Instagram story viewer> @pragmatica.studio> Posts

Pragmatica Interior Design Studio

@pragmatica.studio

276

followers

8

following

Interior design | Furniture design & Engineering | Project management
📍Skopje
[email protected]

POSTS STORIES REELS

🏠Реновирање на спрат од семејна куќа | 160 м² | Скопје

Проектот опфаќа реновирање на цел спрат од семејна куќа со посебен фокус на кујната и просторот околу неа.

Главното барање на клиентите беше да се создаде доволно простор за складирање, без притоа просторот да стане визуелно тежок и преоптоварен.

Решението се темели на внимателно организирање на функционалните зони, интегрирање на складишните елементи и создавање визуелно почист и полесен простор.

Целта не беше само да се додаде повеќе, туку секој елемент да има своја функција и свое место, со тоа оставајќи доволно простор за светлина, движење и секојдневно живеење.

Во соработка со:
@opremamebel by @pragmatica.studio

BKW DJ Booth

Од идеја до финален продукт работевме тимски на секој детал од овој мобилен DJ booth.

Трапезоидна форма, огледален инокс и футуристички карактер, со многу внимание посветено на функционалноста, мобилноста и начинот на кој booth-от функционира во просторот.

Особено ни е драго што клиентот ни даде доверба и можност оваа идеја да ја претвориме во реален продукт. Благодарни сме што имавме можност да работиме на ваков проект и да го развиеме дизајнот до финалната изведба.

Еден од оние продукти на кои навистина сме горди.

Во соработка со:
@bkw_hybrid_bar
@pragmatica.studio
@labava_varijanta
@elektroneon
@inoxartdizajn by @pragmatica.studio

Bonobo Hi-Fi Place 🎶

Проект кој навистина ни беше посебен, простор во кој се среќаваат архитектурата, музиката и атмосферата.

Ентериерот го развивавме со Pragmatica studio заедно со Ерина Филиповска и Фросина Николовска.

Идејата тргна од балансот меѓу сурови и топли материјали како бетон, метал и чисти геометриски форми, во комбинација со дрво, зеленило и слоевито осветлување. Винил колекцијата, скулптуралниот бар и различните нивоа во просторот создаваат различни ритми и атмосфери од поотворени и социјални до помирни и поинтимни.

Сакавме Bonobo да има свој карактер — современ, малку суров, но топол и опуштен. Простор во кој не доаѓаш само на пијачка, туку сакаш да останеш уште малку.

Мило ни е што сега просторот живее.

Во соработка со:
@bonobo.hi_fi.place
@pragmatica.studio
@erinafilipovska
@fros_niko
@konstrukta_mk
@freeform.mk
@mebelacevski
@monozero
@teoharov_audio
@laplast.m by @pragmatica.studio

Пренамена на подрумски простории од 80м² во простор што активно се живее и користи за фитнес, релаксација и забава.

Погледнете дел од фотографиите од реализираниот проект. by @pragmatica.studio

Кога просторот ќе ја добие својата форма, а идејата ќе стане реалност, најголемата вредност не е само во дизајнот, туку во чувството што останува.

Взаемна доверба, споделена визија и процес во кој секој чекор има значење.
Токму таму се раѓа чуството на вистинската исполнетост.

Благодарни сме за уште една соработка која резултираше со простор што живее, дише и раскажува своја приказна. by @pragmatica.studio

Проектирање и пренамена на подрумски простории од места за складирање во функционални зони за фитнес, релаксација и забава.

Со внимателно планирање, оптимална организација и избор на соодветни материјали, подрумот се трансформира во продолжение на домот.

Секој ваков проект носи свои предизвици, од технички услови и осветлување до вентилација и удобност, но токму во тие ограничувања се креираат најкреативните решенија. by @pragmatica.studio

Зад секој завршен простор стои процес, слоевит, интуитивен и внимателно воден.

Овој полуотворен летниковец започна како идеја за едноставно засолниште во природа, но преку истражување на контекстот прерасна во простор што одговара на начинот на користење, климата и пејзажот.

Moodboard-от беше воден од природни текстури: сурово дрво, камен, мат метал и неутрална палета што се вклопува со планинската околина. Инспирацијата дојде од традиционални планински структури, но интерпретирани на современ начин со чисти линии, минимализам и функционалност.

Од првични скици до финален простор, идејата остана иста: архитектурата да не доминира, туку да создаде рамка во која природата ќе дојде до израз. by @pragmatica.studio

Полуотворен летниковец од 30m2 сместен на планина, создаден како простор за собирање, готвење и уживање во природата.

Просторот е организиран со outdoor custom кујна, кујнски остров и трпезарија, изработени од природни материјали и опремени со кујнска опрема специјално наменета за надворешни услови.

Застаклен од три страни, летниковецот овозможува користење во сите сезони без да го попречи погледот, каде архитектурата останува тивка, а природата доминира.

Ова е редефинирано outdoor искуство, место каде архитектурата создава амбиент за живеење, собирање и уживање во природата. by @pragmatica.studio

Pragmatica studio | 2025

Основано од Теодора Војдановска, архитект и Ива Ѓорѓевиќ Трајковска, инженер по дрвна индустрија, студиото произлегува од спојот на простор и изработка од концепт до детал.

Нашиот пристап се движи помеѓу архитектурата и мебелот, каде секој елемент има своја функција, но и своја улога во целината.

Веруваме во промислен дизајн, во вредноста на материјалот и во процесот што стои зад секое решение.

Создаваме простори што не се само визуелно јасни, туку и логично и прецизно обликувани - простори што се живеат. by @pragmatica.studio

by @pragmatica.studio

Мебел изведен од страна на резбарско-столарското атеље во Скопје на Нестор Алексиев Мерчевски во далечна 1934 година.

Конзервацијата е изведена од конзерваторите Љупчо Иљовски и Дарко Комненовиќ, вклучувајќи постапки кои беа неопходни за враќање на првобитниот изглед.

Вредноста на овие две парчиња (комода и библиотека) е повеќе димензионална, таа вклучува авторска виртуозност, пластицитет и избор на јасно насочени мотиви, избор на материјали и нивниот квалитет. by @pragmatica.studio

Реновирање на стан со површина од 90 m² во „Градски ѕид“ во Скопје.

Целта на проектот беше да се создаде ентериер што ги обединува историските елементи со современиот израз и потребите на модерното живеење.

Барањето на клиентите за реставрација на уникатниот постоечки мебел, изработен од истакнатиот резбар Нестор Алексиев Мирчевски, придонесе кон зачувување на значајно културно наследство и му даде автентичен идентитет на просторот.

Проектот потврдува дека „старото“ не е отпад, туку потенцијал — со внимателен и одговорен пристап, создаден е елегантен и функционален ентериер со изразен карактер. by @pragmatica.studio