سارا پوء اڳن ٿا
يار پپيھا پوء اٿن ٿا
آڳر تي جي وار ڇنڊين ٿي
برپٽ تي برسات پوي ٿي
وار وڪوڙي ڳُت ڏيئين ٿي
اڀ مان انڊلٺ نڪري پئي ٿي
تنھنجي چرپر سان سڀ ٿئي ٿو
دنيا تي اختيار رکين ٿ

~امجد ميراڻي
Photos:@muzamil_habib111 by @aon.ayano

-
دکي ھي دل منھنجي تو لئي
غزل ٽي چار پڙھيا پئي
ڪيون ڪوئل وڏيون ڪوڪون
وڏا سر ساز ڇڙيا پئي
منھنجي ھر سوچ کي پاتل
آ تنھنجي نينھن جو ڪنٺو
اکين جي ورق ۾ ڇاپيل
آ تنھنجي سونھن جو نقشو
ھليو ويو يار ڪوھيڙو
مٿان آ چنڊ ڀي بيٺو
سڄي روشن ڳلي آھي
مگر تنھنجي ڪمي آھي
ھئو ڀڻڪو فضائن جو
ڪئي چيچاٽ ڪاٺين پوء
ٻه ٽي قصا ڏسيا تارن
ترانو چنڊ ڳائيو پوء
سڀين ڳالھيون ڪيون پنھنجون
ڪچھري ڪئي نه تو مونسان by @aon.ayano

-
اگر جي نھارين نظم ڏان اسانجي
۽ ڳوڙھا اوھانجا ڪِرن ٿا پنن تي
ته الفاظ تنھنجي ڪندا پاسباني
ڪتابن ۾ ڳالھيون رکيون ٿو وڃان مان by @aon.ayano

ٿڪجي پيو ھان خالي ڪمري جون ڏيئي مسواڙون ڪيئي،
تنھنجي يادن جي برپٽ تي پنھنجي ھاڻ رھائش آھي. by @aon.ayano

سسيفس-
(البرٽ ڪامئو جي "ڌي مِٿ آف سسيفس'' جي ٻڌل ننڍڙو نظم)

ڏونگر جي چوٽي تي پٿر چاڙھيان ٿو ۽ لاھيان ٿو
پنھنجي جيون کي پيارا
پنھنجي ليکي ڀانيان ٿو

ساڳيا ماڻھو ساڳيون ڳالھيون
بيتابي ۾ دل ٿا پاليون
ساڳي دنيا ساڳيو شور
ساڳيا لمحا ساڳيو دور
ساڳيو حال ساڳي خواري
ساڳيا رستا ساڳي سواري
ھر شيء ساڳي ساڳي آھي
پنھنجو جيون داڳي آھي
چرخي وانگي چر پر پنھنجي پيو مان ڦيرا کاوان ٿو
پنھنجي جيون کي پيارا پنھنجي ليکي ڀانيان ٿو

Photo by: @muzamil_habib_ by @aon.ayano