libroscontos(@libroscontos) instagram tagged download - imginn.com

Instagram story viewer> @libroscontos> Tagged

@libroscontos

3.2K

followers

1758

following

Recuncho para falar de libros e o que xurda.
Lectora empedernida, namorada do galego
TikTok libros.e.outros.c
https://youtu.be/ddCJcFuCOGM

POSTS STORIES REELS TAGGED

Non todos os libros cambian o que pensamos. Algúns cambian o lugar desde o que pensamos.

Este mes, desde as Bibliotecas Municipais da Coruña (BMC) sumámonos ao reto lector impulsado por @libroscontos, un proxecto colaborativo que reúne a recoñecidas #bookstagrammers galegas en torno a recomendacións de lectura cunha temática concreta cada mes.

En agosto a proposta é “Libros que descontrúan”. Velaquí a nosa escolma de dez lecturas que cuestionan os relatos herdados e convidan a mirar o mundo desde outros ángulos:

📚 Virgen jurada / Elvira Dones. Editada en @erratanaturaeeditores, 2025.

📚 Una temporada en Tinker Creek / Annie Dillard. Editada @erratanaturaeeditores, 2017.

📚 Razóns de peso desbordamentos, desexos e outras incomodidades gordas / Andrea Nunes e Leticia Citoula (coord.). Editada en @catroventos, 2026.

📚 Petróleo / Pier Paolo Pasolini. Editada en @nordica_libros, 2025.

📚 Nelly Bly: en la guarida de la locura / Virginie Ollagnier, Carole Maurel. Editada en @norma_editorial, 2025.

📚 Las negras / Yolanda Arroyo Pizarro. Editada en Caballo de Troya, 2025.

📚 Iribarne / Esther F. Carrodeguas. Editada en @edicionspositivas, 2024.

📚 Eterno anochecer / Forugh Farrojzad. Editada en @galloediciones, 2025.

📚 O clan das barbies / Antía Yáñez. Editada en @edicionsxeraisdegalicia, 2024.

📚 Cinco corujas / Susana Sanchez Arins. Editada en @atraveseditora, 2023.

💜 Desde as @bibcoruna estaremos atentas ás propostas lectoras de: @delibrosalibres, @lua_soto7, @aradenaron, @nazondebookstagram, @mazadahorta, @iriaagondar, @lendo_libros, @littera_lupa, beavazquez_, @barbibooks, @lumadoito e @toxoselibros.

📚 E ti, que libro engadirías a esta selección?

✍️ Déixanolo nos comentarios.

💾 E garda este carrusel para cando busques a túa próxima lectura!
.
.
.
#Bibcoruna #RecomendamosBMC #RetoLibrosContos26 #retolector

166

17

Veño de novo cunha relectura, pero esta é especial. Hai uns meses @libroscontos tivo a ben comezar a aventura deste libro viaxeiro, no que cada unha das participantes podemos anotar, marcar e comentar o que nos pareza oportuno. Para unha lectora de lapis como son eu, é un plan perfecto.
Paseino moi ben compartindo os meus pensamentos!

P.D.: Neste mesmísimo momento viaxa camiño da seguinte persoa.

15

3

2 parte das recomendacións para este mes do #retolibroscontos
Lembrades que toca ler un libro sobre herdanzas
#lermola#lersobreherdanzas#summer#lendo

11

0

Co novo mes, temos nova premisa do #retolibroscontos2026 e desta vez toca ler sobre herdanzas.

Nos próximos días irei traendo ideas para que teñades distintas opcións. Xa pensastes que ides ler?

#lermola#lerengalego#literaturaeherdanzas#xullolector

14

7

Eu non me criei nin estudei en España. Así que, para o #retolibroscontos deste mes, proposto por @iriaagondar, aproveitei para ler “Platero y yo”; un libro que nunca formou parte do meu currículo escolar.

Atopei nel moito máis ca a historia dun burriño e o seu coidador. É un libro para ler amodo, onde cada historia é unha pequena contemplación da beleza, da natureza e da fugacidade da vida. Un libro que non precisa grandes acontecementos para emocionar, porque atopa o extraordinario no cotián.

“Platero y yo” pertence aos libros que hai que gozar amodiño e que nos ensinan a mirar e a estar máis presentes.

3

2

O 12 de agosto de 2026, Galicia deterase durante uns minutos baixo a sombra da lúa. Mais pregúntome se nós, habitantes dun tempo que nunca coñece a escuridade, seremos capaces de sentir o mesmo que o narrador de Platero y yo. Cando o Sol se oculte, as farolas acenderanse soas, os sensores reaccionarán antes ca nós e a noite artificial acudirá axiña ao rescate.

Quizais por iso o verdadeiro desafío do eclipse sexa afastarnos do moderno e mirar. Simplemente mirar. Gardar o móbil, esquecer a présa e deixar que a escuridade nos sorprenda.

Porque o milagre non será que o Sol desapareza. O milagre será que, nun mundo empeñado en iluminalo todo, aínda saibamos conmovernos cando falta a luz.

#RetoLibrosContos

3

0

📚✨ Nova iniciativa na Escola de Montaos ✨📚

Dende a asociación puxemos en marcha unha pequena biblioteca para que todas e todos poidades desfrutar da lectura 📖💛

O funcionamento é moi sinxelo:
➡️ Para levar un libro, só tes que anotar o teu nome e o título do libro na lista habilitada.

Queremos agradecer especialmente todas as doazóns recibidas, xa que sen a vosa colaboración isto non sería posible. Tamén dar as grazas a @libroscontos pola idea e pola súa colaboración nesta iniciativa 💫

📍 A biblioteca atópase na planta baixa, na porta da dereita.
🕓 A escola estará aberta os venres de 16:00 a 18:00 e de 19:00 a 20:00.
Se precisades acceder noutro horario, podedes contactar coa directiva.

28

1

Chegou o momento do reto que máis agardaba, o #retolibroscontos26 de maio (idea de @mazadahorta). A miña queridísima Begoña Caamaño. A miña queridísima Morgana. Acompañádesme na aventura?

Primeiro de todo, Begoña é a raíña das reelaboración. Neste caso, foi máis alá e o que fixo é unha reelaboración dunha reelaboración. Un reretelling. Reelaboración². Porque a súa Morgana vén ata Galiza, ata Esmelle, para contarnos a nós e só a nós a súa historia. Sóavos? É onde vive o Merlín de Cunqueiro, en Merlín e Familia.

Esta ansia de contar as historias dende e con perspectiva de xénero non vén da nada. A nosa benquerida autora deixou un ronsel de artigos e entrevistas nas que deixa moi claro que non entende a vida sen o feminismo. Por suposto que as mulleres das súas historias falan coa súa propia voz. E sacan as cores ós personaxes masculinos.

Neste caso, Morgana chega a Esmelle coma unha aparición, de noite, no medio dunha treboada. Merlín recíbea case coma se a estivese a agardar. Xenebra, en cambio… “puta malparida” é o máis suave que lle chama.
Desprégase dende aquí a maxia desta novela, que da man de Morgana e Merlín vainos levar a Camelot, a Ávalon e ós sucesos que provocaron a súa caída. As argalladas de Merlín e Viviana, as vidas manipuladas de Artur e Xenebra, os amores imposibles de Lancelot… e, no medio de todo, Morgana; presenciando, vivindo e sufrindo as consecuencias dos actos que non sempre foron seus.

Recomendo encarecidamente esta lectura a todo o mundo, pero sobre todo as amantes das historias da Bretaña que, ademais, levan as lentes lilás postas e ven o mundo a través delas.

P.D.: A imaxe é a mesa que puxemos con referencias a ela e á súa obra na homenaxe que se lle fixo no meu insti, o IES Alexandre Bóveda, na presentación do documental producido pola RAG, Navegar no pracer do azul. O pracer foi meu, por poder participar.

21

4

Este mes de maio continuamos co #retolibroscontos26 de @libroscontos, compartindo as nosas recomendacións dentro do tema proposto por @mazadahorta: Begoña Caamaño, autora homenaxeada nas Letras Galegas 2026.

💜 Xornalista, narradora, activista, sindicalista e feminista, Begoña Caamaño (1964-2014) é referente na defensa da lingua, na loita pola igualdade e en xeral na defensa dos dereitos humanos, o pacifismo, a solidariedade, a dignidade e a liberdade.

👉 Velaquí o noso🔝5️⃣ de lecturas:

📚“Circe ou o pracer do azul”, de Begoña Caamaño. Edición con motivo das Letras Galegas 2026 en @galaxiaeditorial.

📚“Morgana en Esmelle”, de Begoña Caamaño. Edición con motivo das Letras Galegas 2026 en @galaxiaeditorial.

📚“A Compostela de Begoña Caamaño”, con textos de Encarna Otero Cepeda e ilustracións de @leepascale. Inclúe retrato de Begoña Caamaño, ilustrado por Fernando Vicente (imaxe que abre este post) e ilustracións do “Alalá das Mariñas” de @miguelanxoprado.

📚“Os fíos de Begoña”, biografía ilustrada de Begoña Caamaño. Textos de Eva Mejuto e ilustracións de @nuria_diaz. Publicada en @edicionsxeraisdegalicia.

📚“Begoñísima”, álbum ilustrado por @agustinashuan con textos de @andrea_nunes_brions. Unha homenaxe a Begoña Caamaño e a todas aquelas persoas que soñan xuntas e transforman o mundo desde o coidado e a rebeldía. Publicada en @cuartodeinverno.

👀 Desde as @bibcoruna estaremos moi atentas ás propostas lectoras de @libroscontos, @delibrosalibres, @lua_soto7, @aradenaron, @nazondebookstagram, @mazadahorta, @iriaagondar, @lendo_libros, @littera_lupa, beavazquez_, @barbibooks, @lumadoito, @toxoselibros.

✨ E ti, úneste ao reto lector? Un tema cada mes!
.
.
.
#retolibroscontos #retolector #recomendamosbmc #bookstagramgalicia Imaxe que recolle o seguinte texto: Xornalista, narradora, activista, sindicalista e feminista, Begoña Caamaño (1964-2014) é referente na defensa da lingua, na loita pola igualdade e en xeral na defensa dos dereitos humanos, o pacifismo, a solidariedade, a dignidade e a liberdade. Neste mes de maio de 2026 celebramos a súa Circe, a súa Morgana, e mergullámonos nalgunhas outras obras que honran a súa memoria e o seu labor.

68

3

Begoña ensinounos que sempre hai que celebrar a amizade 🫂 e máis cando proxectos tan lindos como Mapa da estría, Punto de araña ou o Club de lectura A SEGA e Lila de Lilith levan premios 💖

233

8

Para o #retolibroscontos deste mes, @nazondebookstagram propúxonos ler unha distopía. Eu escollín a reinterpretación de Chris Mould de A guerra dos mundos de H. G. Wells; un libro visualmente fermoso, coas súas ilustracións tan coidadas como inquietantes.

E, aínda que non fomos invadidos por alieníxenas, ás veces parece que o mundo no que vivimos xa ten algo de distópico. Hai líderes que toman decisións alleas á humanidade; conflitos que non cesan; violencia que se normaliza; verdades incómodas que saen á luz e nos obrigan a mirar de fronte o que está mal.

Temos máis información ca nunca; opinamos, queixámonos, compartimos. E, con todo, ás veces semella que estamos anestesiadas; como se agardásemos que alguén (unha figura salvadora, un xiro inesperado) viñese arranxalo todo por nós. Pero iso non chega. E nesa espera, quedamos nun lugar incómodo; entre a frustración e a impotencia, entre saber e non actuar.

Quizais a distopía non está só nos libros. Quizais tamén está aquí; e por iso lela, nomeala, tamén importa. Pero o que máis importa é intentar mudar a situación cos nosos actos.

3

6

Describe perfectamente o tempo que estamos a vivir mais o que me pregunto eu mesma tódolos días; como podemos seguir coa rutina con todo o que sabemos que está pasando?

#RetoLibrosContos #DistopíaAQueVivimos

3

0